Pangasubu:
Shem Salialam
Assalamualaykum saplag ha tranan pa manga Guru iban na sin manga tarbilang. Sual, pa manga guru kalasahan gagandilan. Hal sin pagzakat, aun biyutang kaku bulawan, namus kaku siyn, hawnu in zaktan ku didtu bulawan atawa siyn? Magsukul kasilasa kaniyu katan.
Jawab:
Ibn Shaakir
Wa alaykum mussalam wa rahmatullahi wa barakatuhu. Muna-muna in Shurut (conditions) sin pagzakat, amuna in manga ini:
- الحرية : Mahardika' (limaya), bukun wajib in zakat ha tau iypun.
- امتلاك النصاب: Hati niya, subay mabut in Nisab sin alta' zakatan niya.
- استقرار الملكية : Hati niya, subay tumattap in pagmilik niya sin alta' niya, maksud niya, wayruun kapatutan sin manusiya' duun ha arta' niya, in arta' yaun kaniya tuud.
- مضيى الحول على المال : Subay abutan atawa mabut in hawl (libut) duun ha arta' niya zazakatan (hangka tahun), in hantang niya bang kaw nakapagzakat ha bulan ramadhan limabay, ha ramadhan susungun ini bang mabut da in nisab sin alta' mu subay da kaw mgzakat.
In Nisab, amuna in halga'(amount) Zakatan ha Siyn/ Bulawan/ Pilak (silver), which is 85 grams sin bulawan (of Gold ) atawa present equivalent amount bang hi convert pa Cein. Apabila miyabut na in Hawl (libut) hangka tahun (1 year) in savings mu miyabut atawa limabi na daing ha Nisab(idda), (hati niya, maghalga(worth) na siya 85 grams of gold pa taas), WAJIB mu siya zakatan 2.5 %.
Upama niya(for instance):
Bang sawpama in tiyatau'(savings) mu iban sin bulawan(Golds) mu (tiyatau' di' pag-usalun) miyabut na Php. 1,000,000, in zakat niya 1M x 0.025= Php. 25,000 in zakat niya.
Bang sawpama in Arta' niyu magtataud pa, na', sakahaba' tahun Wajib kaymu magzakat, bistahun( i-compute ) mu in total amount sin savings mu multiplied by 2.5 %. Bang sawpama in Arta' mu di' mabut pa Nisab, wayruun na kaw kiyawajiban magzakat. In mga piyapakay mu as personal, di' siya maka-agad zakatan. Hi ungsud mu in zakat mu pa mga sila Faqeer iban sin Miskin balhajat, manjari mu hitukbal pa Ina' Ama' mu, taymanghud mu, iban sin kakampungan mu Miskin, sila in mapatut tukbalan muna sin zakat mu bang sila Miskin.
Adapun ha tungud sin pangasubu mu tuan Shem Salialam, dih mu manjari zakatan in bulawan piyamutang kaymu karna' in siya bukun mu pagmilik. Adapun in alta' kiyabus mu kaniya damikkiyan, dih na hikalamud zakatan, karna' kiyapaguwa' mu na siya sarta' nausal na. In mawajib kaymu zakatan, amuna in altah tiyatauh mu.
Wallahu a'lam bissawab.
