Parkala pagka' nyawa

Pangasubu:
Isa Abdulmajid

     Asalamu alaykum ha katan kalasahan ku ha agama islam labiluba' na ha mga kaguruhan namu' mulliya. Aun pangasubu ku mabayah tuud aku humati. sin kasabunalan.

1.)Bunal bahah bangdumatung na in malakalmaut kumawah ngawa sin hambuk tua makadjari niya pa tanguhan?1year pa ampasiya mikimatay atawa dih na tuud?

2.)Unu in kamatay sarayawdayaw kamatay hati niya biglah sadja atawa inut inut?

3.)Haunu lumabay in ngawa sin hambuk manusiya apabila siya kawaan na sin malakal maut ngawah sabunal?

     Magsukul yan in pangasubu ku mabaya tuud aku humati sin kamatay yan, in susugun sin kamu iban sin aku. Tumagad hajawab sin pangasubu. Wassalam...'

Jawab:

RiDah Mutahabba 

     Assalamu alaykum wa rahmatullah..

Yari in manga jawab sin pangasubu mu tuan..

1.) Apabila dumatung na in malakal maut magkawa' sin nyawa, wayruun na makatanggu hisiyu-siyu mangayuh extension sin kabuhi niya.

Unu in dalil?

Farman sin ALLAH last ayat sin rurah munafiqun;

WA LAN YU-AKKHIRULLAHU NAFSAN IZAA JAA-A AJALUHA..

Iban di' na tuud patangguhun, sugpatan pa sin ALLAH in kabuhi sin hambuok ginhawa apabila dumatung na in ajal kamatay niya.

Sartah awn da isb ayat bhaini hantang ha surah al-a'raf..

2.)Unu in maksud sin pangasubu mu hikaruwa ini, amin mapatay siya bigla biya' sin manga kiyabustakan sin bomb nakanat magtuy in baran, iban sin inut-inut biya' sin mapatay siya sakit yaun malugay magda napas?

      In jawab namu' wayra piyag-agan niya bang in tau mapatay bar-iman, sibu' da mapatay siya bigla biya' sin kiyabaman atawa kan miyatay inu-inut biya' patay sakit, in ini sibu' da masapat iban sin mlugay in kamatay niya, bang siya bar-iman maagak sarta' liyahang-lahang siya sin malaikat ha waktu niya tangsuan nywa supaya wayruun kananaman niya sakit.

     Sumagawa' aun yan ayaw kita mainu-inu, hambuuk bar-iman kakitaan ta aun yan bang mapatay biya' sin kiyasisigpitan iban kiyasasakitan. Sabab laung sin magna ulama', bang aun dusa niya ha waktu niya buhi ubus wala' yadti kifarat kaniya sin Tuhan magtuy kaniya biya' sin piyaratungan siya sakit iban musiba.

     Ha adlaw sin kamatay niya duun siya kifaratun sin Tuhan, pasakit-sakitun in pagkawa' sin nyawa niya, sumagawa' in iyan bukun paniksa' kaniya, sumagawah in iyan kifarat kaniya, supaya ha adlaw magbak sila iban tuhan niya adlaw kiyamat wayrun na dusa niya.

     Adapun isab bang kafir in mapatay, sibu' da in matay siya bigla' iban sin inut-inut kananaman niya ra in sakit sin kamatay niya ha paniksa' kaniya sin ALLAH.

3.)Laung sin mga ulama' in nyawa lumabay siya hillaun sin malakal maut ha umbun-umbun niya, atawa hain-hain na katilugan(part) sin uw niya.

Unu in dalil?

Hadith dain kan ummu salmah r.a. In agi niya,
Simud maun in rasul s.a.w. Pa bilik sin abu salmah puas sin kamatay niya. Iban sabunnal tuud laung hi ummu salmah, tiyapluk, pyapirung sin rasul in mata sin abu salmah, (sabab nauukab in mata niya pgpatay niya), iban pag-iyan sin rasul s.a.w.

 "INNAR RUWHA IZA QUBIDA TABI-A'HUL BASAR". 

Sabunnal tiud in nyawa,apabila siya tangsuun na, magad/murul, kitaun siya sin pangatud.

.

Tanda in guwaan sin nyawa dapit pa uw, sabab aun yan in mata sin tau limiligat pa taas sabab magad in pangatud niya pa lawa niya.

     Iban ha hadith ini laung hi sheikh Albani, bang in tau miyatay nauukab in mata, subay siya tambulun biya' sin nahinang sin rasul s.a.w. Ha abu salamah.

Wallahu a'lam...