Pangasubu:
AsSalamualaykum yah tymangud q agma islam awn hadja manyu tyu eni pangaxubu cn aq . . Mg maaf da kman . . . Unu bha mg dusa kta ah wla kta namaid ah duwa maAx cn amuin mangadji sabb sawpama y run kta pyapangadji sin maAx ubus n aq smulang ah duwa maAx cn aq n aq byan mangadji ra byan amuin tpuk ah wla pangengat cn maAx q nangadji aq ?? Mg maaf da kman mga guru namu kalasahan .. . Sukran ah pg jawab . .
Jawab:
Bismillaahi walhamdulillaah was salaatu was salaamu 'alaa rasuwlillaah.
In pagta'at ha duwa ma'as hambu'uk dayng ha mga salaggu'-laggu' parkala' ha aagama puwas sin pagtawheed ha Allaahu Ta'aalaa, biya' na farman sin Allaah:
وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَبِّ ارْحَمْهُمَا كَمَا رَبَّيَانِي صَغِيرًا – سورة الإسراء 22-23
Iban nagda'ak in Tuhan mu (Muhammad) sin ayaw kamu magtag-iypun malaingkan tuput tunggal Kaniya, iban ha duwa maas magmarayaw, apabila lima'as in hambu'uk daing kanila ruwa ha hadarat mu atawa (lima'as sila) karuwa (ha hadarat mu), naa' ayaw kaw mamung kanila ruwa "uff" iban ayaw mu sila bissarahi sin bissara makasla, iban pamung kaw kanila ruwa sin himumungan marayaw. Iban baba'a kanila ruwa in pikpik pagpatikuwpu' daing ha ulung (mu kanila ruwa), iban pamung(panginduwa'a) kaw Ya Tuhan ku kalasahi sila karuwa biya' sin pagpalihala' (kalasa) nila karuwa kaaku' ha waktu ku sibi'-sibi'.
Suwra Al-Israaa' 22-23
Malaingkan tumubtub in pagta'at ha duwa ma'as iban ha hisiyu-siyu na siyara' sin Allaah pagta'atan bang in pagta'at kanila hikapagma'siyat na pa Allaahu Ta'aalaa, sabda sin rasuwlullaah sallallaahu 'alayhi wa sallam:
لا طاعة فى معصية الله إنما الطاعة فى المعروف
Wayru'un pagta'at du'un ha pagma'siyat pa Allaah, bunnal tu'ud wayru'un pagta'at malaingkan du'un ha hinang marayaw (siyara' sin Allaah) [Saheeh Al-Bukhaariy, bayta' dayng kan 'Aliy bin Abiy Taalib radiallaahu 'anhu]
Bang saupama timapuk kaw nangadji' ha karna' liyang kaw sin duwa ma'as mu mangadji' naa' in ini wayru'un saa' niya, sabab in panglaangi nila ya'un langgal sara' iban ma'siyat pa Allaah di' sila manjari pagta'atan.
Adapun in labi marayaw naa' bang awn ga'us mu dahun mu magbissara in duwa ma'as mu ha kalabbiyan sin pagtuntut ilmu' ha aagama atawa duma kaw hambu'uk guru magsalassay sin pagpangadji' ini, atawa tumali' kaw hambu'uk tareeqa/technique bang biya'di'in in hikasampay sin panghati ha tungud sin kalabbiyan sin pagtuntut ilmu' ha duwa ma'as mu, sambatan sin anggalis if there is a will there will be many ways! :)
Ayaw kaw mabuga' mama'id kanila ha karna' in hinang mu bukun magma'siyat, duwa'ahi in duwa ma'as mu bang man sila hidayatan sin Allaah, bang man magsupport sila ha pagpangadji' mu.... mayta' bang magsud sini wayru'un na pagbaid? wayru'un daysab maglaang! Allaahu Al-Musta'aan.
Malaingkan bang mahinang sasaw/hilu-hala' in pagbaid naa' way saa' misan di' na mama'id iban di' na magpahati, biya' na sin sambat, in pagta'at ha hinang ima'atap ha sara' sin Allaah.
Wallaahu A'lam bissawaab.
Bismillaahi walhamdulillaah was salaatu was salaamu 'alaa rasuwlillaah.
In pagta'at ha duwa ma'as hambu'uk dayng ha mga salaggu'-laggu' parkala' ha aagama puwas sin pagtawheed ha Allaahu Ta'aalaa, biya' na farman sin Allaah:
وَقَضَى رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُلْ رَبِّ ارْحَمْهُمَا كَمَا رَبَّيَانِي صَغِيرًا – سورة الإسراء 22-23
Iban nagda'ak in Tuhan mu (Muhammad) sin ayaw kamu magtag-iypun malaingkan tuput tunggal Kaniya, iban ha duwa maas magmarayaw, apabila lima'as in hambu'uk daing kanila ruwa ha hadarat mu atawa (lima'as sila) karuwa (ha hadarat mu), naa' ayaw kaw mamung kanila ruwa "uff" iban ayaw mu sila bissarahi sin bissara makasla, iban pamung kaw kanila ruwa sin himumungan marayaw. Iban baba'a kanila ruwa in pikpik pagpatikuwpu' daing ha ulung (mu kanila ruwa), iban pamung(panginduwa'a) kaw Ya Tuhan ku kalasahi sila karuwa biya' sin pagpalihala' (kalasa) nila karuwa kaaku' ha waktu ku sibi'-sibi'.
Suwra Al-Israaa' 22-23
Malaingkan tumubtub in pagta'at ha duwa ma'as iban ha hisiyu-siyu na siyara' sin Allaah pagta'atan bang in pagta'at kanila hikapagma'siyat na pa Allaahu Ta'aalaa, sabda sin rasuwlullaah sallallaahu 'alayhi wa sallam:
لا طاعة فى معصية الله إنما الطاعة فى المعروف
Wayru'un pagta'at du'un ha pagma'siyat pa Allaah, bunnal tu'ud wayru'un pagta'at malaingkan du'un ha hinang marayaw (siyara' sin Allaah) [Saheeh Al-Bukhaariy, bayta' dayng kan 'Aliy bin Abiy Taalib radiallaahu 'anhu]
Bang saupama timapuk kaw nangadji' ha karna' liyang kaw sin duwa ma'as mu mangadji' naa' in ini wayru'un saa' niya, sabab in panglaangi nila ya'un langgal sara' iban ma'siyat pa Allaah di' sila manjari pagta'atan.
Adapun in labi marayaw naa' bang awn ga'us mu dahun mu magbissara in duwa ma'as mu ha kalabbiyan sin pagtuntut ilmu' ha aagama atawa duma kaw hambu'uk guru magsalassay sin pagpangadji' ini, atawa tumali' kaw hambu'uk tareeqa/technique bang biya'di'in in hikasampay sin panghati ha tungud sin kalabbiyan sin pagtuntut ilmu' ha duwa ma'as mu, sambatan sin anggalis if there is a will there will be many ways! :)
Ayaw kaw mabuga' mama'id kanila ha karna' in hinang mu bukun magma'siyat, duwa'ahi in duwa ma'as mu bang man sila hidayatan sin Allaah, bang man magsupport sila ha pagpangadji' mu.... mayta' bang magsud sini wayru'un na pagbaid? wayru'un daysab maglaang! Allaahu Al-Musta'aan.
Malaingkan bang mahinang sasaw/hilu-hala' in pagbaid naa' way saa' misan di' na mama'id iban di' na magpahati, biya' na sin sambat, in pagta'at ha hinang ima'atap ha sara' sin Allaah.
Wallaahu A'lam bissawaab.
