Jhers K. Jadjuli
Assalamualaykum mga taimanghud sin aku di ha babaw sin dunya sambil pa adlawa akhirat.
Aun aku ini pangsubu pasal sin Tablig ini Iban sin Bukun Tablig. Hati niya amuin kamaasan sabab maba' tuud aku humati bang unu in amuin kahagaran sin kita niyu ha hinang nila ini pasal bunnal. Sibu'-sibu' kita niyu ini muslim sa' aun Tablig aun bukun. Hati niya dugaing in amuin sara'(rules) sin pakaniya-pakaniya, hangkanna maba' tuud aku humati bang unu in amuin kasubunnalan hinangan..
1.)Muna-muna, maita' in Tablig di' mag-agad magmawlud pa masjid bang bulan mawlud ubus, in bukun Tablig magmawlud sila pa masjid bang ha bulan mawlud?
Iban unu in pag-mawlud pa masjid hinangan sin kamaasan atawa bukun?
(maba' aku humati sin hingan ini para ma masawa(clear) bang unu tuud in amun kasabunnalan niya. Pasal sin mataud in magkahagad iban sin di' magkahagad)
(maba' aku humati sin hingan ini para ma masawa(clear) bang unu tuud in amun kasabunnalan niya. Pasal sin mataud in magkahagad iban sin di' magkahagad)
2.)kamaruwa niya, amun magtulak bala'?
(biya' da yan sin amun pangasubu ku # 1 Bang maita' in Tablig di' mag agad ha hinangan bihan ubus in bukun Tablig maghinang sin hinangan yan. Biya' da sin magtulak bala' iban maulud.)
(biya' da yan sin amun pangasubu ku # 1 Bang maita' in Tablig di' mag agad ha hinangan bihan ubus in bukun Tablig maghinang sin hinangan yan. Biya' da sin magtulak bala' iban maulud.)
3.)Katu niya, amu bang aun tau mapatay ubus hibutang ta, bang amun tablig in mapatay di' nila hinangan pitu(7) Iban pagjmuhan. Bukun biya' sin amuin hinangan sin bukun Tablig. Hati niya nadugaing in amun dahan sin sila.
Unu tuuran amun kasabunnalan hinagan ha tau bang mawapat?
Unu in amun kahagarun sin kita niyu katan amun hinangan sin tablig amuin di' pagjamuhan iban di' paghingan pitu(7) atawa kan amun bukun tablig kahagarun sin kita bang aun tau mawapat pagjamuhan iban paghinangan pitu(7)?
4.)Mahuli pangasubu sin aku, bunnal aun bunu' bangsa? Iban unu in hati niya?
4.)Mahuli pangasubu sin aku, bunnal aun bunu' bangsa? Iban unu in hati niya?
biya' na sin amun tablig ban bukun atawa kan amun muslim iban sin kafir in magbunu'?
Amu yan in amun pangasubu sin aku salta' maba' tuud aku humati bang unu tuud in amun kasabunnalan sin hinangan. Hati niya in kita ini manusiya', bang unu in amun kasabunnalan hinangan sin kita manusiya'
Amu yan in amun pangasubu sin aku salta' maba' tuud aku humati bang unu tuud in amun kasabunnalan sin hinangan. Hati niya in kita ini manusiya', bang unu in amun kasabunnalan hinangan sin kita manusiya'
Magsukul pa katan katautaimanghuran sin kitaniyu amun jumawab(answer) sin pangasubu sin aku iban na sin di'..
Wabillahi tawpik wabadu wassalam....
Wabillahi tawpik wabadu wassalam....
Jawab:
Wa alaykumussalam warahmatullahi wa barakatuhu...
Yari in mga jajawaban namu' ha mga pangasubu mu taymanghud kalasahan:
1.) Jawab:
Pagpuas, simunu' in sultan sin Irbil ha Iraq ha tahun 630AH, hi Al-mudhaffar.
2.) Jawab:
Yari in mga jajawaban namu' ha mga pangasubu mu taymanghud kalasahan:
1.) Jawab:
Muna-muna, in pag Maulud tiyagnaan ha tahun 362AH sin mga Shee-ah Fatimiyyah ha Cairo Egypt. Sila ini in timagna' nagmaulud ha Rasulullahi ( Sallallahu Alayhi Wasallam) mabut na kan da Ali', Fatima', Al-hasan, Al-husain ( Radiyaallahu anhum ).
In mga Shee-ah Fatimiyyah amuna in mga Al-ubaidiyyuun, in Al-ubaidiyyuun, sila na ini in panubu' hi Ubaidullah Al-mahdiy hambuuk Yahuwdiy ( jew ).
Pagpuas, simunu' in sultan sin Irbil ha Iraq ha tahun 630AH, hi Al-mudhaffar.
In mga Sahabaah, sila na in saingat-ingat puas sin Rasulullahi ( sallallahu alayhi wasallam ) ha zaman niya. Damikkiyan sila na landu' in pag-eiman pa Allahu ta'aala, sarta' landu' in lasa nila pa Rasulullahi (sallallahu alayhi wasallam). Sumagawa' way ra sila nakapagmaulud misan nakaminsan ha kabuhi' sin Rasulullahi (sallallahu alayhi wasallam) iban puas sin kawafat niya. Sambil na sadja nawafat in mga Sahabah ( radiyallahu anhum ajma-in) way sila nakatali' huminang sin pagmaulud.
Subay na ha tahun 362AH, puas sin kapaghijrah sin Rasulullahi (sallallahu alayhi wasallam), ampa jimatu in pagmaulud biya' na sin nasabbut ha taas.
Marayi' tuan in mga Jama-ah Tabligh yadtu aun panghati ha sara', sabab in pag-ihtifaal (pagcelebrate) sin pag-maulid in yan kakahinang sin Ka-apuan sin mga Yahuwdiy (jew). Nahinang na tradtions sin kaibanan katu' didtu ha Hula'. Magcelebrate sin pagmawlid ha kamasjid masjiran, in hukuman niya yan mga Taymanghud HARAM.
Maytah na Haram? Sabab sin manga mahsiyat magkahinang, biya' na sin naglalamugay in usug iban baba-i, magbayla in kaibanan, magluguh sambil pa lapit adlaw. Wa laa hawla wa la quwwata illa billaah, in Masjid tampat pag-i-eibadatan, bukun tampat pagmama'siyatan!. (Wal-iyaadzubillaah)
Biya' na sin sambat, in pag MAWLUD, wayruun asal (puunan) ha Agama Islam. Wala' siya na-aun ha zaman sin Rasulullahi (Sallallahu alayhi wasallam), mabut na pa mga sahabat (Radiyallahu anhum ajma-een), pa Taabi-een iban Taabiut-taabi-een, in upat (4) Madzahib wayruun sila nakahinang sin pagmawlud ha zaman nila.
