Pangasubu:
Shem Salialam
Salam kaniyu katan pa manga kaguruhan iban na sin tarbilang. Aun aku ipangasubu hal sin magjama'a halaum masjid. maita' in manga jama'a maglumba'-lumba' sila muna pa tagnaan sa-pan? Unu Sunnah siya yaun? Magmaap bang way imamu in Sual ku, kasilasa way hugna'.
Jawab:
Abu AbdirRahmaan
Bismillaahi walhamdulillaah was salaatu was salaamu 'alaa rasuwlillaah wa 'alaa aalihi wa sahbihi wa man walaah.
In paglumba'-lumba' pa saapan panagna'an daing ha manga parkala' iya-angut sin sara' katu' ha karna' sin kalaggu'an sin kalabbiyan niya, in dalil, sabda sin Rasuwlullaah (sallallaahu 'alayhi wa sallam):
لو يعلم الناس ما فى النداء والصف الأول ، ثم لم يجدوا إلا أن يستهموا عليه لاستهموا
Bang sadja ka'ingatan sin manusiya' (in kalabbiyan iban laggu' sin karayawan/ pahala') sin adhan(bang) iban saf panagna'an, pagpuwas wayru'un kabakan nila (labayan/ tiranan hikadawhat kaniya) malaingkan mag-istihaam, tantu nag-istihaam na sila.... [Saheeh Al-BUkhaariy iban Saheeh Muslim, bayta' dayng kan Abiy Hurayra radiallaahu 'anhu]
In hati sin "Istihaam" drawing lots bang ha bahasa anggalis, magraffle sin ngan.
Malaingkan bang bukun nabutas(separated) in lugal pagsasambahayang sin usug iban sin baba'i, wayru'un ha uwt nila tampan, nasabbut ha duga'ing maksud sin hadith sin in labi marayaw saapan sin baba'i amuna in saapan ha hulihan. Adapun bang butas na!,' in saapan labi marayaw amura in ha 'unahan.
In sugpat sin hadith, misan bukun na lamud ha pangasubu ha supaya sadja makakawa' kita pangadjian :
ولو يعلمون ما فى التهجير لاستبقوا إليه ، ولو يعلمون ما فى العتمة والصبح لأتوهما ولو حبوا
Bang sadja ka'ingatan nila bang unu (in kalabbiyan atawa kalaggu'an sin karayawan/ pahala') sin pagpatimpranu pa sambahayang luhul (atawa unu-unu na sambahayang) tantu tuud naglumba'-lumba' na sila madtu kaniiya, bang sadja kiya'ingatan nila bang unu (in kalabbiyan atawa kalaggu'an sin karayawan/pahala') sin sambahayang isha iban subuh/ fajr tantu kadtu'un /sambahayangun nila misan pa nagkakamang (pa masjid).
Wallaahu a'lam bissawaab.
In paglumba'-lumba' pa saapan panagna'an daing ha manga parkala' iya-angut sin sara' katu' ha karna' sin kalaggu'an sin kalabbiyan niya, in dalil, sabda sin Rasuwlullaah (sallallaahu 'alayhi wa sallam):
لو يعلم الناس ما فى النداء والصف الأول ، ثم لم يجدوا إلا أن يستهموا عليه لاستهموا
Bang sadja ka'ingatan sin manusiya' (in kalabbiyan iban laggu' sin karayawan/ pahala') sin adhan(bang) iban saf panagna'an, pagpuwas wayru'un kabakan nila (labayan/ tiranan hikadawhat kaniya) malaingkan mag-istihaam, tantu nag-istihaam na sila.... [Saheeh Al-BUkhaariy iban Saheeh Muslim, bayta' dayng kan Abiy Hurayra radiallaahu 'anhu]
In hati sin "Istihaam" drawing lots bang ha bahasa anggalis, magraffle sin ngan.
Malaingkan bang bukun nabutas(separated) in lugal pagsasambahayang sin usug iban sin baba'i, wayru'un ha uwt nila tampan, nasabbut ha duga'ing maksud sin hadith sin in labi marayaw saapan sin baba'i amuna in saapan ha hulihan. Adapun bang butas na!,' in saapan labi marayaw amura in ha 'unahan.
In sugpat sin hadith, misan bukun na lamud ha pangasubu ha supaya sadja makakawa' kita pangadjian :
ولو يعلمون ما فى التهجير لاستبقوا إليه ، ولو يعلمون ما فى العتمة والصبح لأتوهما ولو حبوا
Bang sadja ka'ingatan nila bang unu (in kalabbiyan atawa kalaggu'an sin karayawan/ pahala') sin pagpatimpranu pa sambahayang luhul (atawa unu-unu na sambahayang) tantu tuud naglumba'-lumba' na sila madtu kaniiya, bang sadja kiya'ingatan nila bang unu (in kalabbiyan atawa kalaggu'an sin karayawan/pahala') sin sambahayang isha iban subuh/ fajr tantu kadtu'un /sambahayangun nila misan pa nagkakamang (pa masjid).
Wallaahu a'lam bissawaab.
