بسم الله الرحمن الرحيم
الحمد لله رب العالمين، والصلاة والسلام على أشرف الأنبياء والمرسلين، وعلى آله وأصحابه ومن تمسك بسنته وتخلق بأخلاقه إلى يوم الدين ..... أما بعد:
Tagnaan ku ha ngan sin Allahu Ta'ala baing Ulungun baing Kasihun..
In katan sanglitan iban pudji-pudjihan tuput pa Allahu Ta'ala Tuhan sin katan A-lam, Salawat iban salam pa samulliya-mulliya dain ha katan kanabihan iban karasulan, mabut na pa kaluwarga' niya iban lapay na in manga Sahabat niya, iban hisiyu-siyu in namamaugbug ha Sunnah (Tareeka) niya iban imuupi sin piil palangay niya sarayaw-rayaw sambil pa adlaw kiyamat….. Mahuli:
Biyutang namu' mari in manga pasualan ilmu' Agama didtu ha facebook iban sin kajawab-jawaban niya amuin piyagpangasubu sin kataymanghuran matagi iban mauhaw ha ilmu' sin Agama Islam, hasupaya di' malawa' in pangadjian iban awn damayan batukun nila bang mabut in waktu paglalagi.
In Jambangan ini bukun namayan pangasubu iban sin jawab niya sagawa' sambil pangadjian amuin kiyatalik sin kaguruhan ha facebook damikkiyan biyutang namuh da isab mari pa Jambangan mulliya hasupaya kumakkal in mumpaat niya iban sumaplag pa kataymanghuran balguna ilmu'.
Mahaldika' in katan taymanghud namu' Muslim manghapit-hapit mamusu' sin katan ilmu' Agama amuin kiyatalik ha Jambangan ini, jambangan sin ilmu' iban jambangan sin Surga'…
Manga kaguruhan amuin jimawab sin manga pangasubu:
Tadjuk Lawihan
Ibn Shaakir
Kas Sayfuddin
Ridah Mutahabba
Najs Sarail Tahil
Fahad Haris
Abu Abdir Rahman
Needy Seeker
Abu Abdir Rahman
Needy Seeker
Nag-uhanan sin tumpukan:
Tadjuk Lawihan
Timabang naghidjatul sin tumpukan:
Jimhar D. Patarasa Tahil
Jhul Qarnain
Alnajer Sailama
Raux Xar
Abu Al-Ansari Tirmidhiy
Jhul Qarnain
Alnajer Sailama
Raux Xar
Abu Al-Ansari Tirmidhiy
Makug makuyag kami iban hitukbal namu' in pagsarang sukul ha panibawi sin kamu katan pa Jambangan ini..
