بسم الله الر حمن الر حيمالحمد لله رب العالمين، والصلاة والسلام على رسول الله صلى الله عليه وسلم وعلى آله وأصحابه وأتباعه و أحبابه أجمعينأما بعدالسلا م عليكم ورحمة الله تعالى وبركاته.
Landu' na tuud in pangasubu sin manga taymanghud natu' dain ha Philippines, diy ha Middle east iban hariin-diin na binaybayan (tampat) parsababan sin pagsaplag ha hula' natuh sin pag bana sin mga kababaihan muslimah ha mga usug nasa-ra' (Christians) dayin ha sabab ini mabaya' kami mapatarrang (in hukuman) sin damikkiyan yan ha shara' sin Agama Islam hasupaya mapalatun pa dugaing bahasa sarta' mapamahalayak pa katan bangsa Islam.
1.) Pangasubo:
Unu in hukuman sin pagbana sin babae muslimah ha usug kafir duun na ka (Christian atawa Buddhist, Jews, atawa hindus atawa agama dain ha ka-agamahan sin mga kufur) sarta' iban dalil niya?
Jawab: In pagbana sin babae muslimah ha usug bukun muslim sibu' da in ka-awnan niya nasrani atawa yahudi atawa unu-unu na agama ha kaa-gamahan sin kuffar, in yan HARA'M ha ijma' (paghambuuk) sin katan muslimeen ha parman sin Allahu Subha'nahu wa Taa'la, ha suwratul mumtahinah ayat hangpu' ( verse:10):
قال الله تعالى:(...فاءن علمتموهنّ مؤمنات فلا ترجعوهنّ الى الكفار لا هنّ حلّ لهم و لا هم يحلون لهنّ) سورة الممتحنة، آية 10
Hati niya: "Na' bang niyu kiya-ingatan in sila yan (mga kababaihan) bat mga muslimah, ayaw niyu sila uli-an (hibalik) pa mga kafir, sabab di' sila (in mga babae muslimah) mahalal kanila (ha mga ka-usugan kafir) damikkiyan in mga sila yan (kausugan kafir) di mahalal kanila (in mga kababaihan muslimah)" (Surah Al-Mumtahina, ayat 10)
Damikkiyan ha parman sin Allahu Taala: ha suwratul BAQARAH, ayat (221):
قال الله تعالى:(و لا تنكحوا المشركات حتى يؤمنّ ولأمة مؤمنة خير من مشركة و لو أعجبتكم، و لا تنكحوا المشركين حتى يؤمنوا و لعبد مؤمن خير من مشرك و لو أعجبكم..) سورة البقرة، آية 221
In hati niya: " Sarta' ayaw niyu papag-asawahun in kausugan niyu muslim (mu'min) ha mga kababa-ihan magsisirik hingga in sila ( kababa-ihan mushrikat) magparatsaya (pa allahu taa'la iban hinangun niya in katan diyaakan niya sarta' lumayu' ha katan piyanglangan niya), adapun in hambuuk banyaga' (ata) mu'minah labi marayaw dayin ha babae magsisirik misan pa mahaylan kamu sin pagkatao niya, damikkiyan ayaw niyu papag-banahun in kababa-ihan niyu muslimah (mu'minah) ha mga kausugan magsisirik hingga in sila (kausugan magsisirik) magparatsaya (pa allahu taa'la iban hinangun niya(mushrik) in katan diyaakan niya(allahu taa'la) sarta' lumayu' ha katan piyanglangan niya), adapun in hambuuk banyaga' (ata) mu'min labi marayaw dayin ha usug magsisirik misan mahaylan kamu sin pagkatao niya (sambil pa hinapusan sin ayat) ". (Surah Al-Baqara 221)
Na' in yan parakala' wayruun na pag-arubintu kaniya, wayruun na pagtungkakali ha hukuman niya sarta' wayruun na pagsagga', apabila mahinang sin hambuuk babae muslimah in damikkiyan yan, wajib (kaniya atawa ha maas niya iban sin katan kakampungan niya) in subay sila magtuy butasun, in babae muslimah amuin nakabana usug kafir sabab in siya (babae muslimah) bukun halal kaniya, sarta' in jima' (love making) niya maitung ZINA (fornication), iban in pangugkug niya ha babae muslimah HARA'M. Wayruun khilaf (discussion) sin mga ulama' (Islamic scholars) ha parkala' yan.
