Ibn Shaakir
سم الله الرحمن الرحيم
السلام على الصادق المصدوق صلى الله عليه وسلّم القائل في سنّته المطهّرة : ( أعظم النساء بركة أيسرهنّ صداقا) وعلى آله وأصحابه ومن دعا بدعوته واستنّ بسنّته إلى يوم الدين
قال النبي الكريم عليه الصلاة والسلام (أعظم النساء بركة أيسرهن مؤنة ) رواه أحمد (6/145
Mabaya' namu' sadja i-share pa kabbun2x natu' ini, in dayin ha mga pangasubu sin kataymanghuran tagna'.
Sabda sin Nabiy ( Sallallahu Alayhi Wasallam )
" In sataud-taud barakat daing ha manga kababaihan amuna in mababa' in kyaungsud kanila ". ( Kiyariwayat hi Ahmad, Vol. 6, page 145 )
Ha hambuuk bayta': " In Sarayaw-rayaw ungsud ha babae amuna in ungsud maluhay ". ( Hakim, Vol. 2, page 182. )
Pangasubu: Bang sawpama kunu' aun makagaus umungsud mataas, unu yadtu, nakasulang na ha sunnah sin Rasulullahi ( Sallallahu Alayhi Wasallam ) atawa kan wayruun na barakat niya?.
In jawab, di' siya makasulang ha sunnah sin Rasulullahi (sallallahu Alayhi Wasallam) iban di' kitaniyu makajari mag-iyan in pag-asawa sin tau yaun wayruun barakat niya.
In taud sin MAHAR way tiyugila' sin Sara’ ( no limitation ) misan pa pila million in ungsud, damikkiyan in had niya pa babah, wayruun da isab tiyugilah sin sara’ ( no limitation ). Makadjari mataud makajari sarang-sarang, makadjari da isab tiyuh-tiyuh.
Maytah way tiyugila' sin sara’ in MAHAR (ungsud)? Hangkan way tiyugila' sabab in usug nagbibidda'-bidda' in hal nila, aun dayahan, aun sarang-sarang in kabuhianan niya, aun isab miskin. Hatiniya depende ha kahalan sin usug, in ini tanda' sin in sara’ sin Islam tumup siya hakatan manusiyah,tumup hakatan waktu iban tumup hakatan lugal.
Unu in Daleel ( Basis ) sin manjari pataasun in Ungsud? Dunguga niyu marayaw in parman sin Allahu taala hasupaya wayruun pagduwa-ruwa niyu sarta’ dungdungi niyu marayaw.
قال تعالى : ( وَآتَيْتُمْ إِحْدَاهُنَّ قِنْطَارًا فَلا تَأْخُذُوا مِنْهُ شَيْئًا أَتَأْخُذُونَهُ بُهْتَانًا وَإِثْمًا مُبِينًا)( سورة النساء : 20 ) الآية
“ Even if ye had given the latter a whole treasure for dower, Take not the least bit of it back: Would ye take it by slander and manifest wrong? ” ( Al-Qur'an, 004.020 (An-Nisa)
Jiyari sin Allahu Ta'aala in dumihil mataas MAHAR ( Ungsud ) in Usug pa Baba-i, sabab in kalimah ( word ) قِنْطَارًا " Alta' mataud ". Amu ini in dalil ( Basis ) hi Imam Al-qurtubiy, amuin makajari pataasun in MAHAR ( Ungsud ).
Laung hi Muadz (Radiyalllahu anhu): in Qintaar 1100 ounce.
Damikkiyan in Khadeejah ( radiyallahu anha ) iyungsuran sin Rasulullahi (Sallallahu Alayhi Wasallam) 20 camels.
انظر : السيرة النبوية ، لأبي فارس ، ص 122 ، و تهذيب سيرة ابن هشام لعبد السلام هارون ص 38
Ha hambuuk Riwayat (narration of hadith) 12 ounce and one-half gold, piyapaghambuuk sin kaibanan ulama’ in duwa Riwayat ha tungud sin MAHAR (ungsud) sin Khadeejah (radiyallahu anha) in 1st yadtu amuin 20 camels dain ha Rasulullah (sallallahu Alayhi Wasallam) in 2nd amuin 12 ounce and onehalf gold dain ha bapah niya Abutalib.
1 once = 40 dirham, 12 and one-half once = (480) dirham.
خاتم النبيين : لأبي زهرة 1/ 206- 207
Damikkiyan in Ummu Habibah Bint Abi Sufyaan (radiyallahu anha wa anhu) iyungsuran siya sin King of Ethiopia (an-najashi) ha ngan sin Rasulullah (sallallahu Alayhi Wasallam) 400 dinar, or 4,000 dirham.
انظر : الإصابة لإبن حجر ج 12/261 ، وسيرة أعلام النبلاء للذهبي ج 2/222
Bang sawpama imiyan kita niyu sin way barakat in mataas Ungsud, biya' da sin saka-ula ula in pag-asawa sin Rasulullahi (sallallahu Alayhi Wasallam) wayruun barakat niya?. Sabab, nakaungsud siya mataas, biya’ na sin nasabbut natu’ ha taas. Damikkiyan aun dayin ha mga Sahabat nakaungsud mataas. In yadtu (mataas in ungsud) tanda' sin panglaggui ha babae lagi'-lagi' bang in babae yan mataas da isab in pagkatau niya, in kitaniyu mga bangsa kausugan marara namu' na kamu subay ra isab papagtupun natu' iban sin pagkatau sin babae lagi'-lagi' bang aun da isab hikagaus taniyu, in ini dain ha mga sunnat da isab sin panghu' natu' Muhammad (Sallallahu Alayhi Wasallam).