2.) Jawab:
In pagtulak bala', biya' sin pagkabiyaksahan magkahinang ha hula' natu', " sabulakan sin dagat in tau timitindug nagtataykud, bat laung niya maig atawa kan lumayu' in bala', ampa magpa-anud kaka-un pa dagat ". Na, bukun yan panghindu' atawa diyaakan sin agama Islam. In yan (pagtulak bala') religious ritual sin mga HINDUS, amuin miyamagad ha Hinduism.
Matarrang in parkala' yan paningud-singud pa dugaing agama biya' na sin nasabbut natu' agama Hinduism. Na unu in banda' sin Rasul (Sallallahu alayhi wasallam) apabila kita niyu maningud-singud ha kakahinang sin dugaing aagama amuin langgal sara' pa Allahu ta'aala? Ha hadith niya:
قا ل رسول الله صلى الله عليه وسلم : ( من تشبه بقوم فهو منهم ) رواه أبو داود
Hati niya:
“Hisiyu-siyu in maningud-singud ha kawman yan (ha mga tau duun ha kawman), sabunnal tuud in tau naningud-singud agad siya pa tau piyaningud-singuran niya.” rawa-hu Abu Da-ud
Ha hadith pa sin Rasulullahi (sallallahu alayhi wasallam):
Ha hadith pa sin Rasulullahi (sallallahu alayhi wasallam):
وقا ل أيضا : ( ليس منا من تشبه بغيرنا، لا تشبهوا باليهودي ولا بالنصارى ) رواه الترمذي
Hati niya:
“Bukun agad dain kamu' in hisiyu siyu maningud-singud ha pangaddatan atawa kakahinang dugaing dain sin nahinang namu', ayaw kamu maningud-singud ha manga yahudi(jews) ibn ha manga nasa-ra (Christians).”
Ha hambuk riwayat:
Bang kamu mabaya' umingat sin the simpliest pagtulak bala' ha agama Islam, yari in hadith sin Rasul (sallallahu alayhi wasallam):
."لا يرد القدر الاّ الدعاء"
Hati niya: " Wayruun makatulak sin Qadar (Musiybah/bala') malayingkan duwa-a "
".لا يرد القضاء الاّ الدعاء"
Hati niya: " Wayruun makatulak sin Qada' (musiybah/bala') malayingkan amura in duwa-a "
Duwa-a ra mga taymanghud in makatulak sin bala', angkata in duwa lima mo sarta' iban pagmubaga' mo kaniya (Allahu taa'la) iban yaqiynun mo ha bigi jantung mo sin wayruun makarihil mudarat atawa bala' malayingkan Allahu taa'la iban wayruun maka-angkat/makatulak sin bala' malayingkan tuput in Allahu subha'nahu wa taa'la.
In paghinang 7, 20, 40 sambil pa kamattiyan, in damikkiyan yan kakahinang sin dugaing Agama, biya' na sin Christian. In hukuman niya, biya' da sin jawab ha pangasubu hikaruwa (2).
4.) Jawab:
In pagbunu' sin Muslim pa pagkahi niya Muslim, in yan Haram. Ha hadeeth sin Rasulullahi (Sallallah alayhi wasallam):
Daing kan Ibn Mas-'uwd (Kiyaridaan siya sin Allah Ta'aala), laung niya: Nagsabda in Rasuwlullahi (Sallallahu Alayhi Wasallam):
Adapun, in umatabang kita pa mga Satru' ha waktu lungkupan in hula' iban pag-agama ta, in yan Mawajib katu' in umatu kita kanila. In pangdaak ha pag-atubang (pag Jihad) sin mga Muslimeen pa mga satru', in yan nakamataud kiyalukis halaum sin Qur-an iban Sunnah sin Rasulullahi (Sallallahu alayhi wasallam), ha waktu in hulah sin Muslim nasud sin satru'. Hati niya mamugaw sarta' mamunu' pa mga Muslimin ha wayruun kapatut nila misan biya' hanglup.
Wallahu a'lam bissawab...
RiDah Mutahabba
Assalamu alaykum warakhamatullahi wabarakatuhu..
Magmaaf tuan, sumagawa' in mga pangasubu mu ini, in pagmawlud iban sin paghinang pitu(7), in iyan nakapila na bakas kiyajawaban sin mga kaguruhan ta. Sarta' ha pagmawlud sadja, mtaud pa tuud in dagayrayun supaya niyu matayma' sarta' tumampal kaniyu karna' in manga ini WALA JIYARI sin shara'.
Sarta' pasawahun namu' kAniyu. In mga ini bukun sadja kakahinang sin mga tableeg, in di magmawlud, in di maghnang pitu(7), in di' magtulak bala'. Amu ini in wala imamu ha agama, sabab in agama ta, nanglangi ha mga parkala hinang ba'gu ha agama, amu in wala kiyabayta' ha qur-an iban hadith, sartah wala nagbakkas ha kakahinang sin manga sahabat nakauna sampay pa hisiyu-siyu in nakaurul kanila.
Magmaaf mayan tuan, sabab ma'lum kamu', in dapit pa sug, bang sila nakita' manga bata' nangangadji atawa guru, atawa maktah amu in wala nakasibu' sin kakahinang sin kamaasan nganan nila magtuy tableeg.
Ha sabab yadtu, pasawahun namu' kaniyu. In bihaini kakahinang bukun sadja kakahinang sin tableeg, sa' in bihaini amu na in kakahinang sin AHLUS SUNNAH WAL JAMA-A'H amu in miyamagad ha pamanandu' sin "ALLAH" ibn rasul niya.
Adapun in pangasubu mu hika 4 yadtu, Andu' di' namu' kajawaban sarta' hikatugila' kaymu. Sabab biya' na sin agi mu yan ha SUSUNGUN, ampa in parkala susungun yan tuan parkala gaib, tuput "ALLAH" in makaingat.
Ha tungud isb sin pgtulak balah, in ini wala' da isab kiyashara' ha agama islam.In tumtumun taniyu, apabila in "ALLAH" mg-izin paratungan kita bala', amu pa bahah bang hi apa' imam in makatulak kaniya balik, Adapun misan nabi, misan rasul, awliya atawa malaikat, di' da makapa'gang atawa kan makatulak sin bala' bang mabaya' in "ALLAH" mAgparatung bala'..
Adapun yari tuan in dalil hangkan kami nakaiyan sin bhaini.
Hadith sin rasul s.a.w. Ha riwayat dain kan tirmizi sartah hadith sahih.Laung hi ibnu abbas, in kiyaawnan ku hambuuk adlaw, imaangkas nangungurah ha taykud sin rasul..
Mahaba in hadith ini sah kawaun ta sadja in dalil..
Ha baingtungaan sin hadith, in agi sin rasul ha ibnu abbas, WA'LAM ANNAL UMMATA LAWIJTAMA-AT ALAA AN YANFA-UKA BISHAY-IN LAM YANFA-UKA ILLA BISHAY-in QAD KATABAHULLAHU LAKA, WA INIJTAMA-UW ALAA AN YADURRUKA BISHAY-IN, LAM YADURRUKA ILLA BISHAY-IN QAD KATABAHULLAHU LAKA..
