Ben-ajar Tingkasan
Salam mga tymanghud ko agama islam...
Awn ini sual ko,, uno baha in hukuman amun maghinang kita adlaw 7 ha tao miyamatay na? pasl ha pagkasakupan ko awn mghinang awn dih na.... pasawaha kunoh kko mga tuan guro,, magsukol..
Tadjuk Lawihan
Wa alaykumus salam...
In kawajiban sin tau buhih ha tau miyatay amura in saputun, liguun, sambahayangun iban hikubul.. adapun tungud sin hinang marayaw amuin hinangun sin tau buhih hipag sadakka pa tau miyatay nah in ini nagkaniya kaniya.
In papanaw sin manga Ulama', sabab in piyagsulangan nila amuna in pasalan sin karayawan (pahalah) sin hinang bang sumampay ka siya pa tau miyatay atawa dih, upama biyah sin pagbassa Qur'an, pagsadakka, paghadji iban pa sin kaibanan niya.
Ampa in magkahinang sin ha hulah natuh biyah na sin magbassa Qur'an ha tau miyatay ubus sadakkahan in nagbassa nah in manga hinang ini dih manjari hinangun sin kitaniyu damikkiyan biyah sin pagpitu, pagkapatan, kamattiyan in ini manga kakahinang ini bukun na panghinduh sin Agama Islam... wallahu a'alam..
In manga Ulama' nangjarihi sin pagbassa qur'an laung nila massa kaw qur'an sakali hi hadiya mu in pahala' pa tau miyatay, hatiniya bukun na kalagihan mattu kaw pa bay sin kiyamatayan ubus magsusa pa sila magpainum kaymu.
Sagawah pagka in kakahinang ini sadakka mu ha tau miyatay nah dih na kalagihan subay mu pahatihun in kiyamatayan atawa mattu pakaw pa bay nila.
Ampa in pagpitu biyah nahinang na business sin kaibanan tau, pasal bang manga Mayor atawa Governor in makapangluruk kaymu na dagsuk in invelop sin pilak tutulungan, ampa in pagtulung bukun ha hinang pitu subay ha waktu sn kamatay sahbu nasususa in ahli sin nawapat ubus hinangan mu sila kakaun hatiniya sila in pakaunun mu bukun sila in magpakaun kaymu..
wallahu a'lam.
