Unu in Inah sin Qur'an?

Pangasubu:

Ie Man 

Assalamu alaykum wa rakhmatullahi wa barakatuhu.. Aun ini sual sin kami manga Guru namu' mulliya. Unu in inah sin Qur'an? Salam iban kasilasa kanyu katan. Shukran.

Jawab:

Sansibal Jamahali

Wa alaykum mussalam wa rakhmatullahi wa barakatuhu...Bismillah, In suratul Fatihah mataud in pagtawag kaniya, daing ha manga ngan sin Suratul Fatihah:

1. FATIHATUL KITAB - ngiyanan siya sin Rasul (sallallahu alyhi wasallam) ha sabab in Fatihah pangukaban sin sambahayang iban pangukaban sin Qur'an.
2. UMMUL KITAB
3. UMMUL QUR'AN
4. SAB'U MATHANI - Ngiyanan siya sin Rasul (sallallahu alayhi wasallam) ha sabda niya : (ا قرأتم الحمد فأقرءوا بسم الله الرحمن الرحيم إنها أم القرآن وأم الكتاب والسبع المثاني.ـ) Apabila kamu mamassa Alhamdu bassa kamu bismillahirrahmanirrahim siya na in UMMUL QURAN (inah sin qur'an) iban UMMUL KITAB, iban siya na in SAB'U MATHANI
5. ALKAFIYA - ngiyanan sya alkafiya sabab mamarahi na siya bassahun ha sambahayang misan di' na mabassa in kaybanan Surah.

Yan in hadith matampal sin Rasul (sallallahu alayhi wasallam) in nag ngan sin Suratul Fatihah UMMUL QUR'AN...

Laung hi Imam Bukhari : Ngiyanan in Fatihah "UMMUL QURAN" atawa "UMMUL KITAB" sabab in fatihah siya in panagna'an nakasulat ha mus-hap (Qur'an), iban damikkiyan in Fatihah siya in panagnaan bassahun ha sambahayang, 

Aun bayta' in sabab sin pag-ngan kaniya sabab sin in katan ma'na sin tibusan sin Qur'an yaun na nalangkum ha laum sin Suratul Fatihah. In lu'un sin Qur'an di' na makaguwa' daing ha Aqeeda, Sharia, iban Qissa. In tuw(3) usulan yanna nakabutang ha Suratul Fatihah hangkan na siya tiyawag UMMUL QUR'AN.

*روى الإمام عن أبي هريرة عن النبي صلى الله عليه وسلم أنه قال في أم القرآن:(هي أماالقرآن,وهي السبع المثاني,وهي القرآن العظيم). Nag sabda in Rasul (sallallahu alayhi wasallam) ha tungud sin Fatihah UMMUL QUR'AN ( siya na in ummul Qur'an, siya na in sab-u matha'ne, siya na in Qur'anul azeem). 


*وروى أبو جعفر محمد بن جرير الطبري عن أبي هريرة عن رسول الله صلى الله عليه وسلم قال:(هي أم القرآن,وهي فاتحة الكتاب,وهي السبع المثاني Kiyariwayat hi Ibno Jarer Attabari hadith dyaing kan Abi Hurayra daing ha Rasul (sallallahu alayhi wasallam) nagsabda sya : ( siya na in ummul qur'an, siya na in fatihatul kitab, siya na in sab-u matha'ni).

Wallahu ahlam...