Pangasubu:
salam awn ako pangasubu makadjari baha in mag tooth bonding? magsukul
Jawab:
Bismillaahi walhamdulillaah was salaatu was salaamu 'alaa rasuwlillaah
In basic principle ha cosmetic/dental atawa unu-unu na procedure: Bang in maksud ha karna' awn salla'/abnormality subay dayawun atawa taga-sakit subay igan/ganti'an atawa hikamudaarat subay dayawun/ganti'an naa' wayru'un saa' niya, in daleel amuna in hadeeth kiyabayta' ha tungud sin hambu'uk usug piyaganti'an sin rasuwlullaah sallallaahu 'alayhi wa sallam in ilung niya bulawan ha karna' in pag-usalun niya piyangganti' niya ha ilung niya na'utud ha pagbunu'an ha jaman sin jaahiliyya hinang dayng ha pilak, naa' magkahalu'/magbahu', kiyariwaayat in hadeeth yan ha Tirmidhiy, Abu Daawud, Nasaa'iy sarta' miyarayaw hi Imaam Al-Albaaniy rahimahullaah.
Misan bulawan manjari hipangganti' bang saupama wayru'un duga'ing mapatut hipangganti' ha taga-salla' ya'un, malaingkan bang awn duga'ing naa' di' ra manjari ganti'an sin bulawan bang ha ka'usugan.
Adapun bang in procedure yan hinang ha karna' hipagpalingkat atawa hipagganap sin lingkat naa' di' manjari, hiyaram sin sara'! ha karna' di' manjari pindahan in piyapanjari sin Allaah, hisiyu-siyu in maminda sin piyapanjari sin Allaah naa' suku' niya in la'nat sin Allaah, wal-iyaadhubillaah.
Wallaahu a'lam bissawaab.
In basic principle ha cosmetic/dental atawa unu-unu na procedure: Bang in maksud ha karna' awn salla'/abnormality subay dayawun atawa taga-sakit subay igan/ganti'an atawa hikamudaarat subay dayawun/ganti'an naa' wayru'un saa' niya, in daleel amuna in hadeeth kiyabayta' ha tungud sin hambu'uk usug piyaganti'an sin rasuwlullaah sallallaahu 'alayhi wa sallam in ilung niya bulawan ha karna' in pag-usalun niya piyangganti' niya ha ilung niya na'utud ha pagbunu'an ha jaman sin jaahiliyya hinang dayng ha pilak, naa' magkahalu'/magbahu', kiyariwaayat in hadeeth yan ha Tirmidhiy, Abu Daawud, Nasaa'iy sarta' miyarayaw hi Imaam Al-Albaaniy rahimahullaah.
Misan bulawan manjari hipangganti' bang saupama wayru'un duga'ing mapatut hipangganti' ha taga-salla' ya'un, malaingkan bang awn duga'ing naa' di' ra manjari ganti'an sin bulawan bang ha ka'usugan.
Adapun bang in procedure yan hinang ha karna' hipagpalingkat atawa hipagganap sin lingkat naa' di' manjari, hiyaram sin sara'! ha karna' di' manjari pindahan in piyapanjari sin Allaah, hisiyu-siyu in maminda sin piyapanjari sin Allaah naa' suku' niya in la'nat sin Allaah, wal-iyaadhubillaah.
Wallaahu a'lam bissawaab.
