Tungud ha tagainup ha Rasul

Pangasubu:

Magasabar Ako

     Assalamu alaykum manga palanggungan ku ha agama islam, iban na sin kaguruhan natu' mulliya ha tiranan. Bayta' bunnal magbassa-bassa sadja aku ha manga sila magpangasubu iban manga jawab sin kaguruhun natu' mulliya. Sung sadtu aku mangsubu sa' masipug aku adakala hinang-hinang ku sadja. 

    Amu sadtu manga tymanghud ku ha agama islam, aun laung pangasubu ku bang unu in maksud makatagainup kita ha 

Rasulullah (

sallallahu alayhi wassalam). Ha laum indan ku aun tau nagbayta', laung niya; yan na in Rasul, in tau yaun halaum indan ku in pamakay niya biya' sin pamakay nakauna ha waktu nagjihad in manga ummat sin Rasul 

(

sallallahu alayhi wassalam) puti' manga badju', mahaba', ubus aun tau dimatung di' ku kakilahan in dagbus atawa kan di' hikatugila' basta in pamakay niya isab puti' lungbus katan, aun diyungou ku Suwara halaum indan ku upat(4)(QUL). Mabaya' in aku dumungud ha sual ku. Alhmdulillah tumagad aku kaniyu sin jawab ha manga kaguruhan ta mulliya. Kasilasa saplag ha taymanghud ku agama islam..

Jawab:

Najs Sarail Tahir

     Wa alaykum mussalaam wa rahmatullaahi wa barakaatuhu..SubhanaALLAH!!! Malingkat isab in pangasubu mu ini Tuwan, subay pindahan na in ngan mu yan Pa Jimakpat aku bukun na Magsabar aku..

Sabab maita? 

     Yari in kabtangan sin tiyagainup yan tainghugi. An Abi Hurairata (radiyallahu an) Qala Rasulullahi sallallahu alayhi wassalam; "MAN RAA`NIY FIL MANAMI FAQAD RAA`NIY FAINNAS SHAITA`NA LA YATAMASSALU BIY".

(rawahu Muslim) 

                                                                                                                                                                                                   In ma'na sin hadith: Daing kan Abi huraira (kiyaridaan siya sin ALLAH) laung niya, Nagsabda in Rasul (

sallallahu alayhi wassalam): Hisiyu-siyu in kita' niya aku ha katugan, tiyagainup niya aku, tantu tuud kita' niya aku mattan, sabab in shaitan way gaus nila magpasalupa kaku', di' nila magaus lumukat sin dagbus ku. ( Riyawat daing kan Muslim)

An Abi Qatada: Anna Abi Huraira Qa'la(radiyallahu an) : SIMIHTU RASULALLAH YAQUWLU (MAN RAANIY FIL MANAMI FASAYARANIY FIL YAQZATI AW LAKAANNAMA RAA`NIY FIL YAQZATI,LA YATAMASSALUS SHAITA`NU BIY.. (rawahu Bukhari wa Muslim)

     Ma'na sin hadith: Daing kan Abi Qatada( kiyaulungan siya sin ALLAH) Sabunnal tuud in Abi Huraira nagsabda; Laung niya diyungug ku in 

Rasul (

sallallahu alayhi wassalam) nagkabtangan lawng niya: Hisiyu-aiyu in kiata' niya aku ha katugan tiyagainup niya aku, sung daku kakitaan niya pagbati' niya, atawa biya' daku sin kita' niya ha waktu siya bati', di' tuud magpasalupa in shaitan biya' kaku'. ( Riyawat daing kan Bukhari iban Muslim)

     Di ha hadith ini amuin ha kabtangan sin 

Rasulullah(

sallallahu alayhi wassalam) "Sung da aku kakitaan niya pagbati' niya atawa biya' da aku sin kita' niya ha waktu siya bati' ". Laung sin manga ULAMAH natu' tuw(3) in salassayan niya di:

1. In hika isa laung nila in maksud di hati niya amusadja in maga Muslim ha jaman niya yattu amuin manga Muslim waypa nakapaghijra atawa ha dugaing sila kawman amuin wala' nila pa kikita in 
   Rasulullah (
   sallallahu alayhi wassalam). Daing ha sabab yaun bang tiyagainup nila in 
   Rasul (
   sallallahu alayhi wassalam) na! tantu makapaghijra sila sampay kakitaan nila magbalharap sila iban sin 
   Rasulullah(
   sallallahu alayhi wassalam).
2. In hika duwa laung sin manga Ulamah lamud na hi Imam Nawawiy,  in ma'na laung nila sin kabtangan sin 
   Rasulullah (
   sallallahu alayhi wassalam) di, hati niya kakitaan da sin tau nanagainup yaun in 
   Rasulullah (
   sallallahu alayhi wassalam) ha adlaw Qiyama't biya' sin kakita' sin katan Ummat niya ha adlaw yadtu, adlaw Qiyama't sibu' da ki-ta' nila di ha dunya iban wala'.
3. In hika Tuw laung nila kakitaan sin Tau nanagainup yaun in 
   Rasul (
   sallallahu alayhi wassalam) ha adlaw mahuli amuin tartantu sadja kaniya, hati niya labi-labi na(special) magbalharap sila iban 
   Rasulullah (
   sallallahu alayhi wassalam), iban mahasil sin Tau nanagainup yaun in Sapaat sin Nabi
   (
   sallallahu alayhi wassalam) ha adlaw mahuli.

   Adapun in mga sipat sin 

Rasulullah (

sallallahu alayhi wassalam) kakitaan ha tagainup hambuuk na in nasabbut mu yan Tuwan Jimakpat aku, amuin namamakay siya sin Badju' Puti' biya' kahantang pamakay sin manga Arab nakauna, iban Kakitaan mu Puti' na in Pungut niya. Upama, in manga iyan daing ha manga sipat sin 

Rasulullah (

sallallahu alayhi wassalam).

       Adapun ha Diyungug mu Surah upat(4) QUL yadtu di' aku makagaus mamaita' bang unu in maksud didtu, way panghati ku. Adapun n sura upat(4) QUL yan daing ha maga sahalga'-halga' sura halaum Qur`an amuin nasasakup sin panawhiri pa mahatinggi "ALLAH" ( Subhanahu wa ta'ala). Masha`ALLAH piyaksaan nakaw Tuwan shamba san in magpaka tagainup bihan. ALLAHU AHLAM BISSAWAAB.. Sahawihun man sin manga Guru natu' iban ganapan.