Na' wajib ha mga kataymanghuran kababa-ehan muslimah in magmabuga pa (Allahu Subha'nahu wa Taala) Azza Wa Jalla, sarta' subay nila tuud umiran (halli-an) in pagbana ha hisiyu-siyu kafir misan unu pa in agama niya hingga in sila magparatsaya (ha katunggal sin Allahu Taa'la huminang sin diyaakan iban lumayu' ha katan piyanglangan niya). Iban hisiyu-siyu in nakapagbana na kafir subay niya tuud butasan saruun-duun (immediately) sabab in pagkawin nila di' tayma-un sin shara' sin agama islam. Apabila ma-awn na ha usug mushrik in magparatsaya (ha katunggal sin Allahu Taa'la huminang sin diyaakan iban lumayu' ha katan piyanglangan niya) tulus ikhlas karna' sin Allahu Taa'la ha pangatayan niya, makadjari na sila taymaun sin babae muslimah. Sumagawa' biyuli-an sin Allahu taa'la in usug atawa babae bar-eiman na asal labi marayaw dayin sin sila (mushrik babae/usug ampa sung magparatsaya).
2.) Pangasubo:
Iban unu in hukuman apabila in babae muslimah masi- masi na mayan nag hahambuuk iban sin usug kafir misan kiyaha-hatihan niya na in hukuman ha shara' sin ISLAM?
Jawab: In hukuman niya, in babae yan maitung na "ZAANIYAH" (babae magzizina) manjari na hi butang kaniya in hukuman sin magzina, apabila makagaus in namarinta (nagdara Shara') hibantang in hudud (shara), na' in babae yan subay rajamun (tilu-un) sin bato sambil mapatay (stone to death).
3.) Pangasubo:
Unu in hukuman sin pana-ayun (dihil izin) sin wali sin babae muslimah ha pagbana niya ha usug kafir?
Jawab: HARAM ha wali sin babae muslimah yan ha pagdihil niya izin, sarta' ma-ig na daing kaniya in haq (kapatut) mag wali, apabila niya nahinang, mabilang na siya fa'siq (mangliliyu-lakad ha shara' sin islam).
4.) Pangasubo:
Unu un hukuman sin pagkawin ha babae muslimah ha usug nasrani (Christian atawa unu-unu na agama biya' sin nasabbut ha panagna-an) iban sin pagsaksi' (to witness) ha pagkawin nila?
Jawab: Di' tuud makadjari in sumaksi' ha pagkawin nila (usug kafir iban babae muslimah), in katan sin pagsulutan ha antara' nila HARAM, in pagsaksi' kaniya HARAM, sabab in pagsaksi' ha parkala' ini dayin ha ran pagtulung- tabang ha kasa-an iban parbantahan, dayin ha sabab yan nagmanyatakan bunnal tuud in Nabi Muhammad (sallallahu alayhi wasallam) liya'nat (cursed) niya in kumaun sin Ribah, nagwakil kaniya, in duwa sumaksi kaniya, iban sin simulat kaniya, bihan da isab in kajarihan sin pagkawin nila (magpatilibun kita niyu ha damikkiyan yan). Farman sin Allahu Subha'nahu wa Taa'la dalil sin di' manjari in pagta-ayun ha kasa'-an iban sabab hikapag banta ha unu-unu na pakaradja'-an:
1.) Pangasubo:
Unu in hukuman sin pagbana sin babae muslimah ha usug kafir duun na ka (Christian atawa Buddhist, Jews, atawa hindus atawa agama dain ha ka-agamahan sin mga kufur) sarta' iban dalil niya?
Jawab: In pagbana sin babae muslimah ha usug bukun muslim sibu' da in ka-awnan niya nasrani atawa yahudi atawa unu-unu na agama ha kaa-gamahan sin kuffar, in yan HARA'M ha ijma' (paghambuuk) sin katan muslimeen ha parman sin Allahu Subha'nahu wa Taa'la, ha suwratul mumtahinah ayat hangpu' ( verse:10):
قال الله تعالى:(...فاءن علمتموهنّ مؤمنات فلا ترجعوهنّ الى الكفار لا هنّ حلّ لهم و لا هم يحلون لهنّ) سورة الممتحنة، آية 10
Hati niya: "Na' bang niyu kiya-ingatan in sila yan (mga kababaihan) bat mga muslimah, ayaw niyu sila uli-an (hibalik) pa mga kafir, sabab di' sila (in mga babae muslimah) mahalal kanila (ha mga ka-usugan kafir) damikkiyan in mga sila yan (kausugan kafir) di mahalal kanila (in mga kababaihan muslimah)" (Surah Al-Mumtahina, ayat 10)
Damikkiyan ha parman sin Allahu Taala: ha suwratul BAQARAH, ayat (221):
قال الله تعالى:(و لا تنكحوا المشركات حتى يؤمنّ ولأمة مؤمنة خير من مشركة و لو أعجبتكم، و لا تنكحوا المشركين حتى يؤمنوا و لعبد مؤمن خير من مشرك و لو أعجبكم..) سورة البقرة، آية 221