In agi sin rasul kan ibni abbas, ingata ya ibni abbas, misan pa maghambuok in katan sin ummat ini karna' dumihil kaymu karayawan, kasanyangan amu in magmumpaat kaymu, di' da sila makarihil kaymu unu-unu karayawan, parasahan mlaingkan, amu ra in sumampay kaymu karayawan bang unu in kiyasulat kiyatakdir kaymu sin Allah.
Iban bang sila maghambuuk karna' dumihil kaymu kamudaratan, bala' kasigpitan, kasusahan, di' da sila makarihil kaymu kamudaratan malaingkan in sumampay kaymu kamudaratan bang unu da in kiyasulat, kiyagantan kaymu sin ALLAH.
In bala' tuan, bang kita mabaya' paratungan sin allah, yrun mahnang ta sartah dh ta kapahgangan.
"FA'ALUL LIMA YURID".
"In ALLAH, paghinangun niya in unu-unu na in kabayaan niya"..
Adapun in pgtulak balah ini gamman siya mkarihil balah. Aun na marai' tuwan kiyarungugan mu mga bata' nalu'mus ha dagat ha waktu sila nagtulak bala'. Iban hi apa' imam mamu'sug na madtu kan inda'-ida' sin tubig dagat, sakali bang manga puti matilag in badju hi inda'-inda' andu' katilagan na kailu in pais pamaranan hi inda'-inda' pagbasa' ma yan sin badju niya, sakali hain na in pghijab sin awrat dddtu?
In matarrang tuan, in ini wala' siya kiyashara', sumagawa' in mga ini piyanglangan katu' sin agama ta islam.
Wallahu a'lam...
Fahad Haris
Assalamu alaykum warahmtullahi wabarakatuhu...
In hikaganap ku manuyuh tuyuh mga mga jajawaban sin kaguruhan natuh , ha palihalan sin mga parakala piyangasubu mu , amuin sambil bihaun masi-masi namayan aun nag-hihinang kaniya , sambil kiyaiingatan na in yaun wala' jiyari sin sara' sarta' kakahinang bahgu' ha agama islam biyah na sin :
1.) Pag-mawlud
2.) Pag-mihradj3.) Pag-tulak balah
4.) Pag-aruwa
5.) Pag-tayti'
6.) Paghinang pitu
Pangasubu daing di maytah masi-masi namayan aun mag-hinang kaniya sin kiyaiingatan nila na iban masi namayan aun in pag-lugat iban pagsulang siyulangi ha antara nila ?
Pasal in pag-agama natuh iban sin pag-lugat natuh walah natuh biyalik iban hiyanglah pa sarah sin allah iban rasul niya parahal iyan na kitaniyu sin allah mahusutsi mahatinggi ha parman niya .
قال الله : ﭽ يأيها الذين ءامنوا إطيعوا الله وأطيعوا الرسول وأولى الأمر منكم فإن تنازعتم في شيئ فردوه إلى الله والرسول إن كنتم تؤمنون بالله واليوم الأخرذلك خير وأحسن تأويلا ﰓ ﭼ النساء: ٥٩Hatiniya :
Ya kamu manga amuin namamratsaya pag-taat / agad kamu ha sara' sin "ALLAH" iban pag-taat kamu/ agad kamu ha sara' sin rasul upihi niyu in kakahinang niya, iban pag-taat kamu pa nakura' niyu amuin daakan niya kaniyu wala' simulang pa kabayaan sin "ALLAH" nah! apabila maun in pag-lugat niyu ha unu unu na parakala, nah! hanglaan niyu in pag-lugat niyu pa "ALLAH' / pa Qur-an sin ALLAH iban pa sunnat/ hadith sin nabi niya bang in kaunan niyu bunnal namamaratsaya pa ALLAH iban pa adlaw akhirat in yan amuna in sarayaw-rayaw sara' .
Farman pa sin allah :
قال الله تعالى : ﭽواتبوا أحسن ما أنزل إليكم من ربكم من قبل أن يأتيكم العذاب بغتة وأنتم لا تشعرون ﯺ ﭼ الزمر: ٥٥
Hatiniya :
قال الله تعالى : ﭽواتبوا أحسن ما أنزل إليكم من ربكم من قبل أن يأتيكم العذاب بغتة وأنتم لا تشعرون ﯺ ﭼ الزمر: ٥٥
Hatiniya :
Agara niyu amuin sarayaw rayaw padduman/ amuna in qur-an piyaturun kaniyu ha di' pakamu dakpakan sin siksa' makakubla' sarta' di' niyu kananaman.
.
Dain ha ayat ini laung sin mga ulama : in ayat yan mamarahi dalil ha mga manusiya sin amuin magad sila ha unu-unu na in biyata' duun ha Qur-an. Nah! duun ha manga ayat nabangkil yan wajib in tiyap-tiyap muslim bang sila mag-ammal ibadat subay nila palabayun duun ha Qur-an iban sarah sin ALLA, sarta' bang maun in pag-lugat sin tiyap-tiyap muslim duun ha pag-ibadat nila atawa kan ha pag-agama nila wajib nila hibalik ib pag-lugat yaun pa qur-an sin allah hasupaya siya mahusay iban mahululay in wala' imamu.
.
Damukkiyan nag-bandah daisab katuh in jungjungan Muhammad salwat iban saalm kaniya ha sabda niya;
( إنه من يعيش منكم فسيرى ختلافا كثيرا عليكم بسنتي وسنة الخلفاء الراشدين )
Hatiniya : hisiu-hisiu in daing kaniyu mabuhi' pag-ubus makita' siya maun in pag-lugat liyugati ha antara sin mga sila manusiya /muslim nah! pang-gayunggung kamu ha sunnat ku iban kakahinang sin upat khalifa / abu bakar omar uthman iban alih kiyaridaan sila sin allah.
.
Dain di ha hadith ini asal nag-bayta' katu' taniyu in nabiy sin tantu maun tuud in pita iban paglugat haantara sin manga muslim, sa' biyaytaan daisab kita sin bang unu in makahalulay katu' amuna in manggayungung kita ha unu-unu na in biyayta' katu' sin nabiy ha palihalan sin pag-agama natu'.
Sa' mayta' namayan di' mangahagari iban magad in kamatauran daing ha mga bangsa muslim ha bayta' sin ALLAH iban rasul niya iban masi-masi namayan sin nagtutuhan pa hawa napsu nila iban pa manga ulama nila amuin jiyarari kanila in mga parakla nasabbut yan.
Sabab in kamtauran duun ha hula' taniyu nag-tutuhan siya pa hawa napsu niya iban in piyagtatag ipunan nila mga guru' nila, mayta?
Sabab bang in hangka tau daing katu iyagad nila in hawa napsu niya iban iyagad niya in guru niya ha paldaakan sulang siya pa kabayaan sin ALLAH, nah! sabunnal tuud in piyagtagipunan niya hawa napsu niya iban sin guru niya.
.
