Pangadjian:
Fahad Haris
Nasihat iban patumtum sin manga Ulamah Salaf ha palihalan ha tau nagdara sin hawa napsu niya ha agama Islam.
Manga taymanghud ha namu' ha agama Islam ha masa nat' bihaun way manus pitna labi awla na pitna papag-agama labi awla na tuud ha hula' natu', way manus nadara sin hawa napsu nila duun ha agama Islam sarta' mataud in naggugulal Guru atawa kan Ustadz atawa kan alim, in sila yan mangabi-ngabi bahasa pakasabunnalan sumgawa' bang mu pariksaun marayaw sila yan di' dumungug pa manga Ulamah dakula' iban ha manga papanaw sin manga sahaba't iban sin manga Tabiit-tabiin iban sin manga Ulamah Salaf.
Na!, daing ha sabab yan subay kita niyu umanib iban lumayu' daing ha manga sila yan. Bang kaw mattan da naggugulal Ahlu sunna wal-Jamaa,
Yari in manga patumtum sin manga Ulamah natu' Ahlu Sunnah Wal-Jamaa iban sin manga Salagul Umma;
قال : الحسن : لاتجالس صاحب هوى فيقذف في قلبك ماتتبعه عليه فتهلك ، أو تخالفه فيمُرض قلبك.
Laung hi Al-Hasan: ayaw mu daha maglingkud iban maglundang panun in manga manusiya' nagdara sin hawa napsu, sabab kabutangan in pangatayan mu sin pamanda' niya.
وعن أبي قلابة قال: لاتجالسوا أهل الأهواء ولاتجادلوهم فإني لاآمن أن يغمسوكم في ضلالتهم ، ويلبسوا عليكم ماكنتم تعرفون. قال أيوب عن أبي قلابة: وكان والله من الفقهاء ذوى الألباب.
Daing kan Abu Qilabah laung niya: ayaw mu daha maglingkud in manga manusiya' nagdara sin hawa napsu nila sarta' ayaw mu sila daha maglugat. Na!, bunnal tuud adakala kabutangan in pangatayan niyu sin kalaungan nila sarta' kasapawan niya in kasabunnalan amuin kiyaingatan niyu. Laung hi Abu Ayyub kan Abu Qilaba in kaunan hi Abu Qilaba sapahan ku pa Tuhan in siya daing ha manga Fuqaha amuin nagdara Ilmu' iban akkal marayaw.
قال : الحسن : لاتجالس صاحب هوى فيقذف في قلبك ماتتبعه عليه فتهلك ، أو تخالفه فيمُرض قلبك.
Laung hi Al-Hasan: ayaw mu daha maglingkud iban maglundang panun in manga manusiya' nagdara sin hawa napsu, sabab kabutangan in pangatayan mu sin pamanda' niya.
وعن أبي قلابة قال: لاتجالسوا أهل الأهواء ولاتجادلوهم فإني لاآمن أن يغمسوكم في ضلالتهم ، ويلبسوا عليكم ماكنتم تعرفون. قال أيوب عن أبي قلابة: وكان والله من الفقهاء ذوى الألباب.
Daing kan Abu Qilabah laung niya: ayaw mu daha maglingkud in manga manusiya' nagdara sin hawa napsu nila sarta' ayaw mu sila daha maglugat. Na!, bunnal tuud adakala kabutangan in pangatayan niyu sin kalaungan nila sarta' kasapawan niya in kasabunnalan amuin kiyaingatan niyu. Laung hi Abu Ayyub kan Abu Qilaba in kaunan hi Abu Qilaba sapahan ku pa Tuhan in siya daing ha manga Fuqaha amuin nagdara Ilmu' iban akkal marayaw.
,
وعنه قال: إن أهل الأهواء ، أهل ضلالة، ولاأرى مصيرهم إلا إلى النار.
وعنه قال: إن أهل الأهواء ، أهل ضلالة، ولاأرى مصيرهم إلا إلى النار.
