Hati sin Sunnat Mutlaqa

Pangadjian:


Fahad Haris


Sunnat Mutlaqa 
In hati sin sunnat mutlaqa sunnat sambahayang wayruun waktu niya. 

     Hatiniya manjari kaw sumambahayang sunnat ku'nu-ku'nu na in kabayaan mu, malaingkan na sadya bang ha waktu amuin piyanglanagan sin sara' duun in mag-sunnat. In labi maraw(afdal) daing ha manga sunnat mutlaqa yan amuna in kiyamul lail tahadjud 

روى أهل السنن ; أن النبي صلى الله عليه وسلم سئل : أي الصلاة أفضل بعد المكتوبة ; قال : الصلاة في جوف الليل

Sabunnal tuud naasubu in nabi (salawat iban salam kaniya) sin ALLAH bang unu sambahayang afdal(labi maraw) mapuas sin sambahayang farduh? 

Sabda niya :

In labi maraw( afdal ) sambahayang maapuas sin farduh amuna in sambahayang tunga' dum .     [ Abu Daud An-nasa’I At-tirmidhi iban hi Ibnu Majah ].

وقال صلى الله عليه وسلم : إن في الليل ساعة , لا يوافقها عبد مسلم , يسأل الله خيرا من أمر الدنيا والآخرة ; إلا أعطاه إياه

Sabda sin jungjungan (salawat iban salam kaniya) sin ALLAH : 

Sabunnal tuud duun ha dum yan aun waktu bang kiyasabtanan sin hambuuk muslim nangayu' siya pa ALLAH sin karayawan dunya akhirat malaingkan hidihil kaniya. 

.وقال صلى الله عليه وسلم : وعليكم بقيام الليل , فإنه دأب الصالحين قبلكم , وهو قربة إلى ربكم , ومكفرة للسيئات , ومنهاة عن الإثم " رواه الحاكم

Sabda sin jungjungan (salawat iban salam kaniya) sin ALLAH :

Subay kamu magsambahayang dum ( Tahadjud ) sabunnal tuud in siya kakahinang sin manga tau salihin ( marayaw ) nakauna daing kaniyu sarta' in siya hikasuuk pa Tuhan niyu , iban hika ampun sin manga dusa niyu sarta' hikapapas sin dusa . [ al-hakim ]

Waktu sin pag-kimul layil ( Tahadjud ) Tumagna in waktu niya puas magrib                                                                    قال الإمام أحمد رحمه الله

 : " قيام الليل من المغرب إلى طلوع الفجر " 

Laung hi Imam Ahmad ( Hambali ) kiyaulungan siya sin ALLAH :

In tahadjud magtagna' siya daing ha puas sin sambahayang magrib sambil pa subu . Adapun in waktu niya labi maraw( afdal ) iban sarayaw-rayaw tunga' dum 1/3 sin dum sabab ha sabda sin nabi 

روى أهل السنن ; أن النبي صلى الله عليه وسلم سئل : أي الصلاة أفضل بعد المكتوبة ; قال : الصلاة في جوف الليل

Sabunnal tuud naasubu in nabi (salawat iban salam kaniya) sin ALLAH bang unu sambahayang labi maraw(afdal) mapuas sin sambahayang farduh ? 

Sabda niya : 
In  labi maraw( afdal ) sambahayang maapuas sin farduh amuna in samabahayang tunga' dum .  [ Abu Daud An-nasa’I At-tirmidhi iban hi Ibnu Majah ]. 

Aturan sin pagtahadjud; 

•  Subay siya magniyat magtahadjud.
•  Bang siya makabati sin tunga' dum siyunnat kaniya in magsiwak atawa kan mangiskis(tooth brush) ubus ampa niya sugsugun in duwaa ini

 " لا إله إلا الله وحده , لا شريك له , له الملك , وله الحمد , وهو على كل شيء قدير , الحمد لله , وسبحان الله , ولا إله إلا الله , والله أكبر , ولا حول ولا قوة إلا بالله "

La-ilaha illah allah wahdahu la sharika lahu , lahul mulku wa lahul hamdu , wa huwa ala kulli shay’in qadir . al-hamdulillah , subhanallah , wa la ilaha illah allah wa allahu akbar wa la hawla wa la quwwata illah billah .

Hatniya : 

Wayruun mapatut pagtag-ipunan malaingkan tuput in ALLAH, isa-isa niya wayruun sakutu niya, siya in tagmilik iban tuput kaniya in pupudjihan, sarta' siya in makagaus ha katan unu-unu na, magsukur pa ALLAH mahasutsi ,mahatinggi , wayruun mapatut pagtag-ipunan malaingkan tuput siya, siya in Tuhan sangat dakula', iban wayruun kusug iban gaus malaingkan labay daing ha pagbaya' niya.

, ويقول : " الحمد لله الذي أحياني بعد ما أماتني وإليه النشور , الحمد لله الذي رد علي روحي , وعافاني في جسدي , وأذن لي بذكره " .Alhamdulillahi alladhi ahyani bahda amatani wa ilahin nushur , Alhamdulillah alladhi radda alayya ruhi, wa afani fi jasadi wa adhina li bidhikrihi.

Hatiniya :

Pudji tuput pa ALLAH sin biyati' niya aku daing ha katugan, madtu ra kaniya in uuwian sin katan piyapanjari, pudji pa ALLAH sin biyalik niya kaku' in nyawalihan ku sarta' liyappas niya in jasad ku daing ha sakit, magsukur kaniya sabab tiyugutan niya aku manuntum kaniya.

• Siyunnat kaniya ha di' pa siya makatagna' magtahdjud, sumunnat na-a siya duwa rakaat haupu'-haupu'. 
• In sambahayang tahadjud ha tiyap-tiyap duwa rakaat sumalam kaw.
• Labi maraw(Afdal) magtahadjud ha bay. 
• In labi marayaw bang sin magtahadjud nagtitindug bang sawpama wayruun ujul sin baran niya. 
• Adapun bang aun ujul sin baran niya tiranan nakalingkud siya nagtahadjud madawhat niya ra in fahala' biya sin pahala' nag-sambahayang nag-titindug 
• Tammatun niya in pagtahadjud sin sambahayang witir.
• Adapun bang siya nagtahadjud naglilingkud jiyari, sa' hangtunga' da in madawhat niya karayawan(fahalah) pa sambahayang nagtitindug.
• Bang sawpama niya wala' siya nakatahdjud sin dum siyunnat kaniya magbayad sin adlaw ha di' pa sumud in waktu dhuhur.Taymnghud ku muslim subay mu dihilan waktu in baran mu mag-tahadjud hasupaya kaw dih malugih sin pahalah iban karyawan diyarah sin sambahayang tahadjud