Hangkan sa' di' namayan mapugna' in pag-lugat ha mga parakala' nasabbut natu' sabab mataud pa in nagtutuhan pa mnga guru amuin sulang in pamandu' nila ha sara' sin tuhan , iban mataud pa amuin nagtutuhan pa hawa napsu nila .
Yari in mattan lasa pa allah iban rasul niya;
.
LASA NAMU' KAYMU YA RASULULLAH.!!
• By Abu Mardiya As-Salafiy
Kasi iban lasa kaymu ya Rasulullah
Dugu' nyawa masalay karna' sin Allah
Mamaugbug kaymu way pag duwa ruwa
Limu' sin kamatay in sangsangun ya Nabiullah.
In kamatay malimu' biya' gula' pussukan
Hapdus iban pait sin kamatay di' kananaman
Hangin sin iyman dumupuy pa pangatayan
Liyanglahad angutun karna' sin Jungjungan.
Limahil kaw pa dunya way Ama' tawagun
Nawapat in Ina' mu ha ummul mu upat tahun
Apu' mu in simubli, nawapat in ikaw unum tahun
Atay nangandu' kailu way na maas siyumun.
Lupa' makka bahinnuk, taas langit nagkarukkan
Tubig mata imanud dukka sitta ha Nabi pilihan
Paminsana' sin kuraish ha Nabi huling Jaman
Ya Rasulullah..!! Ikaw in mahakutta' sin pangatayan.
Ha waktu kaw nagpasaplag sin Agama
Manga satru' sin Islam naghambuuk suwara
Muhammad, dupang, sihilan, magdadaman, ayaw kamu malipaga
Agama sin kamaasan natu' giyura' gura' niya.
Ha waktu kaw nagmumunajat pa Tuhan
Pais binatang halu' in ikaw liyukuban
Giyusmu' kaw ha liug O Nabi namu' Jungjungan
Pasu' haggut niyanam sa' mu piyagsabalan.
In pang gura' gura' kaymu dain pa sin tikmil masa
Hinangan kaw tamak, pangbaba' baba' iban pitna kulina,
Jangki iban iggil halaum atay nila nagkawasa
Palitaan sin Agama Islam maksud in puddaun nila.
Ha bud uhud pila sadja in Sahabat mu nasabil
Nala'day nahulawid hakatilibut mu imugpang ha kapir
Kasaddapan sin dunya way na sila nagpikil
Kasilasa kaymu Ya Rasulullah way sibu' anggil.
Ikaw in Nabi Jungjungan malasa ha Ummat
Timatagad ha Hawdh ha adlaw kiyamat
In lasa mu way sali' di' hika sipat
Ha parang mahshar ikaw ra in sumapaat.
Lasa namu' kaymu bukun karna' sin pullu' pullu'
Durul, panyam, jaa, pasung, apam sabab kunu' malimu'
Hitilahak in suwara maluuy lilinggu' lingguan bang maglugu'
Ha pagmawluran, maglagmak, magdulang sabab kaymu malasa kunu'.
In lasa namu' kaymu karna' sin Tuhan
Ha pamandu' mu kami wajib tumundan
Qur'an iban Hadith in baugbugan
Way kulang way labi, jukup jukupan.
Ha pamaham sin Salaf As-Salih in kami magad
Aqeedah panawheed di' magpakibad
Unu-ununa in biyayta' mu ha manga Sahabat
Wajib namu' paratsayahun sampay pa ahirat.
Hinang bid'ah, piyanglangan kami lumayu'
Hinang ba'gu ha Agama bukun mu panghindu'
Magpauruk na sadja kami duun ha pamandu'
Hasupaya ha kiyamat dih mahinang lummu'.
Salawat pa Rasulullah subay batbatun
Ahli iban asawa niya subay lapayun
Sahabat mulliya sila paagarun
Salawat iban salam kanila pataurun.
O, Nabi Muhammad mahakutta' kaw sin laum atay
Lasa kaymu limabbaw sambil pakamatay
Ha pussuk budjak iban sulab kalis kami tumaytay
Dugu' nyawa saddiya misan masalay.
Bang satru' manggura' gura', kami saddiya
Baran masalay bulay Ya Rasulullah
Limpa' masa urulun sin manga Sahabah
Magpaligad mamaugbug ha Nabiullah.
:((ثلاث من كُنَّ فيه ، وجد بهن حلاوة الإيمان : أن يكون الله ورسوله أحبَّ إليه مما سواهما ، وأن يُحبَّ المرء لا يحبه إلا لله ، وأن يكره أن يعود في الكفر ، بعد إذ أنقذه الله منه ، كما يكره أن يُلقى في النار)) .[متفق عليه]
"TUW PARAKALAH HISIYU SIYU IN AWN DUUN KANIYA IN TUW INI TANTU KANANAMAN NIYA DUUN IN MATTAN LIMUH SIN IYMAN;
(1) - HIKA-ISA; APABILA IN KAAWNAN SIN ALLAHU TA'ALA IBAN RASUL NIYA LABI KALASAHAN NIYA DAIN HA KATAN KALALASAHAN NIYA.
(2) - HIKA DUWA; APABILA LUMASA IN HANGKATAU HA IN LASA NIYA KARNAH SIN ALLAHU TA'ALA.
(3) -HIKA TUW; APABILA SIYA MABUNGSI MAGBALIK PA KAKUPULAN PUAS SIN KALAPPAS KANIYA SIN ALLAHU TA'ALA BIYAH SIN BUNGSI NIYA PA HITILAKBUH SIYA PA NARKAH" [Piyag ittipakan hi Bukhari kay Muslim hadith dain kan Anas (r.a.)]
Nah, apabila kahatihan sin iypun in mattan ma’arifa iban kananaman niya in mattan limuh sin iyman tantu wayna makasagaw kaniya dugaing dain sin magpatisuuk na sadja pa kalasahan niya (Allah).