Laung pa hi Abu Qilaba: Sabunnal tuud in manga sila manusiya' nagdara sin hawa napsu nila ha pag-agama, sila nayan in manga manusiya' nalalaung. Na! ha panindug ku iban ha papanaw ku wayruun dugaing uwian nila malainkan narka'.
وعن أيوب السختياني إنه كان يقول: ماازداد صاحب بدعة اجتهادا ، إلا ازداد بعدا من الله ، وكان يسمي أهل البدع خوارج......[الاعتصام، للشاطبي1/83].
Daing kan Ayyub Aw-Sukhtiyaniy: Sabunnal tuud in kaunan niya namung siya: Masi-masi in manga sila nagbibida'a naglulugtu' karna' hipagpalanyut nila sin kalaungan nila sumagawa wayruun mahasil nila malaingkan layu' daing ha ALLAH. In kaunan hi Ayyub As-sukhtiyaniy ngiyan niya in manga magbibida'a Al-khawarij.
وعن يحيي بن كثير قال : إذا لقيت صاحب بدعة في طريق فخذ في طريق آخر.
Daing kan Yahya Ibn Khatir Laung niya: Apabila hipagbak mu in tau ngbibida'a ha duun ha dan. Na! palling kaw pa dugaing dan.
Mataud pa tuud in manga patumtum sin manga tabiin iban sin manga Ulama Salaf ha palihalan sin manga tau nagdara bida'a iban iban hawa napsu.
Daing ha manga tumupukan amuuin nagdara hawa napsu:
- SHI'A Atawa kan AR-RAFIDA: in katan papanaw nila yan iban sin undang-undang amuin biyutang sin kaulamaan nila daing ha hawa napsu nila minsan mu ukabun in kitab nila yan.
- AL-KHAWARIJ : in Kharij sila nayan in namunu' ha manga Sahabat sin Nabi (alayhis salatul wassalam) biyunu' nil HI Uthman, Abi Talib iban hi Husain (kiyaridaan sila sin Allah) Iban na sin manga dugaing sahabat iban tabiin (kiyaridaan sila sin ALLAH) in manga khawarij in sipat tiyutat katu' taniyu sin Nabi salawat iban salam kaniya, ha sabab niya.
In manga sila Khawarij bang Magbassa sin Qur'an di' nila pasinupun pa pangatayan nila in maksud sin Qur'an tub-tub dila' nila ra, sarta' in sila yan "supahaul ahlam" diyungug ku tuud sin duwa'a tayna' ku ha masjid sin Nabi lilay sin alim dakula' Muhaddith ha Madina sin Rasul in ngan alim: Abdullamuhsin Abbad Al-Badar masi-masi namayan siya buhi' sambil pa adlaw yan. Laung niya ha ma'na sin bissara niya: In daing ha manga ma'na sin Safahul Ahlam in manga Khawarij tiyu'-tiyu' da in pamaham nila ha sara' sin ALLAH.
Sarta' in sambat pa sin nabiy in manga sila Khawarij; In sila gimuwa' da sila diang ha pamandu' sin ALLAH iban Rasul niya, biya' sin pagpaguwa' sin pana' daing ha papagan niya. Hambuuk riyawat in manga khawarij mahinang sila sundalu sin Dajjal.(in hadith yan da kiyabayta' ha kitabus sunan.
Manga lundang kakasi ha agama Islam in daing ha manga undang-undang sin mnaga sila khawarij amu manga ini:
1.) Di' sila manayma' ha hadith sin Nabi muhammad(salawat iban salam kaniya) sin ALLAH. In piyangamdusan nila iban dalil nila tuput in Qur'an. Di' sila sila maglingi' ha pamandu' sin Nabi iban ha Hadith niya. Daing duun hayan matarrang in Aqida sin Ahlu Sunna Wal Jamaa in undang-undang nia:
- 1.) Qur'an
- 2) Hadith sin Nabi amuin Hadith napariksa' in nagriwayat kaniya. Hati niya amuin hadtih bunnal. Duun hayan bang wayruun kalawagan nila dalil maun sila pa hikatuw dalil amuna in
- 3.) Al-Ijmah : Hatiniya amuin kiyapagmawpakkatan sin manga sahabat iban kiyapagmawpakkatan sin manga tabiin. Ha sabab in dalil Al-Ijmahi kibayta' sin Nabi ha sabda niya; لا تجتمع أمتي على ضلالة. Hati niya: Di' maghambuuk in manga sila Ulamah sin ummat ku duun ha kalaungan.
