رومي خو
assalamualaykum pah tuwan, awn pangasubu ku ha tungud sin ayat ,
"wahuwa maakum ayna ma kuntum".
pasawaha kamu.
Jawab dainkan:
Tuwan Tadjuk Lawihan
Wa alaykumus salam...
In ma'ana niya " IN SIYA (ALLAH) SARTAH NIYU HA UNU-UNU NA KAMU TAMPAT "
In ayat ini namaytah in Allahu Ta'ala sartah sin manga piyapanjari niya, in hatiniya sakup sin ilmuh niya in sabarang piyapanjari niya..
In ilmuh sin Allahu Ta'ala bukis kaniya in katan piyapanjari kaingatan niya in ghaib iban matampal, jimatu iban walah jimatu iban sin sung pa pajatuhun..
In manga tumpukan nalalaung miyahnahan nila in ayat ini in JAT sin Allahu Ta'ala simasartah ha katan piyapanjari, nah in ini aqeedah batal biyah sin aqeedah sin kaibanan sufi's,
Ampa in aqeedah sin ahlus sunnah wal jama'ah in agi nila in Allahu Ta'ala nananaimababaw ha arash niya mahabassar ampa in ilmuh niya saplag ha katan piyapanjari..
Allahu Ta'ala a'lam