Sumagawa' bang in usug miskin, di' makagaus umungsud mataas ampa pangayuan sin maas sin babae ha di' niya kagausan, amu yadtu in miyaksud sin Rasulullahi ( Sallallahu Alayhi Wasallam ) kulang in barakat niya. Kamu kababa-ihan subay niyu ra isab lilingun niyu in kahalan sin Usug, bukun isab sawkat na nagpangasawa kaniyu, sukatan na sin indaginis susukatan. Bang sawpama in kausugan siyukatan mga 10 sapih, 100 karut bugas, atawa 5 kumpul bulawan, iban unu-unu pa, awn pa kiyatayinghugan ku sambil jambatan sin Lansa siyukat ( Hahahaha makabuga’, hinangan ku siya jambatan lituk :p ), na bang in usug miskin andu’ umatras na kailu, di’ na maka-asawa. Sabab, piyasigpitan niya in usug ha di’ kagausan. Nasabbut ha Hadith sin Rasulullah ( Sallallahu Alayhi Wasallam ):
" Hisiyu-siyu makapaluhay sin kasigpitan sin hambuuk tau dii ha dunya, paluhayun sin Allahu Taala in kasigpitan niya ha adlaw Mahuli ". Ha sabab yadtu, tumaud in barakat sin pag-asawa niya, sabab sin pagpaluhay sin dan pa kabayaan sin Allahu Taala.
Nah, bang in Baba-i Saalehah lapay na in maas, di’ yan magtali’ ha halga’ sin susukatan. In mahalga’ kanila amuna in pag-agama iban pangaddatan sin Usug Marayaw. Misan in Ungsud hangka-suwrah dayin ha Qur-an bang way na tuud alta’ sin Usug, taymaun nila ra. Allahu Akbar!.
Subay natu' ba mga taymanghud singuran in zaman sin Rasulillahi ( Sallallahu Alayhi Wasallam ) iban mga kasahabatan niya, misal niya, hadeeth sin Rasulillahi ( Sallallahu Alayhi Wasallam ):
Daing kan Sahl bin As-saaidy: [ Dimatung in hambuuk babae pa Rasulullah (Sallallahu Alayhi Wasallam) laung niya: " Ya Rasulallah sabunnal tuud hirihil kuna in ginhawa baran ku kaymu, sambil malugay timindug in babae ini wayruun sambag sin Rasulullah (Sallallahu Alayhi wasallam), Timindug in hambuuk usug laung niya: " Ya Rasulallah paasawahan na kakuh bang dih da kaw maghajat kaniya, laung sin Rasulullah (sallallahu Alayhi Wasallam): " Aun hika-ungsud mu kaniya? Laung niya: " Wayruun malaingkan yari in izaar (wraparound) atawa sawwal ku ". Laung sin Rasulullah (Sallallahu Alayhi Wasallam): Bang mu yan hirihil kaniya wayruun na hipagtamung mu,{ فَالْتَمِسْ شَيْئًا }, sa' lawag kaw unu-unu na, laung niya: wayruun tuud. Laung sin Rasulullah (Sallallahu Alayhi Wasallam): " {الْتَمِسْ وَلَوْ خَاتَمًا مِنْ حَدِيد} Tuyuh kaw lawag misan dakuman singsing basih ", limawag na in usug wayra nakabak. Laung sin Rasulullah (Sallallahu Alayhi Wasallam): " Aun mahapal mu dain ha Qur'an? Laung niya: " huun aun, mahapal ku in surah ini, ngiyanan niya na in surah yadtu. Laung sin Rasulullah (Sallallahu Alayhi Wasallam): " Sabunnal papagtiyaunun ta na kamu ha unu-unu na in mahapal mu daing ha Qur'an]. ( Muwattah Ibn Maalik, vol.4, page29 ).
Ya salaam! What wisdom is it!? Malingkat pakarayaw in pagdialogue ini!? Maytah bukun malingkat? Maytah bukun marayaw? Sin siya in nagdara hikmat, siya in makahati ha kahalan sin manusiya'.
Wallahi, subay tuud sumingud in kamaasan sin babae ha salingkat-lingkat suntuan amuna in panghu' natu' Muhammad (Sallallahu Alayhi Wasallam), wayruun pa-guyan taniyu, bang kitaniyu mabaya' da sumanyang, sumanyang in kaanakan natu', makalayu' sila dain ha pangaddatan malummi' (zina) subay natuh tuud dih pahunitan in mga kausugan, bang aun mabaya' ha anak taniyu asubuhun taniyu: pila in kagausan mu? unu in aun kaymu makadjari hipag-ungsud mu? Bang wayruun Alta' niya unu-unu na sadja aun ha usug yan bang man isab aun halga' niya atawa aun kamumpaatan niya, bang wayruun na tuud Altah kabakan niya makadjari na unu-unu na in mahapal niya dain ha Qur'an, Hatiniya: hinduan niya in asawa niya sin Qur'an in bayad sin lugtuh niya amuna yadtu in gantih ungsud niya. sabab jiyari sin katan ulama' (religious schoolars) malaingkan Imam Hanafi.
Aun marayi' makatawakkal maas sin baba-i bihan in pangasubu ha kausugan? Atawa, in asubuhun aun da 200,000th atawa 500,000th mu? Aun da hinang mu, atawa aun da pag-usaha mu? Subhanallah.
