Tungud pagsaddiya ha bulan RAMADAN

Pangadjian:

Najs Sarail Tahir

ALHAMDULILLAAHI RABBIL A`LAMEEN WAS SALA`TU WASSALA`MU ALA ASHRAFIL ANBIYA`I WAL MURSALEEN..

Mahuli salam iban kasilasa pa katan..

Biyahdiin in pagsampang natuh ha BULAN RAMADAAN.?

Iban unu in mga sarayaw rayaw labayan hinangun hipanampang ha bulan mullia.?

Munamuna mapatut ha Muslim in subay magtagama iban subay dih malipas ha mga musim sin pag taat pag ibadat pa ALLAAH SWT iban subay siya mag-us-us maglumbah lumbah humasil sin karayawan hibuhsug sin ALLAAH SWT ha mga Musim yan, hambuuk dayn ha mga MUSIM sin pag ibadat Amuna in Bulan magdaratung katuh niyu bulan Putih bulan Mullia bulan Mahabarakat bulan Pagjajakpatan sin Bar-iman amuna in BULAN RAMADAAN..

Dihayni awn hangpuh mga labayan wasiylah subay natuh hisampang ha Bulan Ramadaan..

1:)ADDU`AUH BIAN YUBALLAGAKALLAHU SHAH`RA RAMADANA WA ANTA FI SEHHATIN WA A`FIYATIN..

Panagnaan tariqa:
Panginduwaa mu Pa Allaahu taala amuin paabutun niya kaw pa Bulan Ramadan in ikaw halawm kasalamatan, kalasigan iban kasay salamat dayn ha katan sakit ibn mudarat hasupaya in ikaw halawm sin kusug ibn gaus humasil sin ibadat salagguh2x biyah sin PAMUASA, SAMBAHAYANG FARDUH, SUNNAT, TARAWEH, TAHADJUD, PAGBASSA QUR`AN, PAG ZIKIR iban na sin kaibanan,
di hayni nasabbut ha hadith dyn kan ANAS Rdh lawng niya In kawwnan sin RASUL SAW apabila sumud na in bulan RAJAB lawng niya:
ALLAAHUMMA BA`RIK LANA FI RAJAB WA SHAHBAAN WA BALLIG NA RAMADAANA.. (rawahu Ahmad wat Tabaraaniy)Lathoiful Maarif..

Lawng sin Rasul ha mahna sin duwaa:
ya ALLAAH papagbarakata kamu in bulan rajab iban sha`ban iban pa Abuta kami pa bulan Ramadan..

In kaawnan sin mga SALAFUS SA`LEH manginduwaa sila pa Allaah swt amuin paabutun sila pa Bulan Ramadan ibn manginduwaa bng man taimaun kanila in mga Ammal Ibaadat nila halawm sin bulan Ramadaan yaun..

2:)AL-HAMDU WAS-SHUKRU ALA BULUWGIHI..

In hikaduwa:
Pamudji sataudtaud amuin mapatut ha kabasaran sin Mahatinggi ALLAH iban pag sukul sataud taud sin piya Abut niya kita ha bulan Ramadan..
Lawng hi imaam NAWAWIY Rh:
ingata sabbunnal 2ud siyunnat ha hisiyu siyu in datungan nehmat bahgu atawa malappas dayn ha bahaya mudarat amuin sumujud siya SUJUD SHUKUR sujud pagsul pa ALLAHU TAALA..
Di hayni mapatut kaw magsukul sataud taud sin piya Abut kw cin ALLAH pa Nehmat salagguh2x amuna in bulan Ramadaan, hika sabab sin kahasil mu sin kaampunan, Ulung kasi sin ALLAH SWT..

3:)AL-FARAHU WAL IBTIHAAJU..

In hikatu subay mu hinangun..
Amuin subay kaw magkug kuyag hapag datung sin bulan Ramadaan,
nasabbut ha hadith ahkrajahu AHMAD,
in kaawnan sin Rasul saw Pakugun niya in mga sahabat niya sin habal pagdatung sin bulan Ramadan lawng niya:
JA`AKUM SHA`RU RAMADAAN...
(ila Akhiril hadith)
dimatung lawng na kaniyu in bulan Ramadaan, adapun in bulan Ramadaan bulah mahabarakat nagdara sin barakat piyardu sin ALLAH kiniyu in Pamuasa kaniya,iban ha bulan yan Ukabun in kalawanglawangan sin Surgah iban Tambulun in kalawang lawangan sin Api Narka jahannam..
Dih kakaw kugan sin bihan.?hawnu pakaw maglasig2x magkug kuyag puas dayn han?

4:)AL-AZMU WAT TAKHTIYTUL MUSBIQU LIS TIFA`DATI MIN RAMADAAN..

In hika Upat subay mu hinangun:
pang-gawguti sin Pangatayan mu iban pagtagama mu pagplano mu sin mga hinangun mu amuin biyahdiin in kapusuh kahasil mu sin kapaiddahan ha Bulan Ramadan ini,

upama niya lawng mu ha bulan Ramadan ini maka upat ku tammatun bassahun in QUR`AN pataurun ku in Sunnat,zikir, duwaa ku, magtaat aku kan inah ibn kan Amah sumiyum aku Tuktuk nila kahaba ku ubus sumambahayang atawa uwih dayn hpag tarawihan.. In mga ini Ammal salagguh2x subay muna plan0hun..

Sumagawa lawng sin Arab ALA ASAFIS SHADEED amuin makasusa masakit pikilun in kamatauran muslim bng bhaini magdaratung na in Bulan Ramadan in Pag handaan pagtagamahan planuhun bang Unu in Pagbukaan, Pagsahulan,bng Unu in mga kakaun Masarap bihuun, bng unu in mga babang hinangun, bng Unu in mga lamay masarap kaunun..dimatung in bulan Ramadan dyn ha mga maksud nya hasupaya Puh puUn in Napsu cin tau, in mga dayahan hasupaya nila kananaman n kyananaman cin mga miskin kailu magsandal hapdi.. Lubak sin kita tabiyah yaun in lamayta ha bukun bulan Ramadan istah Panit, pagdatung sin Bulan Ramadaan lawng ta ha bulan Ramadan ini subay Sapih sadja ibn Manuk in lamay subay ibn sadjja agal agal niya kaginisan na in Asal halawm pikilan ta, atas mangutang sumandah mag loan hasupaya madawhat ta in mga parakala yaun..
In mga ini wayra sah niya sumagawah ayaw ta palibuhun dyn sin Parakalah pagmasusa ta bng Unu in ibadat Ammal subay ta Pataurun..
5:)AL-AZMUS SA`DIQU ALA IGTINA`MI AWQA`TIHI BIL AH`MAALIS SA`LEHATI..

In hika lima subay ta hinangun:
amuin pang gawguti sin pangatayan hapag parihala sin mga waktu sin bulan Ramadan ini hapag Ammal Saleh pag hinang Marayaw pag pataud sin ibadat pag taat pa ALLAAH SWT..

Muramurahan Pa Abutun kita nyu pa BULAN RAMADAN salamat dyn hakatan Mudarat hasupaya luhaya kita nyu magpataud maglumbah lumbah mag Ammal ibadat..

Patubtubun kuna sadja di sugpatan ku man INSHA`ALLAAH..!