In hati niya: " Sarta' ayaw niyu papag-asawahun in kausugan niyu muslim (mu'min) ha mga kababa-ihan magsisirik hingga in sila ( kababa-ihan mushrikat) magparatsaya (pa allahu taa'la iban hinangun niya in katan diyaakan niya sarta' lumayu' ha katan piyanglangan niya), adapun in hambuuk banyaga' (ata) mu'minah labi marayaw dayin ha babae magsisirik misan pa mahaylan kamu sin pagkatao niya, damikkiyan ayaw niyu papag-banahun in kababa-ihan niyu muslimah (mu'minah) ha mga kausugan magsisirik hingga in sila (kausugan magsisirik) magparatsaya (pa allahu taa'la iban hinangun niya(mushrik) in katan diyaakan niya(allahu taa'la) sarta' lumayu' ha katan piyanglangan niya), adapun in hambuuk banyaga' (ata) mu'min labi marayaw dayin ha usug magsisirik misan mahaylan kamu sin pagkatao niya (sambil pa hinapusan sin ayat) ". (Surah Al-Baqara 221)
Na' in yan parakala' wayruun na pag-arubintu kaniya, wayruun na pagtungkakali ha hukuman niya sarta' wayruun na pagsagga', apabila mahinang sin hambuuk babae muslimah in damikkiyan yan, wajib (kaniya atawa ha maas niya iban sin katan kakampungan niya) in subay sila magtuy butasun, in babae muslimah amuin nakabana usug kafir sabab in siya (babae muslimah) bukun halal kaniya, sarta' in jima' (love making) niya maitung ZINA (fornication), iban in pangugkug niya ha babae muslimah HARA'M. Wayruun khilaf (discussion) sin mga ulama' (Islamic scholars) ha parkala' yan.
Na' wajib ha mga kataymanghuran kababa-ehan muslimah in magmabuga pa (Allahu Subha'nahu wa Taala) Azza Wa Jalla, sarta' subay nila tuud umiran (halli-an) in pagbana ha hisiyu-siyu kafir misan unu pa in agama niya hingga in sila magparatsaya (ha katunggal sin Allahu Taa'la huminang sin diyaakan iban lumayu' ha katan piyanglangan niya). Iban hisiyu-siyu in nakapagbana na kafir subay niya tuud butasan saruun-duun (immediately) sabab in pagkawin nila di' tayma-un sin shara' sin agama islam. Apabila ma-awn na ha usug mushrik in magparatsaya (ha katunggal sin Allahu Taa'la huminang sin diyaakan iban lumayu' ha katan piyanglangan niya) tulus ikhlas karna' sin Allahu Taa'la ha pangatayan niya, makadjari na sila taymaun sin babae muslimah. Sumagawa' biyuli-an sin Allahu taa'la in usug atawa babae bar-eiman na asal labi marayaw dayin sin sila (mushrik babae/usug ampa sung magparatsaya).
2.) Pangasubo:
Iban unu in hukuman apabila in babae muslimah masi- masi na mayan nag hahambuuk iban sin usug kafir misan kiyaha-hatihan niya na in hukuman ha shara' sin ISLAM?
Jawab: In hukuman niya, in babae yan maitung na "ZAANIYAH" (babae magzizina) manjari na hi butang kaniya in hukuman sin magzina, apabila makagaus in namarinta (nagdara Shara') hibantang in hudud (shara), na' in babae yan subay rajamun (tilu-un) sin bato sambil mapatay (stone to death).
3.) Pangasubo:
Unu in hukuman sin pana-ayun (dihil izin) sin wali sin babae muslimah ha pagbana niya ha usug kafir?
Jawab: HARAM ha wali sin babae muslimah yan ha pagdihil niya izin, sarta' ma-ig na daing kaniya in haq (kapatut) mag wali, apabila niya nahinang, mabilang na siya fa'siq (mangliliyu-lakad ha shara' sin islam).
4.) Pangasubo:
Unu un hukuman sin pagkawin ha babae muslimah ha usug nasrani (Christian atawa unu-unu na agama biya' sin nasabbut ha panagna-an) iban sin pagsaksi' (to witness) ha pagkawin nila?
Jawab: Di' tuud makadjari in sumaksi' ha pagkawin nila (usug kafir iban babae muslimah), in katan sin pagsulutan ha antara' nila HARAM, in pagsaksi' kaniya HARAM, sabab in pagsaksi' ha parkala' ini dayin ha ran pagtulung- tabang ha kasa-an iban parbantahan, dayin ha sabab yan nagmanyatakan bunnal tuud in Nabi Muhammad (sallallahu alayhi wasallam) liya'nat (cursed) niya in kumaun sin Ribah, nagwakil kaniya, in duwa sumaksi kaniya, iban sin simulat kaniya, bihan da isab in kajarihan sin pagkawin nila (magpatilibun kita niyu ha damikkiyan yan). Farman sin Allahu Subha'nahu wa Taa'la dalil sin di' manjari in pagta-ayun ha kasa'-an iban sabab hikapag banta ha unu-unu na pakaradja'-an:
(..قال تعالى:( و تعاونوا على البرّ والتقوى و لا تعاونوا على للاءثم والعدوان
Hatiniya: " Iban pagtulung-tabang kamu (ya! kamu Bar-eiman) duun ha hinang marayaw iban ha parkala' hikapagmabuga' niyu (pa Allahu Taa'la), iban ayaw kamu magtulung-tabang duun ha hinang dusa (mangi') iban ha parkala' hikapagbanta-biyantahi niyu (hikapag kuntara niyu)."