((لا يزال عبدي يتقرب إلي بالنوافل حتى أحبه ، فإذا أحببته كنت سمعه الذي يسمع به ، وبصره الذي يبصر به ، ويده التي يبطش بها ورجله التي يمشي بها ، ولئن سألني لأُعطينه ، ولئن استعاذني لأُعيذنه)) ]بخاري[
“MASI-MASI IN IYPUN KU NAGPAPATISUUK (NAG IIBADAT) KAKUH HA PAGHINANG NIYA SIN KASUNNAT SUNNATAN SAHINGGA LASAHUN KU SIYA, APABILA KU SIYA KALASAHAN NAH AKU NA IN PANGDUNGUG AMUIN HIPANGDUNGUG NIYA, IBAN AKU NA IN PANGITAH AMUIN HIPANGITAH NIYA, IBAN AKU NA IN LIMA NIYA AMUIN HIBANTANG NIYA (PAKAYUN) IBAN AKU NA IN SIKI NIYA AMUIN HIPAMANAW NIYA, IBAN BANG SIYA MANGAYUH KAKUH HIDUL KU KANIYA IN PANGAYUH NIYA, IBAN BANG SIYA MAGPATILIBUN KAKUH (DAIN HAKAMUMULAHAN IBAN SASAT SHAYTAN) TANTU LIBUNAN KU SIYA (PALIHARAUN) [Bukhari]
Bang in lasa pa Allahu Ta’ala amuna in gamut (puunan); ampa in sanga niya amuna in lasa pa Rasulullah (saw), in lasa pa Rasulullah (saw) amuna in samata-mata pagta’at kaniya, ampa in pagta’at kaniya amuna in pagta’at pa Allahu Ta’ala, Palman sin Allah;
من يطع الرسول فقد أطاع الله
“HISIYU SIYU IN MAGTA’AT (KUMAHAGAD HA RASULULLAH (SAW) SABUNNAL TUUD NAGTA’AT NA SIYA PA ALLAHU TA’ALA” [Surah An-Nisa’: 80 ]
Mataud manusiyah nagdaraawa malasa pa Tuhan nila Rabbul A-lamiin, iban malasa pa Rasulullah (saw). Sagawah, tubtub da ha higad simud nila way kakitaan mu tandah ha kakahinang nila, gamna mayan limurup na sila palaum tawid sin hawa nafsu nila, himaha’gum halaum kakahinang amuin way nahinang iban bukun pangdaakan sin sarayaw-rayaw suntuan Muhammad (saw).
Bang mu pasaran in manusiyah halaum daawa nila tantu in nagbabadjuh dagmay magdaawa sin in siya nagbabadjuh sutrah, in lihadu amuin way misan hambuuk kusing (pisita) magdaawa sin siyana in dayahan halaum gumi ini, sampay in sapik pingkul agun-agun dumaawa sin kagausan niya tukuhun in langit…
Pagka in manusiyah madaawa, siyukat kanila sin Allahu Ta’ala bang bunnal da in daawa nila, Palman sin Mahasutsi Allah;
قُلْ إِنْ كُنْتُمْ تُحِبُّونَ اللّهَ فَاتَّبِعُونِي يُحْبِبْكُمُ اللَّهُ ويَغْفِر لَكُمْ ذُنُوْبَكُمْ وَاللَّهُ غَفُورٌ رَحِيمٌ
“PAMUNGAN KANILA (O MUHAMMAD), BANG IN KAAWNAN NIYU MALASA PA ALLAHU TA’ALA NAH, AGAD KAMU KAKUH (HA PAMANDUH AMUIN PIYATURUN KAKUH SIN TUHAN KU), (TANTU TUUD BANG KAMU MAGAD HA PAMANDUH KU IBAN KAKAHINANG KU) KALASAHAN KAMU SIN ALLAHU TA’ALA, IBAN AMPUNUN NIYA IN PALDUSAHAN NIYU, IN ALLAHU TA’ALA SANGAT MANGANGAMPUN IBAN BAING ULUNGUN” [Surah Al-imran: 31 ]
In bunnal LASA pa Allahu Ta’ala amuna in tumundan, magmalulus iban magpatikupuh ha katan naparatung pa Rasulullah (saw), in bunnal LASA pa Rasulullah (saw) amuna in umupi ha kakahinang niya iban lumayuh dain ha kakahinang bahgu amuin bukun pardaakan niya..
In manga Yahudi (Jews) iban Nasara (Christian) nagdaawa sila sin silana kunuh in anak iban kakasihan sin Allahu Ta’ala, nah! siyambag sin Allahu Ta’ala in daawa nila ha Palman niya:
(قل فلم يعذبكم بذنوبكم )
“PAMUNGAN KANILA (O MUHAMMAD): MAYTAH KAMU SIKSAH SIN ALLAHU TA’ALA SIN DUSA NIYU? (Bang kamu mattan kalasahan sin Tuhan maytah kamu siksah niya? Ampa in mattan kalasahan sin Allahu Ta’ala amura in nagtata’at miyamagad ha Sharah piyanaug niya. [Surah Al-Maedah: 18]
Laung hi Imam Shafiiy (Rahimahullah) ha ayat ini:
أن الله لا يعذب أحبابه .
“SABUNNAL TUUD DIH SIKSAUN SIN ALLAHU TA’ALA IN TAU KAKASIHAN NIYA”
Bunnal da bahah in LASA mu pa Allahu Ta’ala…..??
Bunnal da bahah in LASA mu pa Rasulullah…??
Bang bunnal in LASA mu pa Allah iban pa Rasulullah timundan, nagmalulus iban nagpatikupuh da bahah kaw ha sharah niya..?
Wayra bahah kaw nagdaawa sadja malasa pa Allah iban pa Rasulullah…?
Dunguga in wasihat sin manga Salaf As-Salih (Rahimahumullah), yari in mattan malasa pa Allahu Ta’ala iban pa Rasulullah (saw) sartah yari in sabuntul-buntul dan amuin hikalappas kaymu dain hakalaungan…
Laung hi Hudhayfa ibn Yamaan (r.a.) “IN KATAN IBADAT AMUIN WAY NAHINANG SIN SAHABAT SIN RASUL (SAW) AYAW NIYU HINANGA” (Baytah hi ibn Battah ha Al-Ibanah)
Laung hi Abdullah ibn Umar (r.a.): “MASI-MASI IN MANUSIYAH (MUSLIM) HA DAN PAMANDUH SIN RASULULLAH (SAW) SALUGAY NILA MIYAMAGAD HA ATHAR (Qur’an iban Hadith)” (Sharh usuol I’tikad ahlus sunnah wal jama’a)
Laung hi Imam Al-Awza’iy (r.h.): “IBUT ULIN KAW HA BAUGBUG SIN SALAF MISAN PAKAW BULAWUN SIN MANUSIYAH, IBAN HALLIH KAW HA PAPANAW PIKILAN PIKILAN SADJA SIN TAU MAINGAT MISAN PA ARI-ARIHAN NIYA KAYMU SIN SALINGKAT-LINGKAT HIMUMUNGAN” (Baytah hi Al-Khatib)
Laung hi Ayyub As-Sikhtiyaaniy (r.h.): “BANG MASI-MASI IN AHLUL BID’AH NAGMAMATUYUH SIN KAKAHINANG NIYA, MASI-MASIRA ISAB SIYA MAGLALAYUH DAIN HA ALLAHU TA’ALA” (baytah hi Ibn Wadh-dhaah)
Laung hi Imam Malik (r.a): “IN SUNNAH BIYAH SIN ADJUNG (BAHITRAH) HI NABIULLAH NUH, HISIYU SIYU IN SUMAKAT PA TAAS TANTU MALAPPAS SIYA, IBAN HISIYU SIYU IN MAGPABIN (DIH SUMAKAT) TANTU MALUMUS SIYA” (Baytah hi Imam Suyutiy)
Laung hi Imam Ahmad ibn Hanbal (r.a.): “IN USUOL SIN AHLUS SUNNAH HA PANGATUD NAMUH; AMUNA IN MAMAUGBUG HA UNU-UNUNA IN BIYAUGBUGAN SIN SAHABAT SIN RASULULLAH (SAW), IBAN UMUPI SIN KAKAHINANG NILA, IBAN TUMINGGAL ATAWA UMANIB SIN HINANG BID’AH, KARNAH IN KATAN BID’AH DALAALAH (LAUNG). (Sharh Usuol Ahlus sunnah).
