Miyo Ramram
Assalamu alaykum manga kaguruhan mabaya aku humati sin kahalan sin witr...baya' kasi aku huminang ba'gu matug sarta' bukun tuud masawa kaku...pasawaha niyu kaku maga guru kalasahan iban in manga kahalan niya.Magmaap man. Mabaya sadja aku humati sin sunna sin rasul..
Ay maap man, biya' sin, pila rakaat in tubtuban sin witr? Makajari baha' 3 rakaa't? 5? iban 12 rakaa't? Mataaud kasi aku naasubu biya' bukun masawa in jawab kaku.Magmaap man guru kalasahan...
Jawab:
A
ssalamu alaykum warakhmatullahi wabakatuhu...
Magmaaf bang manga late nakajawab magblik..
Muna-muna, in pagtawagun witir, bima'na tunggal.
Hadith sin rasul s.a.w.;
"INNALLAHA WITRUN YUHIBBUL WITRA".
"Sabunnal tuud in ALLAH tunggal, sarta' mabaya', makug siya ha parkala tunggal".
Adapun, in duwa-ruwa rakaat sung matug sin witir, pagtawagun siya ash-shaf-i'y. In shaf-i'y, sunnat siya paabayun ha witir. Duun naka 2,4,6,8, tubtub pa 10 rakaat. Bima'na bang in sambahayang niya shaf-i'y duwa(2) rakaat da, puas sin salam niya hitindug niya sambhayangun in witir hangkarakaat, bimahna tu(3) rakaat na mahinang. In bihadtu da in hantang sin kaibnan. Biya' sin hangpu' rakaat in sunnat shaf-i'y niya, hika 11 in witir pag-ubus niya sumalam.
Jari niya, in pagsambhayang kania duwa-ruwa rakaat. Jiyari da isab sin kaibnan mazhab in langkusun siya katan sumagawa' makamisan da in tahayat, subay na ha witir ampa sumalam..
Sumagawah labi afdal in duwa duwa rakaat, sabab hadith sin rasul s.a.w.
"Salullayli mathna mathna", rawahul bukhari..
"In sambhayang laung niya ha dum, duwa-ruwa rakaat".
In taud sin rakaat niya yadtu na, in baba niya tu(3) rakaat Agad na yan duun in duwa(2) rakaat shaf-i'y iban sin hngkaraat witir, in taas niya isab hangpu'tag-isa(11), hangpu'(10) rakaat shaf-i'y ibn hambuuk(1) rakaat witir. Aun isab kaibanan ulamah sampay pa hangpu'tagtu(13) laung nila.
Sarta' in sambahayangun sadja in witir hangka(1) rakaat, bima'na way na sunnat dugaing ha sung(before) niya, in ini pIyagmunkir sin mga ulamah.
In waktu niya isab, dain ha puas sin sambahayang eisha sampay pa sumud in fajar, masi-masi aun waktu sin witir. Ikaw na in mag-atas pikil, sambahayangun mu siya ha awal waktu atawa ha kahinapusan sin dum.
Sumagawa' labi maraw(afdal) bang siya sambahayangun ha kahinapusan sin dum. Hadith sin rasul ha kyariwayat hi bukhari;
'J-ALUW AKHIRA SALATIKUM FIL LAYLI WITRAN'.
"Paawna niyu in kahinapusan sambhayang niyu ha dum amu na in witir".
Sartah dh sb manjari sartah pyagmunkir sin sharah in mkaruwa kw mgwitir ha lawm sin hngkarum.. Hadith sin rasul s.a.w.
"LAA WITRANI FILLAYLI",
"wayrun 2 taud niya witir ha hambuuk dum".Bimahna nanglangi in rasul..
Fahad Haris
Aturan sin pag-sambahayang witir.
Sambahayang witir;
Sambahayang witir;
In witir in mahna niya : hambuuk
Adapun in hukuman niya sunnat. Amuin papanaw makasug papanaw sin tu(3) madzhab. Malikiya ,Shafiah, iban sin Hanabila.
.
Ku''nu tumagtagna in waktu niya? Magtagna in waktu niya apabila kaw naubus na nagsamabahayang isha. Malaingkan in waktu sin witir nabahagi' siya pa tu(3) :
1.) Apabila kaw naubus na nagsambahayang isha , jiyari kaymu in magwitir
2.) Tunga' dum , amu ini in labi maraw(afdal) waktu niya bang mu kagausan3.) Ha di' pa sumud in waktu subu , jiyari daisab kaymu ha waktu yan biya' laung ta mga 5 minit da kuman mag bang na subu.
Pila in taud sin rakaat niya ?
In pinaka mababa' na hangkarakaat ha sabda sin nabiy bang siya naka sambahayang hangkarakaat natunay niya na in witir , sah in pinakamataas na pag-hinangun sin nabiy salawat iban salam kaniya , hangpuh tag-isa rakaat
.
Malaingkan jiyari in mag-witir ,(3) tu rakaat ,(5)lima rakaat ,atawa kan (7)pitu rakaat , atawa kan (9)siyam rakaat.
Bang kaw magwitir sin tu(3) rakaat, duwa(2) in hantangan niya pag-piaan mu;
1.) Sambahayangun mu siya hambuuk ta in tashahud mu, hatiniya hangka minsan dakaw magtahayat, duun ha hikatu rakaat .
2.) Sambahayangun mu siya pag-abut ha duwa rakaat magtahayat kaw sin tahayat akhir ubus ampa kaw sumalan , ubus amapa mu hi tindug in hinapusan rakaat magtahayat daisab kaw duun.
In yan kiyabaytah daing ha nabiy. Sah bang kaw nag-witir lima(5) rakaat atawa kan pitu(7) rakaat , hangkan minsan dakaw magtayat duun ha hinapusan rakaat. Bang sawpama niya in sambahayangun mu witir siyam(9) rakaat , makaruwa kaw magtahayat/ magtashahud , hangkaminsan duun hahikawalu rakaat, sah! Ayaw kaw sumalam ,hitindug mu in hikasiyam(9) rakaat ubus mayan yattu magtayat nakaw isab balik, ampa kaw sumalam...