Duun ha AL-IJMAH yan di' mangahari in manga sila shi'ah iban sin Kawarij siyulang nila in Ijmah(pagmawpakkat sin manga sahabat iban manga tabiin, amu yan in manga dalil mawpakkat sin Ulamah sin Ahlu Sunnah Wal Jamaa). Kiya-ingatan yan sin manga sila amuin nakapangadji' sin Uslul Fiq.
2.) Daing ha manga undang-undang sin Khawarij, kupurun nila sarta' halalun nila in dugu' sin Muslim amuin makahinang dusa dakula'.Duun hayan matarrang in Aqida iban undang-undang sin Ahlu Sunnah Wal Jamaa in hambuuk Muslim bang nakahinang dusa dakula', in siya kanganan siya Muslim sabab sin pag-iman niya pa ALLAH sabab sin lima waktu niya, sa' maitung siya fasiq sabab sin pagma'siyat niya. Di' kufurun iban Halal in dugu' nila ha Ahlu Sunna Wal Jamaa.
Hangkan daing ha manga sabab nagbanda' in Nabi(salawat iban salam kaniya) ha hadith pa bahasa sinug: Bang kaw nabunu' sin Khawarij mabilang kaw daing ha manga Afdal(labi maraw) parang sabil. Kiyarawat da idab ha kitab Assunan hi Annasai iban hi Ibnu Majah.
قول شيخ الإسلام ابن تيمية:" ليس لأحد أن يكفر أحدا من المسلمين وإن خطأ وغلط حتى تقام عليه الحجة ، ".
Laung hi Ibnu Taymiya: Wayruun kapatut sin hambuuk manusiya' amuin kafurun niya in hambuuk daing ha manga Muslim, misan pa siya nasa' atawa kan nalaung sahingga mabut maun kaniya iban mapatarrang in kasabunnalan sin sara' sin ALLAH.
Manga taimanghud namu' ha Agama Islam, subay natu' pangadjiun marayaw in Qur'an iban Hadith sin Nabi(salawat iban salam kaniya) sarta' labay daing ha pamaham sin manga Ulamau Ussalaf. Mayta' namu' siyabbut in manga tumpukan yan? In jawab sabab aun daing ha manga Tau di ha hula' natu' bihayan in Aqida nila iban papanaw nila.
Laung hi Ibnu Taymiya: Wayruun kapatut sin hambuuk manusiya' amuin kafurun niya in hambuuk daing ha manga Muslim, misan pa siya nasa' atawa kan nalaung sahingga mabut maun kaniya iban mapatarrang in kasabunnalan sin sara' sin ALLAH.
Amu yan in daing ha manga undang-undang sin manga Tau khariji(khawarij). Na!, apabila kaw nakakita' Tau bihaini in panindug niya iban diyara niya in undang-undang, Na!, halli kaw, sabunnal tuud in siya yan nagdara Aqida sin manga Khawarij.
Manga taimanghud namu' ha Agama Islam, subay natu' pangadjiun marayaw in Qur'an iban Hadith sin Nabi(salawat iban salam kaniya) sarta' labay daing ha pamaham sin manga Ulamau Ussalaf. Mayta' namu' siyabbut in manga tumpukan yan? In jawab sabab aun daing ha manga Tau di ha hula' natu' bihayan in Aqida nila iban papanaw nila.
Mura-murahan lappasan kitaniyu sin Tuhan daing ha manga kangian nila.