O kaw nagdaraawa malasa pa Allahu Ta’ala…!!
Pasandunga ha pikilan mu in sakaula-ula didtu kaw ha arafah nakahadir ha manga Sahabat sin Rasul (saw) ha waktu timurun kanila in ayat ini;
الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِينًا
“HA ADLAW INI SIYAMPULNAH KUNA KANIYU IN (BABARAPA HUKUMAN SIN) AGAMA NIYU, IBAN JIYUKUP KUNA KANIYU IN NIHMAT KU IBAN PAGRIDAH (PIYANGHINUGUT) KUNA KANIYU IN AGAMA ISLAM PAG-AGAMAHAN NIYU” [Al-Maedah:3]
O kaw nagdaraawa malasa pa Rasulullah…!!
Pasandunga ha pikilan mu in sakaula-ula didtu kaw ha hadarat sin Rasulullah (saw) ha waktu siya halaum najah sakaratal maut…. In tubig mata sin Sahabat niya nabiyah dabak-dabak nagkaligid dain ha mata nila… nagmasusa karnah bang tumaykud na in Rasulullah (saw) dain ha dunya biyah diin na bahah in kahalan sin Ummat huling jaman..!! iban bang biyah diin na in hikasampay kanila sin aqeedah malihaw..!!
Pasandunga O kaw nagdaraawa malasa pa Rasulullah..!! ha waktu halaum najah sakaratal maut in Rasulullah (saw) dih niyana hikasuwara in wasihat niya kaymu.. duwal dakuman dilah niya iban higad simud niya in magkubbut-kubbut… pasandunga in suwara sin Nabi pilihan.. suwara mahanunut iban hipus, tiyataynghugan sin taynga sin manga sahabat niya mulliya.. suwara hipuh sin Rahmat iban pamanduh… suwara paminmin ha kalasahan niya… suwara hinapusanna kadungugan di ha dunya…!! Unu in hinapusan suwara sin Jungjungan Rasulullah..???
UMMATI….. UMMATI…. UMMATI…
O kaw kakasi sin Allah iban sin Rasulullah…!! Taynghugi in salagguh lagguh pusakah kaymu sin kakasi mu Rasulullah.. ayaw mu pag-gantian ha halgah dunya tiyuh-tiyuh… gayung-gungi tuud, parayawa in kabaugbug mu, bang mu yan biyutawanan tantu magmula nakaw…
تركت فيكم أمرين لن تضلوا ما تمسكتم بهما كتاب الله وسنة رسوله
“HIBIN KU KANIYU IN DUWA PARAKALAH INI, BANG NIYU BAUGBUGAN MARAYAW TANTU DIHNA KAMU MALAUNG SALAMA-LAMA, AMUNA IN KITAB SIN ALLAH (QUR’AN) IBAN SIN SUNNAT SIN RASULULLAH” [baytah hi Imam Malik ha kitab niya Al-Muwatta'a]
Ibut ayaw mu saimbugi in aqeedah mu sin luggiyah akkal pikilan (logic and philosophy), hallih kaw ha pakaradjaan bahgu (bid’ah)…Ulini mahugut in Qur’an sin Allah… ulini mahugut in Sunnat sin Rasulullah.. tundan kaw ha papanaw sin salaf as-salih amuini in salihaw-lihaw panawheed (aqeedah), iban amuyan in TRUE LOVE…
LASA NAMU' KAYMU YA RASULULLAH.!!
• By Abu Mardiya As-Salafiy
Kasi iban lasa kaymu ya Rasulullah
Dugu' nyawa masalay karna' sin Allah
Mamaugbug kaymu way pag duwa ruwa
Limu' sin kamatay in sangsangun ya Nabiullah.
In kamatay malimu' biya' gula' pussukan
Hapdus iban pait sin kamatay di' kananaman
Hangin sin iyman dumupuy pa pangatayan
Liyanglahad angutun karna' sin Jungjungan.
Limahil kaw pa dunya way Ama' tawagun
Nawapat in Ina' mu ha ummul mu upat tahun
Apu' mu in simubli, nawapat in ikaw unum tahun
Atay nangandu' kailu way na maas siyumun.
Lupa' makka bahinnuk, taas langit nagkarukkan
Tubig mata imanud dukka sitta ha Nabi pilihan
Paminsana' sin kuraish ha Nabi huling Jaman
Ya Rasulullah..!! Ikaw in mahakutta' sin pangatayan.
Ha waktu kaw nagpasaplag sin Agama
Manga satru' sin Islam naghambuuk suwara
Muhammad, dupang, sihilan, magdadaman, ayaw kamu malipaga
Agama sin kamaasan natu' giyura' gura' niya.
Ha waktu kaw nagmumunajat pa Tuhan
Pais binatang halu' in ikaw liyukuban
Giyusmu' kaw ha liug O Nabi namu' Jungjungan
Pasu' haggut niyanam sa' mu piyagsabalan.
In pang gura' gura' kaymu dain pa sin tikmil masa
Hinangan kaw tamak, pangbaba' baba' iban pitna kulina,
Jangki iban iggil halaum atay nila nagkawasa
Palitaan sin Agama Islam maksud in puddaun nila.
Ha bud uhud pila sadja in Sahabat mu nasabil
Nala'day nahulawid hakatilibut mu imugpang ha kapir
Kasaddapan sin dunya way na sila nagpikil
Kasilasa kaymu Ya Rasulullah way sibu' anggil.
Ikaw in Nabi Jungjungan malasa ha Ummat
Timatagad ha Hawdh ha adlaw kiyamat
In lasa mu way sali' di' hika sipat
Ha parang mahshar ikaw ra in sumapaat.
Lasa namu' kaymu bukun karna' sin pullu' pullu'
Durul, panyam, jaa, pasung, apam sabab kunu' malimu'
Hitilahak in suwara maluuy lilinggu' lingguan bang maglugu'
Ha pagmawluran, maglagmak, magdulang sabab kaymu malasa kunu'.
In lasa namu' kaymu karna' sin Tuhan
Ha pamandu' mu kami wajib tumundan
Qur'an iban Hadith in baugbugan
Way kulang way labi, jukup jukupan.
Ha pamaham sin Salaf As-Salih in kami magad
Aqeedah panawheed di' magpakibad
Unu-ununa in biyayta' mu ha manga Sahabat
Wajib namu' paratsayahun sampay pa ahirat.
Hinang bid'ah, piyanglangan kami lumayu'
Hinang ba'gu ha Agama bukun mu panghindu'
Magpauruk na sadja kami duun ha pamandu'
Hasupaya ha kiyamat dih mahinang lummu'.
