Pangasubu:
Ibn Najar
Assalamu alaykum wa rahmatullahi wa barakatu..Mabaya' sadja aku tuan humati bang unu in maksud sin hadith ini, "Man sama ramadan imanan wahti saban gofira laho mataqaddama min dzanbi". In pangasubu tuan unu in dusa nakauna nasabbut amun ampunun sin Allahu ta'ala, dusa asibi' kan atawa amun dusa dakula'? Salam kasilasa pa katan kaguruhan agad na in tarbilang (members) ha tiranan sin S&J. Jazakumullahu khair..
Jawab:
Ibn Shaakir
Wa alaykumusslam wa rahmatullahi wa baraktuhu tuan Ibn Najar.
In maksud sin Hadith yan, ampunun sin Allahu Ta'aala in mga Dusa Asibi' sadja, way lamud in Dusa dakula'. In Dusa dakula', ampunun siya sin Allahu ta'aala, bang niya piyagtaubatan sin pagtaubat mattan, di' na tuud pag-isab isaban.
Na, in mga Dusa Asibi' ktan nahinang ta, mapapas siya katan, malayingkan awn sarat (condition), ha hadith sin Rasulullahi (sallallahu alayhi wasallam):
Riwayat daying kan Abiy Hurayrah (radiyallahu anhu), Dayin ha Nabiy (sallallahu alayhi wasallam) nagkabtangan siya:
)الصلوات الخمس و الجمعة الى الجمعة و رمضان الى رمضان مكفّرات لما بينهنّ اذا اجتنبت الكبائر) متفق عليه
Hati niya: " In sambahayang lima waktu, iban sin sambahayang jumaat pa jumaat, iban pagpuasa ha Ramadhan pa Ramadhan, mamapasi sin unu-unu dusa (asibi') ha uwtan nila bang man liyayu-an niya in mga dusa dakula' (in sharat way nakalanggal dusa dakula')" Naghambuuk in duwa Imam (Bukhariy iban Muslim)
Hati niya, ampunun sarta' papasun sadja kaniya in mga dusa Asibi' ha uwtan sin Ramadhan pa Ramadhan, apabila iyaniban niya in mga Dusa dakula', wayruun siya himinang. Hangkan subay natu' tuud aniban in mga dusa dakula' (biya' na sin Pag-inum alak, pag ganda ribah, pagzinah, pagshirik, mangatu ha duwa Maas, manakaw etc.), sabab in siya awn had niya diy ha Dunya, sarta' awn tungbas siksa' ha adlaw Akhirat, malayingkan bang siya nagtaubat pa Allahu ta'aala sin pagtaubat di' na pag-isab isaban, biya' na sin nasabbut ha taas.
Sa' in problema, awn dayin ha mga manusiya' ubus magtaubat, yadtu na isab nagma'siyat, himinang na isab dusa dakula', biya'diin in ka-ampun kaniya sin Allahu ta'aala bang bukun bunnal in pagtaubat niya?!. Na', suby tuud in pagtaubat natu' mattan, hasupaya kita niyu ampunun sin mahasutsi Allahu ta'aala.
Wallahu a'lam bissawab.
In maksud sin Hadith yan, ampunun sin Allahu Ta'aala in mga Dusa Asibi' sadja, way lamud in Dusa dakula'. In Dusa dakula', ampunun siya sin Allahu ta'aala, bang niya piyagtaubatan sin pagtaubat mattan, di' na tuud pag-isab isaban.
Na, in mga Dusa Asibi' ktan nahinang ta, mapapas siya katan, malayingkan awn sarat (condition), ha hadith sin Rasulullahi (sallallahu alayhi wasallam):
Riwayat daying kan Abiy Hurayrah (radiyallahu anhu), Dayin ha Nabiy (sallallahu alayhi wasallam) nagkabtangan siya:
)الصلوات الخمس و الجمعة الى الجمعة و رمضان الى رمضان مكفّرات لما بينهنّ اذا اجتنبت الكبائر) متفق عليه
Hati niya: " In sambahayang lima waktu, iban sin sambahayang jumaat pa jumaat, iban pagpuasa ha Ramadhan pa Ramadhan, mamapasi sin unu-unu dusa (asibi') ha uwtan nila bang man liyayu-an niya in mga dusa dakula' (in sharat way nakalanggal dusa dakula')" Naghambuuk in duwa Imam (Bukhariy iban Muslim)
Hati niya, ampunun sarta' papasun sadja kaniya in mga dusa Asibi' ha uwtan sin Ramadhan pa Ramadhan, apabila iyaniban niya in mga Dusa dakula', wayruun siya himinang. Hangkan subay natu' tuud aniban in mga dusa dakula' (biya' na sin Pag-inum alak, pag ganda ribah, pagzinah, pagshirik, mangatu ha duwa Maas, manakaw etc.), sabab in siya awn had niya diy ha Dunya, sarta' awn tungbas siksa' ha adlaw Akhirat, malayingkan bang siya nagtaubat pa Allahu ta'aala sin pagtaubat di' na pag-isab isaban, biya' na sin nasabbut ha taas.
Sa' in problema, awn dayin ha mga manusiya' ubus magtaubat, yadtu na isab nagma'siyat, himinang na isab dusa dakula', biya'diin in ka-ampun kaniya sin Allahu ta'aala bang bukun bunnal in pagtaubat niya?!. Na', suby tuud in pagtaubat natu' mattan, hasupaya kita niyu ampunun sin mahasutsi Allahu ta'aala.
Wallahu a'lam bissawab.
