Pangasubu:
Anuar Abdulla
Assalamu alaykum pa katan... Sual, Maita' in samabahayang zuhur iban azar di' pagpatanugun in pagbassa? wassalam...
Jawab:
Ibn Shaakir
Wa alaykum mussalam wa rahmatullahi wa barakatuhu. Sabab, bihadtu in Sunnah sin Rasulullahi (Sallallahu alayhi wasallam), di' patanugun in pagbassa sin Ayat ha Luhur iban Asar, patanugun in ha Maghrib, Eisha iban Subuh.
Abu AbdirRahmaan
Wa 'alaykum assalaam wa rahmatullaah....
Daing ha manga hikma't tuan, wallaahu a'lam, ha kabiyaksahan sin manga manusiya' in waktu Luhul sampay pa Asar, pagtutug atawa paghali-hali sin ka'ibanan. Kamawmuhan in manusiya' landu' makaru' daing ha Luhul pa Asar, huun in manga ka'usugan pa masjid, sumagawa' aun manga kababa'ihan ha bay, manga mala'as, atawa nasasakit, atawa bukun Muslim.
Hangkan ha ka'ibanan hula' sin bukun Muslim, nahinang suysuy(issue) in pagpatanug sin sambahayang ha masjid ha karna' taga loud speaker na in manga masaajid biha'un.
Sumagawa' sambatan hi tuan Ibn Shaakir bihan in sunnat, na, wayru'un piyanghindu' katu' in agama malaingkan hikarayaw katu' misan di' na natu' abutan in hikma't niya bang mayta'.
Wallaahu a'lam bissawaab.
Daing ha manga hikma't tuan, wallaahu a'lam, ha kabiyaksahan sin manga manusiya' in waktu Luhul sampay pa Asar, pagtutug atawa paghali-hali sin ka'ibanan. Kamawmuhan in manusiya' landu' makaru' daing ha Luhul pa Asar, huun in manga ka'usugan pa masjid, sumagawa' aun manga kababa'ihan ha bay, manga mala'as, atawa nasasakit, atawa bukun Muslim.
Hangkan ha ka'ibanan hula' sin bukun Muslim, nahinang suysuy(issue) in pagpatanug sin sambahayang ha masjid ha karna' taga loud speaker na in manga masaajid biha'un.
Sumagawa' sambatan hi tuan Ibn Shaakir bihan in sunnat, na, wayru'un piyanghindu' katu' in agama malaingkan hikarayaw katu' misan di' na natu' abutan in hikma't niya bang mayta'.
Wallaahu a'lam bissawaab.
Needy Seeker
Wa 'alaykumus salaam wa rahmatuLlaah...
Daing ha manga kissa makawa' pangadjian(historical point of view), ha waktu pa in Rasul (sallaLlaahu 'alayhi wa sallam) ha MAKKAH iban sin manga sahabat niya, wayruun gaus/ kusug nila magpatampal sin pag-Ibadat nila, mahanggaw sila bang karungugan sin Quraysh, binsana-un sila, hangkan in pag-Ibadat sin kamatauran daing kanila hakasipukan atawa timatapuk daing ha mata sin mushrikin.
Daing ha sabab yadtu hipus/ di` pagpatanugun in pagbassa nila ha waktu Zhuhur iban Asar sabab pulak-pulak adlaw adakala kadungugan sila sin satru`. Bukun biya` sin dum, misan sila magpatanug sin bassahan mahang da in magpanaw sabab waktu hipag hahali-hali na, in kamatauran ha bay nila na, sampay na sadja sila nakapaglain pa Madinah. Duun na timutug in hantang sin pagsambahayang nila sampay nahinang na sunnat sin Rasul (sallallaahu 'alayhi wa sallam).
WAllaahu a'lam...