Salawat pa Rasulullah subay batbatun
Ahli iban asawa niya subay lapayun
Sahabat mulliya sila paagarun
Salawat iban salam kanila pataurun.
O, Nabi Muhammad mahakutta' kaw sin laum atay
Lasa kaymu limabbaw sambil pakamatay
Ha pussuk budjak iban sulab kalis kami tumaytay
Dugu' nyawa saddiya misan masalay.
Bang satru' manggura' gura', kami saddiya
Baran masalay bulay Ya Rasulullah
Limpa' masa urulun sin manga Sahabah
Magpaligad mamaugbug ha Nabiullah.
:((ثلاث من كُنَّ فيه ، وجد بهن حلاوة الإيمان : أن يكون الله ورسوله أحبَّ إليه مما سواهما ، وأن يُحبَّ المرء لا يحبه إلا لله ، وأن يكره أن يعود في الكفر ، بعد إذ أنقذه الله منه ، كما يكره أن يُلقى في النار)) .[متفق عليه]
"TUW PARAKALAH HISIYU SIYU IN AWN DUUN KANIYA IN TUW INI TANTU KANANAMAN NIYA DUUN IN MATTAN LIMUH SIN IYMAN;
(1) - HIKA-ISA; APABILA IN KAAWNAN SIN ALLAHU TA'ALA IBAN RASUL NIYA LABI KALASAHAN NIYA DAIN HA KATAN KALALASAHAN NIYA.
(2) - HIKA DUWA; APABILA LUMASA IN HANGKATAU HA IN LASA NIYA KARNAH SIN ALLAHU TA'ALA.
(3) -HIKA TUW; APABILA SIYA MABUNGSI MAGBALIK PA KAKUPULAN PUAS SIN KALAPPAS KANIYA SIN ALLAHU TA'ALA BIYAH SIN BUNGSI NIYA PA HITILAKBUH SIYA PA NARKAH" [Piyag ittipakan hi Bukhari kay Muslim hadith dain kan Anas (r.a.)]
Nah, apabila kahatihan sin iypun in mattan ma’arifa iban kananaman niya in mattan limuh sin iyman tantu wayna makasagaw kaniya dugaing dain sin magpatisuuk na sadja pa kalasahan niya (Allah).
((لا يزال عبدي يتقرب إلي بالنوافل حتى أحبه ، فإذا أحببته كنت سمعه الذي يسمع به ، وبصره الذي يبصر به ، ويده التي يبطش بها ورجله التي يمشي بها ، ولئن سألني لأُعطينه ، ولئن استعاذني لأُعيذنه)) ]بخاري[
“MASI-MASI IN IYPUN KU NAGPAPATISUUK (NAG IIBADAT) KAKUH HA PAGHINANG NIYA SIN KASUNNAT SUNNATAN SAHINGGA LASAHUN KU SIYA, APABILA KU SIYA KALASAHAN NAH AKU NA IN PANGDUNGUG AMUIN HIPANGDUNGUG NIYA, IBAN AKU NA IN PANGITAH AMUIN HIPANGITAH NIYA, IBAN AKU NA IN LIMA NIYA AMUIN HIBANTANG NIYA (PAKAYUN) IBAN AKU NA IN SIKI NIYA AMUIN HIPAMANAW NIYA, IBAN BANG SIYA MANGAYUH KAKUH HIDUL KU KANIYA IN PANGAYUH NIYA, IBAN BANG SIYA MAGPATILIBUN KAKUH (DAIN HAKAMUMULAHAN IBAN SASAT SHAYTAN) TANTU LIBUNAN KU SIYA (PALIHARAUN) [Bukhari]
Bang in lasa pa Allahu Ta’ala amuna in gamut (puunan); ampa in sanga niya amuna in lasa pa Rasulullah (saw), in lasa pa Rasulullah (saw) amuna in samata-mata pagta’at kaniya, ampa in pagta’at kaniya amuna in pagta’at pa Allahu Ta’ala, Palman sin Allah;
من يطع الرسول فقد أطاع الله
“HISIYU SIYU IN MAGTA’AT (KUMAHAGAD HA RASULULLAH (SAW) SABUNNAL TUUD NAGTA’AT NA SIYA PA ALLAHU TA’ALA” [Surah An-Nisa’: 80 ]
Mataud manusiyah nagdaraawa malasa pa Tuhan nila Rabbul A-lamiin, iban malasa pa Rasulullah (saw). Sagawah, tubtub da ha higad simud nila way kakitaan mu tandah ha kakahinang nila, gamna mayan limurup na sila palaum tawid sin hawa nafsu nila, himaha’gum halaum kakahinang amuin way nahinang iban bukun pangdaakan sin sarayaw-rayaw suntuan Muhammad (saw).
Bang mu pasaran in manusiyah halaum daawa nila tantu in nagbabadjuh dagmay magdaawa sin in siya nagbabadjuh sutrah, in lihadu amuin way misan hambuuk kusing (pisita) magdaawa sin siyana in dayahan halaum gumi ini, sampay in sapik pingkul agun-agun dumaawa sin kagausan niya tukuhun in langit…
Pagka in manusiyah madaawa, siyukat kanila sin Allahu Ta’ala bang bunnal da in daawa nila, Palman sin Mahasutsi Allah;
قُلْ إِنْ كُنْتُمْ تُحِبُّونَ اللّهَ فَاتَّبِعُونِي يُحْبِبْكُمُ اللَّهُ ويَغْفِر لَكُمْ ذُنُوْبَكُمْ وَاللَّهُ غَفُورٌ رَحِيمٌ
“PAMUNGAN KANILA (O MUHAMMAD), BANG IN KAAWNAN NIYU MALASA PA ALLAHU TA’ALA NAH, AGAD KAMU KAKUH (HA PAMANDUH AMUIN PIYATURUN KAKUH SIN TUHAN KU), (TANTU TUUD BANG KAMU MAGAD HA PAMANDUH KU IBAN KAKAHINANG KU) KALASAHAN KAMU SIN ALLAHU TA’ALA, IBAN AMPUNUN NIYA IN PALDUSAHAN NIYU, IN ALLAHU TA’ALA SANGAT MANGANGAMPUN IBAN BAING ULUNGUN” [Surah Al-imran: 31 ]
In bunnal LASA pa Allahu Ta’ala amuna in tumundan, magmalulus iban magpatikupuh ha katan naparatung pa Rasulullah (saw), in bunnal LASA pa Rasulullah (saw) amuna in umupi ha kakahinang niya iban lumayuh dain ha kakahinang bahgu amuin bukun pardaakan niya..
In manga Yahudi (Jews) iban Nasara (Christian) nagdaawa sila sin silana kunuh in anak iban kakasihan sin Allahu Ta’ala, nah! siyambag sin Allahu Ta’ala in daawa nila ha Palman niya:
(قل فلم يعذبكم بذنوبكم )
“PAMUNGAN KANILA (O MUHAMMAD): MAYTAH KAMU SIKSAH SIN ALLAHU TA’ALA SIN DUSA NIYU? (Bang kamu mattan kalasahan sin Tuhan maytah kamu siksah niya? Ampa in mattan kalasahan sin Allahu Ta’ala amura in nagtata’at miyamagad ha Sharah piyanaug niya. [Surah Al-Maedah: 18]
Laung hi Imam Shafiiy (Rahimahullah) ha ayat ini:
أن الله لا يعذب أحبابه .
