Assalmualykm warahnatullahi wabarakatuho ..uno tuan in hukuman ha mga sila muslim usug iyanugharaan sila sin allah pungut ubos bagungan nila ha wayroun sabab dakulah pasawaha kmu mtaud ulama ngbabagung pungut ubs sab in kybnan wayroun ?
Wa alaykumussalam warahmatullahi wa barakatuhu tuan Sharief.
Yari in dayin ha mga ahadeethun saheehah ha pasalan sin Pungut:
Dayin kan Ibn Umar (radiyallahu anhu) nagkabtangan siya, nagsabda in Rasulullahi (Sallallahu Alayhi Wasallam) :
"Sulanga niyu in mga Mushrikeen, pasari niyu in Misay (beard) niyu tumubu/humaba' iban hawpu-i niyu in pungut (mustache) niyu".
Ha dugaing riwayat: “Hawpu-i in pungut niyu iban pasari in Misay niyu tumubu'”.
Mabaya' ku sadja i-clarify in hati sin pungut. Sabab biya' nabiyaksa kita niyu magtawag pungut duun na ka in buhuk ha babaw simud, ha taku' iban ha bayhu'. Sumagawa' bang natu' tuud hatihun ha bahasa natu' tausug, in hati sin Beard amuna in "Misay" ( buhuk ha bayhu' magtagna' dayin ha kid sin Taynga, sugpat da pa Buhuk ), in buhuk ha taku' amuna in " Janggut " iban in " Mustache " amuna in pungut ( buhuk dayin ha babau simud ). Wallahu A'lam bang aku way ra nagsa', sahawiha niyu man aku. :)
Mayta' kita niyu diyaak sin Rasulullahi ( Sallallahu Alayhi Wasallam ) pahabaun in Misay ( Beard ) dana pa taku' iban sulangun in mga sila nagsisirik? Hasupaya kita niyu dih makapaningud singud kanila, sabab in sila pagbagungan nila in Misay iban janggut nila sarta' pahabaun nila in pungut ( Mustache ) nila.
Laung hi Imam Ibn Abdilbarr ha kitab Tamheed : Piyanglangan in magbagung sin Misay, iban wayruun usug himinang sin damikkiyan yan malayingkan in mga sila " Mukhnees مخنث " (Amuin sila maningud-singud ha kakahinang sin Baba-i).
Unu in hukuman sin MISAY dana pa Janggut?
In jawab, way khilaf sin mga Ulama' sin Salaf sin in hukuman sin magpahaba' sin Misay dana pa taku' in yan Wajib atawa Fard, mayta'? Pasal in mga Hadeeth sin Rasulullahi (Sallallahu Alayhi Wasallam) nasabbut natu', in yan pangdaak. Ma'lum pa mga sila Ulamaa' sin Usuwl Alfiqhi, in daak sin Rasulullahi (Sallallahu Alayhi Wasallam) in yan WAJIB. Kalu bang awn daleel (proof) dugaing mamayta-i sin napinda atawa napasaw in hukuman dayin ha Wajib pa kaibanan kahukum hukuman sin Islam, sumagawa' wayruun kabakan natu' daleel. Hangkan laung sin mga Ulamaa' Salafiyyuun, in Misay dana pa Janggut Wajib.
Nah, in magbagung sin Misay pa Janggut ha wayruun sabab dakula' amuin hikamula kanila (biya' sin Egypt bang mahaba' in Misay pa Janggut, saggawun kita sarta' jailun terrorist kunuh, nah subay Halli-an, in paghalli' WAJIB), in yan HARAM.
Adapun in piyag-ihktilafan (disagreement) sin mga Ulamaa', amuin haba' ( limit ) sin Misay:
In kaibanan tumpukan sin mga Ulamaa', laung nila: Subay pasaran in Misay humaba', di' manjari hawpuan atawa bagungan.
Laung isab sin Kaibanan Ulamaa' : Subay in haba sin Misay hangka kiyumkuman, biya' sin kaput hi Ibn Umar ( Radiyallahu anhu ).
Pangasubu:
In mga sila wayruun Misay/Janggut magdusa na? Biya' na ba sin aku ini, janggut da in aun :).
In jawab: Di' kita niyu magdusa. Sabab di' hipatanggung katu' niyu sin Allahu Ta'aala in parkala' di' natu' kagausan. Na' ha hal di' natu' kagausan in pahabaun in Misay bang way Misay, atawa kagaid sin di' maghaba' in Misay/Janggut, di' kita niyu magdusa.
In maharus dakuman hinangun natu' bang way Misay, in magpahaupu' atawa magbagung ( trim ) sin pungut ha babaw simud ( mustache ), bihan in sunnah sin Rasulullahi ( Sallallahu Alayhi Wasallam ).
