Fatima Widad Naik
Assalamu alaykum manga kaguruhan. Yari in hambuuk murid niyu mabaya humati. Mangasubu aku laung kaniyu manga tuwan namu', Way ra piyanglangan in usaha MONEY CHANGER? Amuna magsasambi' cein sin manga dugaing-dugaing hula'(country), biya' na sin manga ( D0llar,Dinar,Ringgit iban na sin kaiban)an sambian pa Piso?
Bang sawpama bukun da hiyaram, unu-unu in aturan subay agarun sin tau nagsasambi' cein(money changer)?. Maapa niyu aaku bang bukun matampal in pangasubo ku. kamu na in makahati. Shukran..
Jawab:
Wa alaykum mussalam inda' ha tungud sin pag-sambi sin, apabila sibu' in sin (THE SAME CURRENCY )biya' sin (ex:) 100 pesos (paper) , gantian 95 pesos or 105(coins) nah in ini GANDA RIBA, haram in hukuman. Sabab sibu' in dagbus sin sin(klase sin Money). na subay jukup(sakto) ra isab in Sambi'.
Adapun in ha magsasambi' cein (money changer) magpasambi peso pa riyal atawa unu-unu na manga cein(currency) ha bang man di' magsibu'. In fatwa sin manga ulama' ha tungud ini manjari siya sarta' "HALAL" in usaha yan misan pa nagbidda in taud(amount) sin pagsambi', sabab dugaing-dugaing dagbus(klase) sin cein ha sharat bang man in pagganti' sin cein amuin ha waktu yaun (on the spot) siya. Hatinya di' manjari tahalaun subay gantian sarun-duun.
Wallahu A'lam...
Masawa na in jawab sin Tuwan guru...
Aun sadja hisugpat ku maniyu'-tiyu', biya' na sin agi subay ha waktu yan(on the spot), hatiniya bang ha bahasa sinug MAGSAMA HITUKBAL, di' manjari tahalaun misan dakuman hangka sasaat. In ma'ana sin di' manjari tahalaun subay in nagpaganti' iban sin gimanti' di' makapinda lugal. Upama niya, bang nag kulang in cein sin maggaganti' ubus miyattu siya pa hansipak lugal kimawa' cien, na, in lugay sin waktu niya didtu maitung siya RIBA NA SIYA.
wallahu a'lam...
