Ben-ajar Tingkasan
salam kasilasa mga tymanghud ko agama islam,,,
Yari balikan in sual,, Iciyu n mga NANGISLAM pa phils.?
iban n awwal nila daing hain? maksud, mabaya kmi umingat ha sabab
mataud n magpakaiyan kaguruhan natuh bhaun, LAWONG iban mataud in BAHTAL ha kakahinang iban panghati sin kamaasan natuh nakauna ha phils.,
tumagad kmi sin jajawaban daing ha mga kaguruhan sin kmi.
bang awn mga kabtangan nmu wala imamu mangayu kmi kmaafan,, mgsukol
Jawab:
Najs Sarail Tahir
BISMILLAAHI SUBHANAKA LA ILMA LANA ILLA MA ALLAM TANA INNAKA ANTAL ALIYMUL HAKEEM..
shukran ha pangasubu mu kakasi magmaap man kamu bng byah nalate in jawab sin kami..
Simaplag in Agama islam pakahulah hulaan amuin malayuh labi luba dapit pa ...subangan sin Asia ha 3rd century (QARNUS SALIS) halabayan sin TUJJARUL ARAB amuin mga Arab businesman maglayag lagay sila ha kadagat dagatan sin Indian Ocean maglatag sin kahulah hulaan hasupaya mag dagang..
Dayn ha sabab ini timagnah dyn ha Inda simaplag in mga Arabs businesman sampay Naabut nila in china sampay pa Indonesia ibn Malaisia ha katan sin kahulah hulaan kyadungguan nila ini maajjayp ha lingkat ibn dayaw cin mga Pangaddatan sin sila Arabs businesman ini amuin Nagdara sin Agama Islaam Agama Adil..timagna sila nagdahwah nagpasaplag sin Agama ha mga Hula ini dyn ha sabab sin lingkat sin Agama ibn dayaw cn panarah duun halawm niya ibn sin panghinduh nya naglumbah lumbah sila sumud pa Agama sin ALLAAHU TAALA,
ha Malaisia iban indonasia mataud dyn ha mga bangsa Jawah Malayuh in simud pa Agama pag ubus ampasila timagnah nagdahwa ibn cn mga Arabs businesman nagpasampay nagpasaplag sin Agama ha mga kapuan masuuk pa Malaisia ibn Indonesia
sampay pyamarintahan in duwa hulaan ini sin Sultan Muslim..
Limugay lugay jaman sampay Awn dayn ha Mga Tujjarul Arab ini amuin nakaharap pa SULU lupah SUG labay dayn ha china sea magkulang maglabi ha tahun 1350 pyag uhanan hi SHARIF MAKHDUM (atawa sharif MAKDUM)in siya ini Arab..
Timagna hi shekh SHARIF MAKDUM nagdahwa ha lupah sug dyn ha dayaw ibn lingkat sin Agama dyara nya Amuna in Agama Islaam nag inut inut kyapahaman sin mga tau SUG in kasabunnalan dayn ha sabab yaun Naglumba lumba sila magsud pa Agama sin ALLAAHU SWT sampay nawapat hi shekh SHARIF MAKHDUM kiyakubul duun hula SIBUTU,
pagwapat hi shekh MAKDUM in simubli kaniya Nagdahwah nagpasaplag sin Agama Hi ABUBAKAR SHARIF MUHAMMAD IBNU ALIH in siya in Arab daisb byah kan SHARIF MAKHDUM..
Labay siya dayn ha brunei harap pa LUPAH SUG magkulang maglabi tahun 854 hijriya 1450 miladiy timagnah siya in nagdahwa nagpasampay naglatag sin kapuh puan labi luba ha MINDANAO mataud napatindug nya kamasjid masjiran
ha Lupah Mindanao sampay naka abut siya pa sultan sin MAGUINDANAO duun man siya limugay nagdahwa pya Asawahan siya Anak sin Sultan Maguindanao..
Amu yat2 in Usulan bng byahdiin n kasud cn Agama Islam pa philiphines..hyawpuh kuna sadja lawaga nyu man ha kitab HA`DIRUL ALAMIL ISLAMIY WA QADAYAHUL MUA`SARA,
wallaahu Ahlam bissawaab.. Kasilasa pa katan..
Magsukul kaniyu mga kakasi paggah walah panaghulak kaagi bng ibarat nagkaun sunuan natuh..
Bihayni mga kakasi ha puas sin pagdatung sin mga TUJJARUL ARAB pahulah natuh, ha 3rd century nag inut inut na nalarak napulakkanat na in dawla Islamiy...ya nalubu na in central city puunan cn dawla islamiyya duun ha BAGDAG IRAQ timagna ha tahun Unum ngagatus kaihman tag unum 656 hijriya..
