Anda Molto
Assalamu alaykum manga taimanghud. Aun ini hambuuk pangasubu. In kasussihan aun baha kiyabutang halaum sin al'Qur'an? Bang aun, haunu in ayat niya iban haunu in dalil niya?
Jawab:
Ibn Shaakir
Wa alaykum mussalam wa rahmatullahi wa barakatuhu tuan Anda.
Huun Tuan, aun dalil daying ha Qur'an iban Hadith in parkala' Kasussihan. Amuna pagtawagun didtu katu' JUNUB iban ISTINJA'', laung sin ka-ibanan.In Junub iban Istinja', bang ha sara' sin Allahu ta'aala iban Rasul niya (Sallallahu alayhi wasallam), amuna in pagtawagun At-tahaara (Kasussihan) ha bahasa arab.
Laung sin kamaasan, subay kaw Sutsi Lahil iban Batin. Unu in sutsihun ha Lahil (katampalan)? in sutsihun ha Lahil, amuna in mga ini:
JUNUB (Manga hadas dakula'):
ISTINJA' (Manga hadas asibi'):
Amuna in, Ihi' iban Najis (tabiya'). Adapun, in duwa nasabbut yan, di' na magkagunahan mamaygu', hugasan niya sadja sin tubig, atawa mag-istijmar bang wayruun tubig.
In pagpaygu' ha Junub iban paghugas (Istinja'), daing ha manga sarat (conditon) ha hikasampurna' (hikasah) sin Sambahayang. Unu in dalil sin kasussihan ha Lahil nasabbut natu' ha taas? Parman sin Allahu Ta'ala ha Suwrah Al-maa'ida, ayat 6:
قال تعالى: ( يَا أَيُّهَا الَّذِينَ آمَنُوا إِذَا قُمْتُمْ إِلَى الصَّلَاةِ فَاغْسِلُوا وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُوا بِرُءُوسِكُمْ وَأَرْجُلَكُمْ إِلَى الْكَعْبَيْنِ وَإِنْ كُنْتُمْ جُنُبًا فَاطَّهَّرُوا....) سورة المائدة، آية 6
Parman sin Allahu Ta'ala:
- Hayd (monthly period) ha kababa-ihan.
- Nagbak in duwa siyunnatan (Jima' sin duwa magtiyaun).
- Niya-ugan manni' halaum katugan.
- Nifas (Dugu' ha pag-anakan iban puas sin kapag-anak).
- Apabila in Dugu' Hayd iban Nifas natikmud na ha waktu(period) niya way na magguwa', kiyawajiban in Baba-i mamaygu' ha di' pa siya makasambahayang.
- In Jima' sin duwa magtiyaun iban sin Niya-ugan Manni' halaum katugan, damikkiyan wajib kaniya mamaygu' ha di' pa siya makasambahayang.
Amuna in, Ihi' iban Najis (tabiya'). Adapun, in duwa nasabbut yan, di' na magkagunahan mamaygu', hugasan niya sadja sin tubig, atawa mag-istijmar bang wayruun tubig.
In pagpaygu' ha Junub iban paghugas (Istinja'), daing ha manga sarat (conditon) ha hikasampurna' (hikasah) sin Sambahayang. Unu in dalil sin kasussihan ha Lahil nasabbut natu' ha taas? Parman sin Allahu Ta'ala ha Suwrah Al-maa'ida, ayat 6:
قال تعالى: ( يَا أَيُّهَا الَّذِينَ آمَنُوا إِذَا قُمْتُمْ إِلَى الصَّلَاةِ فَاغْسِلُوا وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُوا بِرُءُوسِكُمْ وَأَرْجُلَكُمْ إِلَى الْكَعْبَيْنِ وَإِنْ كُنْتُمْ جُنُبًا فَاطَّهَّرُوا....) سورة المائدة، آية 6
Parman sin Allahu Ta'ala:
"O kamu manga nagpaparatsaya (Bar-eiman usug babai), apabila hitindug niyu in Sambahayang, na, hugasi niyu in pamayhu-an niyu, iban kalimahan niyu sampay pa kasikuhan niyu, iban sapuhi niyu in Uw (head) niyu, iban Kasikihan niyu sampay pa duwa buku-buku niyu, iban bang in kiya-awnan niyu taga junub, na' pagsutsi naa kamu..." (Al-maa'idah, ayat 6)
Ha ayat nasabbut yan, mattarrang in parsugpatan sin Sambahayang iban Kasussihan, di' matayma' in Sambahayang bang wayruun kasussihan.
Hadith sin Rasulullahi (Sallallahu alayhi wasallam), riwayat daing kan Aliy (Radiyallahu anhu):
Hadith sin Rasulullahi (Sallallahu alayhi wasallam), riwayat daing kan Aliy (Radiyallahu anhu):
" In kunsi' sin Sambahayang amuna in kasussihan " (Kiyariwayat hi Abu Dawud, At-tirmidhiy, Ad-daarimiy, Ibn Majah, Ad-daraqutniy, Albayhaqiy, Ahmad iban sin ka-ibanan, agi hi Imam At-tirmidhiy:
In ini (hadith nasabbut), amuna in samattan-mattan na parkala' (hadith) ha pangadji-an ini .
In Kasussihan sin BATIN (sipuk / nakakatapuk):
In Kasussihan sin BATIN (sipuk / nakakatapuk):
Amuna in sawasa' in Jantung ta dayin ha Shirik, Kufur iban Aqeedah Batilah, sampurna' in pangahagad niya ha Rukun Eiman unum (6), sarta' nag-aatap ha duwa bitikan amuin pangamdusan ta sambil kiyamatun na sadja sin Allahu Ta'aala in Dunya, sarta' di' na tuud kita malaung salama-lama, amuna in Qur-'an iban Sunnah sin Rasulullahi (Sallallahu alayhi wasallam)
Wallahu a'lam bissawab.