Sahawiha niyu man aku mga kaguruhan namu' mulliya bang awn nagsa' dayin ha mga kabtangan ku. Bang awn pa hikaganap sin mga kaguruhan natu' mulliya diy ha site ini, inshaallah dugangan nila. Bang man dugangan pa sin Allahu Ta'aala in ilmu' natu'. Ameen...
Yari in dayin ha mga ahadeethun saheehah ha pasalan sin Pungut:
Dayin kan Ibn Umar (radiyallahu anhu) nagkabtangan siya, nagsabda in Rasulullahi (Sallallahu Alayhi Wasallam) :
"Sulanga niyu in mga Mushrikeen, pasari niyu in Misay (beard) niyu tumubu/humaba' iban hawpu-i niyu in pungut (mustache) niyu".
Ha dugaing riwayat: “Hawpu-i in pungut niyu iban pasari in Misay niyu tumubu'”.
Mabaya' ku sadja i-clarify in hati sin pungut. Sabab biya' nabiyaksa kita niyu magtawag pungut duun na ka in buhuk ha babaw simud, ha taku' iban ha bayhu'. Sumagawa' bang natu' tuud hatihun ha bahasa natu' tausug, in hati sin Beard amuna in "Misay" ( buhuk ha bayhu' magtagna' dayin ha kid sin Taynga, sugpat da pa Buhuk ), in buhuk ha taku' amuna in " Janggut " iban in " Mustache " amuna in pungut ( buhuk dayin ha babau simud ). Wallahu A'lam bang aku way ra nagsa', sahawiha niyu man aku. :)
Mayta' kita niyu diyaak sin Rasulullahi ( Sallallahu Alayhi Wasallam ) pahabaun in Misay ( Beard ) dana pa taku' iban sulangun in mga sila nagsisirik? Hasupaya kita niyu dih makapaningud singud kanila, sabab in sila pagbagungan nila in Misay iban janggut nila sarta' pahabaun nila in pungut ( Mustache ) nila.
Laung hi Imam Ibn Abdilbarr ha kitab Tamheed : Piyanglangan in magbagung sin Misay, iban wayruun usug himinang sin damikkiyan yan malayingkan in mga sila " Mukhnees مخنث " (Amuin sila maningud-singud ha kakahinang sin Baba-i).
Unu in hukuman sin MISAY dana pa Janggut?
In jawab, way khilaf sin mga Ulama' sin Salaf sin in hukuman sin magpahaba' sin Misay dana pa taku' in yan Wajib atawa Fard, mayta'? Pasal in mga Hadeeth sin Rasulullahi (Sallallahu Alayhi Wasallam) nasabbut natu', in yan pangdaak. Ma'lum pa mga sila Ulamaa' sin Usuwl Alfiqhi, in daak sin Rasulullahi (Sallallahu Alayhi Wasallam) in yan WAJIB. Kalu bang awn daleel (proof) dugaing mamayta-i sin napinda atawa napasaw in hukuman dayin ha Wajib pa kaibanan kahukum hukuman sin Islam, sumagawa' wayruun kabakan natu' daleel. Hangkan laung sin mga Ulamaa' Salafiyyuun, in Misay dana pa Janggut Wajib.
Nah, in magbagung sin Misay pa Janggut ha wayruun sabab dakula' amuin hikamula kanila (biya' sin Egypt bang mahaba' in Misay pa Janggut, saggawun kita sarta' jailun terrorist kunuh, nah subay Halli-an, in paghalli' WAJIB), in yan HARAM.
Adapun in piyag-ihktilafan (disagreement) sin mga Ulamaa', amuin haba' ( limit ) sin Misay:
In kaibanan tumpukan sin mga Ulamaa', laung nila: Subay pasaran in Misay humaba', di' manjari hawpuan atawa bagungan.
Laung isab sin Kaibanan Ulamaa' : Subay in haba sin Misay hangka kiyumkuman, biya' sin kaput hi Ibn Umar ( Radiyallahu anhu ).
Pangasubu:
In mga sila wayruun Misay/Janggut magdusa na? Biya' na ba sin aku ini, janggut da in aun :).
In jawab: Di' kita niyu magdusa. Sabab di' hipatanggung katu' niyu sin Allahu Ta'aala in parkala' di' natu' kagausan. Na' ha hal di' natu' kagausan in pahabaun in Misay bang way Misay, atawa kagaid sin di' maghaba' in Misay/Janggut, di' kita niyu magdusa.
In maharus dakuman hinangun natu' bang way Misay, in magpahaupu' atawa magbagung ( trim ) sin pungut ha babaw simud ( mustache ), bihan in sunnah sin Rasulullahi ( Sallallahu Alayhi Wasallam ).
Sahawiha niyu man aku mga kaguruhan namu' mulliya bang awn nagsa' dayin ha mga kabtangan ku. Bang awn pa hikaganap sin mga kaguruhan natu' mulliya diy ha site ini, inshaallah dugangan nila. Bang man dugangan pa sin Allahu Ta'aala in ilmu' natu'. Ameen...
Wallahu A'lam bisawabiha.