Naabut man in QARNUSSADIS
Six centuries nah simaplag na in mga SUWFIYYA timaud na na Mazhab papanaw Aqida TASAWWUF ha jaman yat2 naawun na in fitna ha Antara sin Bangsa muslimin Gimuwah simaplag na in mga SHI`AH simunuh na in mga MUHTAZILA..in mga suwfiy naglayn sila pakahulah hulaan sabab sin Parakala yaun damikyan nagpaka abut na pa India ibn mga hula Sharku Asia Subangan sin Asia,adapun ha jaman yat2 marayaw pa in papanaw cn mga SUWFI miyamagad pa ha Qur`an ibn sin hadith sin Rasul, sumagawa pag puas na sin mga 0ld suwfi founder nila nah!simud na in mga kakahinang bahgu naawun n pagkalang pagcelebrate panglaggui pagjamu ha pag Anak cin Suwfi Iya agaran nila. liyagguh na in Kubul sin mga Ulamaa Suwfiya Awliyah nila,labi Luba in dapit Pa India miyagad na ha traditi0n nila naglamugay na in tradition ibn sin Agama dayn ha sabab yaun timaud na in kakahinang langgal sarah sampay awn dyn ha ginisan cn mga SUWFI bngmag sumbaih kambing in Batbatun BISMI ABDUL QADIR JIYLANI ha ngan hi Abdul qadir jiylani Shirik Salagguh lagguh.!Wal iyazubillaah.!
awn di kamu ha S0uth Africa bukun ini hinang2x ku, dyn ha India n guwa cn tumpukan ini KHANKA in ngan cn jamaa nila mga Suwfi..
Hibalik ta pa topic puas dayn dit2 nah simaplag na sampay naabut na in hulah natuh nagbalik sin mga magdadahwa bhasa sumagawa in sila Aqida Suwfiya, dayn ha sabab yat2 kyabunglawan kailu in nakauna sin Parakala kakahinang bahgu..
Ha jaman sin sila yat2 dh nila pa kagausan manuntut ilmu pa guwah hula labi pa Makka iban Madina ibn na sin Kaiban Iraq, yaman sabab cn landuh in layuh agad pilabulan Mag Adjung..
Nah dayn ha sabab yaun dih nila mapinig in mga yaun dyn ha sabab hika isa kulang pamaham ha Qur`an mataud kailu tuput da makabassa sin Qur`an di kaingatan bng unu in byassa magad2x na sadja kailu sabab sin Bayah sub ibn ka ikhlas sin pangatayan Magtuhan pa Mahatinggi Allaah Swt..
Adapun in mga Kamaasan natuh bukun byah cn mga kaibanan in Tandah niya Atas nila liyukuh ligad liyabay tiyaytay in sulab puddang nagda sin Panji sin Agama nagpahin2l sin Agama dayn ha sabab sin sila simanyang kita nyu nahinang kita nyu muslim sabunnal, walah kami tuwan imiyan in kamaasan Bahtal sila sumagawa awn dayn ha mga kakahinang nila simulang ha pamanduh sin Qur`an ibn sin hadith sin Rasul saw in yat2 dyn ha sabab sin malayuh sila pa hulah kyaturunan cn Wahi ibn kyapaghulaan cn mga Sahaba ibn way gaus nila manuntut ilmu paguwah hulah sabab cin Layuh, Nah Ha masa sin bhaun tuwan jaman dakuman tulakun in mga hulah Arab paglawagan sin Ilmuh,, WALLAAHI! Bng sadja buhi in kamaasan natuh yat2 amuin imabut ha bhaun jaman sila in unahan tumaymah cn Qur`an ibn hadith pamanduh sin Rasul saw..
Anduh mangayuh kami kamaapan knyu mga kalasahan cn kami magmaap miya api kita nyu..
Wallaahu Ahlam bissawaab..sahawihun man cn kaguruhan natuh ibn ganapan,
Tadjuk Lawihan
Assalamu alaykum..
Magsukul ha jajawaban hi Tuan Najs , landuh tuud diyagayray niya in salasila sin kamaasan amuin nagda sin Sahaya sin Agama Islam pa hulah " MUSSAH HA SUBANGAN " .
Manga taymanghud ku mulliya..
...Dain ha manga rahmat iban ulung sin Allahu Ta'ala pa manga iypun niya walah niya kitaniyu piyasaran halaum katigidluman sin kaawam iban pagshirik.. piyarahan niya kitaniyu Kanabihan iban Karasulan mamiat katuh iban mamanduh pa dan masawa iban mabuntul, walah pa namarahi ha Allahu Ta'ala in pagpara Karasulan iban Kanabihan sah piyaturun niya pa in kakitab-kitaban hasupaya awn padduman sin tiyap-tiyap ummat amuin dumulan nila ha waktu tumaykud na kanila in kanabihan iban karasulan..
Matarrang katuh katan in hinapusan Nabi iban Rasul amuna in panghuh natuh Muhammad (saw), duun kaniya nasampurnah in resalah (message) sin katan Nabi iban Rasul (alayhimus salatu was salam), piyangandul kaniya sin Allahu Ta'ala in pagpasaplag sin Agama Islam pa katan hulah tiyahayan ( entire world), bukun namayan manusiyah in kiyasampayan sin pamanduh niya sah sampay bangsa Jinn timaymah sila sin Agama Islam labay dain halaum lima sin Rasul (saw).