5.) Pangasubo:
Unu in tiranan (way) ha shara' amuin maka lappas dain ha pagkawin ba'tal apabila in babae muslimah kiyarizziki-an na mga anak?
Jawab: WAJIB tuud subay na butasun in babae muslimah iban sin usug kafir, sibu' da sila rizziki-an mga anak atawa wala', iban sibu' da in babae muslimah na jima' na sin usug kafir atawa wala', di tuud maharus (HARAM) atawa jarihun in pagkawin yan sa mata-mata. Adapun, ha pasalan sin mga anak nila na' bunnal tuud agad haka ina-an nila iban way kapatut sin kaama-an nila ha pag-ipat (magparuli) kanila, sabab wala' jiyari ha mga kafir in mag-ipat ha muslim. Ha parman sin Allahu Taaala ha suratun Nisah, ayat 141:
قال تعالى:(…و لن يجعل الله للكافرين على المؤمنين سبيلا) سورة النساء، آية 141
Ma'ana niya:" Iban di' tuud paawnun sin Allahu Taa'la ha mga kuffar (wala' nagparatsaya pa allahu taa'la, nanglumpuni (nanabuni) sin kasabunna'lan ha kaba'tilan) ha unu-unu dan hika pagmanja' nila ha mga bar-iman.)" (Surah Nisa 141)
Hati niya: Way kaharus ha mga tao ka-fir in mag-manja' magmahi ha mga sila bar-iman ha unu-unu na pakaradja-an. In pagmanja' nila ini ha tungud pag-agama bang kaw la'ngun nila mag-ibadat atawa magmahi sila bang kaw huminang sin diyaakan sin Allahu taa'la (biya' sin pagsambahayang, pag puasa, pagzakat, pag jihad (ha karna' sin Allah) atawa unu-unu na iba'dat) atawa hinangan kaw instructions sin pag-agama iban sin pag-ibadat mu, ha parkala' ini wayruun kapatut nila lumang atawa magmahi atawa mag instruct kaymu, sabab wayruun pangirab nila sin kahukum-hukuman sin tuhan rabbul alameen.
Dain ha sabab yadtu manga kataw-taymanghuran namu' ha Agama Islam, mapu-as sin kaingat mu sin hukuman sin Allahu Taa'la ha tungud pag bana sin babai muslimah ha usug bukun Muslim, duun ha ini wajib kaymu ya kaw bangsa Fatimah! (lamud na in kausugan) in mangahagari sin pardaakan sin AllahuTaala iban umanib sin katan piyanglangan. Dayin na mayan ha manga panaabbiti sin shaytan iban hawa napsu. Ha hal yadtu, bang in kaawnan sin bana mu bukun Muslim (nagkukufur iban nagsisirik pa Allahu Taala) wajib kaymu in subay mu tuud siya butasan sahingga in siya magparatsaya iban huminang sin katan pardaakan sin Allahu Taala.
Ayaw mu palabiha in lasa mu ha hambuuk manusiya', dayin ha kabayaan sin Allahu taala, iban ayaw kaw masusa ha tungud sin pag butas mu iban sib bana mu, sabab ganti-an da kaymu sin AllahuTaala sin labi marayaw. Sabab in parkala' pag bana sin hambuuuk Muslimah pa usug bukun Muslim, way' tuud jiyari sin Agama Islam in pakaradjaan yan, dain na man ha Qur-anul Kareem iban Sunnah sin Rasulullahil (sallallahu alayhi wasallam) iban na sin pagmaw-pakkat (paghambuuk) sin katan Muslimeen ha dunya ini.
Mahuli, mga taymanghud namu' ha agama islam labi na tuud ha mga kaguruhan namu' di ha site ini, bang awn wala' imamu dayin ha mga kabtangan ku, dayin na man ha tagna' pag post namu' andu' pa-amuha niyu man in yadtu dayin ha mga kasa-an iban kakulang sin panghati ku ha shara' sin mahasutsi Allahu (subha'nahu wa taa'la), iban kamu in labi taga panghati dayin kamu', sarta' mangayu' aku kaampunan pa tuhan rabbul a'lameen, mahuli ha maap sin kamu.
Wallahu Ta'aala A'lam. Wassalamu alaykum warahmatullah