“SABUNNAL TUUD DIH SIKSAUN SIN ALLAHU TA’ALA IN TAU KAKASIHAN NIYA”
Bunnal da bahah in LASA mu pa Allahu Ta’ala…..??
Bunnal da bahah in LASA mu pa Rasulullah…??
Bang bunnal in LASA mu pa Allah iban pa Rasulullah timundan, nagmalulus iban nagpatikupuh da bahah kaw ha sharah niya..?
Wayra bahah kaw nagdaawa sadja malasa pa Allah iban pa Rasulullah…?
Dunguga in wasihat sin manga Salaf As-Salih (Rahimahumullah), yari in mattan malasa pa Allahu Ta’ala iban pa Rasulullah (saw) sartah yari in sabuntul-buntul dan amuin hikalappas kaymu dain hakalaungan…
Laung hi Hudhayfa ibn Yamaan (r.a.) “IN KATAN IBADAT AMUIN WAY NAHINANG SIN SAHABAT SIN RASUL (SAW) AYAW NIYU HINANGA” (Baytah hi ibn Battah ha Al-Ibanah)
Laung hi Abdullah ibn Umar (r.a.): “MASI-MASI IN MANUSIYAH (MUSLIM) HA DAN PAMANDUH SIN RASULULLAH (SAW) SALUGAY NILA MIYAMAGAD HA ATHAR (Qur’an iban Hadith)” (Sharh usuol I’tikad ahlus sunnah wal jama’a)
Laung hi Imam Al-Awza’iy (r.h.): “IBUT ULIN KAW HA BAUGBUG SIN SALAF MISAN PAKAW BULAWUN SIN MANUSIYAH, IBAN HALLIH KAW HA PAPANAW PIKILAN PIKILAN SADJA SIN TAU MAINGAT MISAN PA ARI-ARIHAN NIYA KAYMU SIN SALINGKAT-LINGKAT HIMUMUNGAN” (Baytah hi Al-Khatib)
Laung hi Ayyub As-Sikhtiyaaniy (r.h.): “BANG MASI-MASI IN AHLUL BID’AH NAGMAMATUYUH SIN KAKAHINANG NIYA, MASI-MASIRA ISAB SIYA MAGLALAYUH DAIN HA ALLAHU TA’ALA” (baytah hi Ibn Wadh-dhaah)
Laung hi Imam Malik (r.a): “IN SUNNAH BIYAH SIN ADJUNG (BAHITRAH) HI NABIULLAH NUH, HISIYU SIYU IN SUMAKAT PA TAAS TANTU MALAPPAS SIYA, IBAN HISIYU SIYU IN MAGPABIN (DIH SUMAKAT) TANTU MALUMUS SIYA” (Baytah hi Imam Suyutiy)
Laung hi Imam Ahmad ibn Hanbal (r.a.): “IN USUOL SIN AHLUS SUNNAH HA PANGATUD NAMUH; AMUNA IN MAMAUGBUG HA UNU-UNUNA IN BIYAUGBUGAN SIN SAHABAT SIN RASULULLAH (SAW), IBAN UMUPI SIN KAKAHINANG NILA, IBAN TUMINGGAL ATAWA UMANIB SIN HINANG BID’AH, KARNAH IN KATAN BID’AH DALAALAH (LAUNG). (Sharh Usuol Ahlus sunnah).
O kaw nagdaraawa malasa pa Allahu Ta’ala…!!
Pasandunga ha pikilan mu in sakaula-ula didtu kaw ha arafah nakahadir ha manga Sahabat sin Rasul (saw) ha waktu timurun kanila in ayat ini;
الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلاَمَ دِينًا
“HA ADLAW INI SIYAMPULNAH KUNA KANIYU IN (BABARAPA HUKUMAN SIN) AGAMA NIYU, IBAN JIYUKUP KUNA KANIYU IN NIHMAT KU IBAN PAGRIDAH (PIYANGHINUGUT) KUNA KANIYU IN AGAMA ISLAM PAG-AGAMAHAN NIYU” [Al-Maedah:3]
O kaw nagdaraawa malasa pa Rasulullah…!!
Pasandunga ha pikilan mu in sakaula-ula didtu kaw ha hadarat sin Rasulullah (saw) ha waktu siya halaum najah sakaratal maut…. In tubig mata sin Sahabat niya nabiyah dabak-dabak nagkaligid dain ha mata nila… nagmasusa karnah bang tumaykud na in Rasulullah (saw) dain ha dunya biyah diin na bahah in kahalan sin Ummat huling jaman..!! iban bang biyah diin na in hikasampay kanila sin aqeedah malihaw..!!
Pasandunga O kaw nagdaraawa malasa pa Rasulullah..!! ha waktu halaum najah sakaratal maut in Rasulullah (saw) dih niyana hikasuwara in wasihat niya kaymu.. duwal dakuman dilah niya iban higad simud niya in magkubbut-kubbut… pasandunga in suwara sin Nabi pilihan.. suwara mahanunut iban hipus, tiyataynghugan sin taynga sin manga sahabat niya mulliya.. suwara hipuh sin Rahmat iban pamanduh… suwara paminmin ha kalasahan niya… suwara hinapusanna kadungugan di ha dunya…!! Unu in hinapusan suwara sin Jungjungan Rasulullah..???
UMMATI….. UMMATI…. UMMATI…
O kaw kakasi sin Allah iban sin Rasulullah…!! Taynghugi in salagguh lagguh pusakah kaymu sin kakasi mu Rasulullah.. ayaw mu pag-gantian ha halgah dunya tiyuh-tiyuh… gayung-gungi tuud, parayawa in kabaugbug mu, bang mu yan biyutawanan tantu magmula nakaw…
تركت فيكم أمرين لن تضلوا ما تمسكتم بهما كتاب الله وسنة رسوله
“HIBIN KU KANIYU IN DUWA PARAKALAH INI, BANG NIYU BAUGBUGAN MARAYAW TANTU DIHNA KAMU MALAUNG SALAMA-LAMA, AMUNA IN KITAB SIN ALLAH (QUR’AN) IBAN SIN SUNNAT SIN RASULULLAH” [baytah hi Imam Malik ha kitab niya Al-Muwatta'a]
Ibut ayaw mu saimbugi in aqeedah mu sin luggiyah akkal pikilan (logic and philosophy), hallih kaw ha pakaradjaan bahgu (bid’ah)…Ulini mahugut in Qur’an sin Allah… ulini mahugut in Sunnat sin Rasulullah.. tundan kaw ha papanaw sin salaf as-salih amuini in salihaw-lihaw panawheed (aqeedah), iban amuyan in TRUE LOVE…