Ha waktu mayan minuwih na in Rasul (saw) pa Rahmah sin Allah (swt), masi-masi sisintak pataas sin manga sahabat niya in panji sin Islam sambil simubli in manga tabiin iban tabiit tabiin ibanna sin manga ulama' sumunud kanila..
Alhamdulillah ha sabab sin kaihlas sin manga sila nagdara sin Agama Islam miyabut sampay pa hulah ta in sahaya sin Agama sabunnal..
duun haini, subay kitaniyu magsarang sukul muna-muna pa Allahu Ta'ala sin biyulat niya in mata natuh halaum sin sahaya sin Agama Islam, hikaduwa subay kita magsukul pa kamaasan sin biyaugbugan nila in Agama Islam iban naglaud piluy sila imatubang sabab sadja sin halgah kanila sin Agama sabunnal amuin Agama turun dain ha Allahu Ta'ala, walah sila nagridah lummuun sin manga KASTILAH , JIPUN iban MILIKAN sah misan tiyuh-tiyuh da in sharah kiyahatihan nila sukul iyangkat nila pa taas in panji sin Islam piyapagliyabliyab ha huyup sin hangin..
pagka in pangasubu sin hambuuk taymanghud tungud ha panghati atawa pag Agama sin kamaasan natuh kalasahan, nah in hikasambung namuh kaniya "HUUN" awn kalaungan atawa batal ha panghati sin kamaasan..
hambuuk na kalaungan ha Aqeedah amuin biyabaugbugan nila biyah sin panghati nila in QUR'AN AL-KAREEM bukun jukup, laung nila in Qur'an 45 juz sakali in 15 yaun biyabaugbugan nila.. in ini dain ha manga Aqeedah sin Shi'ah amuin nataymah sin kamasan natuh..
dain pa ha Aqeedah nila biyah sin kissa nila tungud pagbatuk-batuk sin Nur Muhammad iban sin Allahu Ta'ala, laung nila in Nur Muhammad dimag siya pa taas sin Shajaratul Yaqeen, ubus in Shajaratul yaqeen in gamut niya tibluk amuna in junub iban Istinjah..
dain pa ha Aqeedah nila amuna in pagpangayuh pa kubul (tampat), bang awn masakit kaanakan atawa kaapuan nila dahun nila pa tampat ubus pangayuan barakat ha tampat ha bang mayan pauliun da in batah nasakit.. damikkiyan bang sila halaum kasigpitan in hipagpamung nila " BANG MABARAKAT IN TAMPAT HI APUH TUWAN(…..) BANG MAYAN AKU MASALAMAT DA DAIN HAKASIGPITAN INI "..
dain pa ha Aqeedah nila amuna in maglawag sin Nyawa sabunnal, ubus in nyawa sabunnal pagbahasahun nila amuna in rahasiyah ha antarah sin iypun iban tag-iypun, awn waktu ha panghati nila in nyawa sabunnal amuna in Tuhan Rabbul a-lameen, hangkan awn waktu hipagpamung nila pagka in nyawa sabunnal awn parsugpatan niya pa jasad sin manusiyah laung nila : "HISIYU PA IN SUMUMBA IBAN HISIYU PA IN SUMBAHUN"..
ha biyah hayan in hantang niya landuh tuud piligru iban mula-mula in aqeedah sin manga tau namamaugbug hayan.
In kamaasan dih natuh sila ma blame sabab amura yan in iyabut abutan sin panghati nila, in manga panghinduh imanud maun kanila tiyaymah nila katan sabab ha panghati nila amuna yaun in kasabunnalan iban amuna yaun in mattan panghindh sin Nabi Muhammad (saw). Walah nila kiyahatihan in panghinduh ini guwah dain ha Shi'ah iban sin manga sila nag gugulal tasawwuf amuin simihah in panghati dain ha mattan panghinduh sin Nabi Muhammad (saw)..
In pamung sin manga Ulama' tungud ha kawman atawa hambuuk tau amuin malayuh dain ha kaulamaan hatiniya wayruun makapabuntul kaniya atawa wayruun kapangaruhan niya tungud pag Agama, apabila siya nagtuyuh limawag sin kasabunnalan ubus hapaglawag niya sin kasabunnalan nalaung siya ha pagpaham nah ampunun da siya sin Allahu Ta'ala sabab sin pagtuyuh niya lumawag sin kasabunnalan.
Duun haini, muramurahan iyampun sin Allahu Ta'ala in kamaasan natuh hakalaungan nila sabab sin wayruun ulama' mattan amuin makapabuntul kanila..
misan bihattu in malagguh tuud problima amuna in kitaniyu ha masa bihayaun, sabab matampal na in kasabunnalan yanna mataud guru makapabuntul katuh sah dih da kitaniyu mabayah PABUNTULUN.. yanna in kasabunnala timarrang sah masira kitaniyu namamaugbug sin KABAHTALAN.. amuini in dih ampunun sin Allahu Ta'ala malaingkan bang siya magtawbat pa Allahu Ta'ala iban butawanan niyana in panghati niya LAUNG..
WALLAHU A'ALAM
