Pangasubu:
Assalamu alaykum warahmatullah pakatan kiya kasihan sin Allah....Aun ini pangasubu mabayah namoh hatihun, halan sin hambouk daing katoh niyO Ummat Muslim, mag surrender ha satrO amun hibabah mo in panji mo magad kaw mag patindog sin panji nila, unu in hukuman katoh sin Allah...?
Jawab:
wa alaykumus salam... Amah Maas in mattan bar-iyman hambuuk da in pagsurendelan niya amura in Allahu Ta'ala, hangkan siya ngiyanan Muslim iban Islam in Agama sabab in ma'ana sin Islam amuna in pagmalillah (Surrender), pagmalulus,pagpatikupuh iban panundan ha kabayaan sin Allahu Ta'ala, nah in Muslim siyana in Nagmamalillah (nagsusurender) nagmamalulus, nagpapatikupuh iban timutundan ha kabayaan sin Allahu Ta'ala, apabila kaw simurender pa manusiyah alhasil nagpatikupuh kaw kaniya iban timundan kaw hakabayaan niya, nah tantu naruwa na in iyagaran mu..... misan bihayattu in tungud pagsurender pa satruh jiyari sin Agama Islam ha kahalan amuin naglanduh na in sigpit, sah laung sin manga Ulamah in MASABIL kaw amuyattu in labi apdal... piyagdalil sin manga Ulamah ha pangjarihi nila ha pagsurender pa satruh amuna in nahinang sin manga Sahabat ha Yawmur Raji' ha waktu nalibut sin satruh in pitu atawa unum sahabat (radiyallahu anhum) sakali in tuw sahabat walah nagsurender atas sila nagpasabil, ubus in tuw isab nagpasaggaw sila hatiniya simurender sila pa satruh sah in hambuuk imatu sampay naabil da siya.. duun haini duwa ra kuman in nakapin halaum lima sin satruh, misan bihayattu in pagsurender nila walah nila BIYABAH in pagkaMuslim nila iban walah miyagad in pangatayan nila, in had niya ha waktu sila bibinsanah dih sila magridah in Nabi Muhammad (saw) makananam sin kabinsanaan biyah sin niyanam nila.. amuini in jiyari sin manga Ulamah.. ampa in pangasubu mu amuin magsurender magad magpatindug sin panji sin satruh nah in yan NAGRIDAH na ha pamarinta sin satruh, bang siya nagridah na awun waktu halalun niyana in hiyaram sin Allahu Ta'ala sambil taymanghud niya Muslim kaunun niya na..nah mabilang na siya ha tumpukan sin manga Kapir.. wallahu a'alam
