Pangadji'an dain kan :
Tuwan Fahad Haris ( Ibn Haris )
SARAT SIN PAG-TAWBAT
TAYMANGUD KU MUSLIM INGAT KAW SABUNNAL TUUD IN ALLAHU TA’ALA BAING KASIHUN LAGIH BAING AMPUNUN HA MANGA IPUN NIYA , SIYA IN MANGANGAMPUN HA MANGA IPUN NIYA .
DAMIKKIYAN NIYA INGAT KAW SABUNNAL TUUD IN HINANG MAHSIYAT HAMBUKK SIYA DAING HA MANGA SABAB HIKAMULKAH IBAN HIKASIKSAH KAYMU SIN TUHAN , IBAN HAMBUUK SIYA SALAGGUH -LAGGUH DALUKAH PA TUHAN , SUMAGAWAH APABILA NAG-TAWBAT KAW PA TUHAN SIN TAWBAT SABUNNAL , MINSAN PA BIYADDIIN IN TAUD SIN DUSA MU AMPUNUN NIYA RA KAW
فيقول الرسول صلى الله عليه وسلم: ((التوبة تهدم ما كان قبلها والإسلام يهدم ما كان قبله) أخرجه مسلم في كتاب الإيمان، باب كون الإسلام يهدم ما قبله برقم 121 بلفظ: "أما علمت أن الإسلام يهدم ما كان قبله وأن الهجرة تهدم ما كان قبلها".
SABDA SIN NABIY SALAWAT IBAN SALAM KANIYA SIN ALLLAH : IN PAGTAWBAT HIKAAMPUN SIN DUSA NAHINANG NAKAUNA , IBAN IN AGAMA ISLAM APABILA SIMUD IN MANUSIYA PA AGAMA YAN AMPUNUN KANIYA IN DUSA NIYA NAKAUNA .
IN PAGTAWBAT DAING HA MANGA DUSA TIRANAN HIKADAWHAT SIN KASANYANGAN IBAN PARUNTUNGAN HA FARMAN SIN ALLAHU TA’ALA
يقول سبحانه: ( وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ) سورة التوبة، الآية 31.
PAGTAWBAT KAMU PA ALLAH KATAN YA KAMU MANGA NAMAMARATSAYA , MURA-MURAHAN MAGPARUNTUNGA KAMU .
DAING HA SABAB YAN WAJIB KAYMU MAGTAWBAT SIN PAG-TAWBAT SABUNNAL PA ALLAH , SARTAH PATATTAPUN MU IN KA IKHLAS KANIYA .
IN PAG-TAWBAT SABUNNAL PA ALLAH HIKAPAPAS SIYA SIN DUSA IBAN HIKA AMPUN SIYA SIN MANGA MAHSIYAT SUMAWAGAH AUN SARAT NIYA WAJIB MU SIYA HINANGUN HASUPAYA MABUNNAL IN PAG-TAWBAT MU .
YARI IN ATURAN IBAN SARAT SIN PAG-TAWBAT SABUNNAL
1. SUBAY MU PAGSUSUNAN SIN PAG-SUSUN SABUNNAL HA MANGA DUSA NAHINANG MU LIMABAY IBAN NAKAUNA .
2. SUBAY MU DIH NA HINANGUN IN MNAG DUSA NAHINANG MU DUUN NAKAN DUSA DAKULAH ATAWA KAN ASIBI .
3. SUBAY MU TUUD PATANTUHUN IBAN PAGAWGUTUN HALAUM PANGAYATAN MU SIN DIH MUNA BALIKAN IN DUSA NAHINANG MU .
BANG SAWPAMA AUN DUSA MU PAPAGKAHI MU MANUSIYA DUUN BIYAH NA SIN NAKAKAWAH KAW SIN ALTAH NIYA , WAJIB MU HIBALIK KANIYA , BANG SAWPAMA NAKAPASAKIT KAW KANIYA WAJIB KAW MANGAYUH KAMAAPAN KANIYA , ATAWA KAN MAGPAKISAS SIN HAW NIYA DUUN KAYMU …
BANG SAWPAMA NIYA LIMUT MU SIYA ATAWA KAN TUYUHUMA MU SIYA SIN MANGIH WAJIB KAW MANGYUH KAMAAPAN KANIYA , MALAINGKAN BANG SAWPAMA NIYA MALAGGU IN KAMUDARATAN APABILA BIYAYTAAN MU SIYA SIN LIMUT MU SIYA , DUUN HAKAHALAN YAN IN HINANGUN MU PANGAYUAN MU SIYA KAAMPUNAN PA ALLAH , SARTA SABBUTUN MU SIYA SIN MANGA KARAYAWA NAHINANG NIYA DUUN HA HADARAT SIN MANGA MANUSIYA LIMUT MU SIYA .
TUMTUMA IN TUTUNGBASAN SIN ALLAH HA MANGA SILA NAGTAWBAT SABUNNAL KANIYA HA FARMAN NIYA
قال الله تعالى : (أُوْلَئِكَ جَزَآؤُهُم مَّغْفِرَةٌ مِّن رَّبِّهِمْ وَجَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا وَنِعْمَ أَجْرُ الْعَامِلِينَ) سورة آل عمران، الآية 136
IN MANGA MANUSIYA NAG-TAWABT SABUNNAL SILA NA YATTU IN TUNGBASAN SIN KAAMPUNAN DAIN HA TUHAN NILA , IBAN MAKADAWHAT SIN KASURGAH-SURGAAN NAG-AANUD IN MANGA KASUBAH-SUBAAN HALAUM NIYA , IBAN TATTAP NA SILA DUUN HALAUM NIYA AMU NAYAN IN SARAYAW –RAYAW TUTUNGBASAN HA MANGA NAGTAWBAT PA ALLAH .
MURA MURAHAN ANUGHARAAN KITANIYU SIN PAG-TAWBAT PA ALLAH HA DIH PA KITANIYU DAGPAKAN SIN KAMATAY SARTAH BANG MAYAN NIYA TAMMATUN IN KABUHIH NATUH SIN HINANG MARAYAW SARTAH BANG MAYAN PALAPALUN NIYA KITA SIN LA ILAHA ILLA ALLAH HA HINAPUSAN SIN NAPAS NATUH DAIN DI HA DUNYA .
ALLAHUMMA AMIN ! AMIN 1 AMIN ..
