tungud pagbahagi sin nausaha

Pangasubu:
Nursiba Allih

     Assalamu alaykum wrahmatullahi wbarakatuhu...Pa manga kaguruhan namu' kalasahan amuin matilusa magjawab ha mga kasual-sualan. Aun ini tuwan pangasubu ku, Aun alta' ku 50,000 piyagpa-usaha ku ha malaggu' tinda(big store) pag ubus kahaba' bulan(every month) magpaka tabuk (received) aku 5,000 usaha sin cein ku yadtu. Unu tuwan di'da yadtu maitung ganda riba in usaha matabuk(received) ku bulan-bulan(monthly) yadtu?allahu a'lam..

Jawab:

Ibn Shaakir

      

Wa alaykumussalam warahmatullahi wa barakatuhu...

     In pagpa-usaha cein pa tau mag-uusaha, in yan way sa' niya. Apabila kamu naghahatihi da asal, bang maka-usaha in cein mu tiyap-tiyap bulan, awn mahasil mu Php. 5,000 (hati niya 10%) bulan-bulan(monthly). Apabila na-awn in parjanji-an ha antara' niyu ha di' pa hikatukbal in cein pa tau mag-uusaha, sa' labi maraw(afdal) bang bukun tutat(fix in amount) piyangayu' mu, hati niya, pila-pila in ma-untung niya pagbahagi-an niyu na sadja. Sabab aun waktu tiyu'-tiyu' in mauntung, awn isab waktu mataud, amu yan in labi marayaw.

     Malaingkan bang nalugi' in mag-uusaha, di' kaw manjari kumawa' sin amount tiyutat mu, sabab sin lugi' siya, way siya naka-untung, kiyahilangan kaagi in capital niya, sarta' hikasigpit kaniya bang mu siya pa bayarun sin halga'(amount) piyangayu' mu.

Wallahu a'lam bissawab...

Kas Sayfuddin 

     Wa alaykum mussalam in usaha yan pagtawagun Almuda-raba. Amuin magsud sila sin kapital nila hipag-usaha.

In ini HALAL siya sa' subay maagad in sharat ini:

1.) Subay bukun tutat(fix) in untung niya. Hatiniya pila-pila in mauntung sin alta' niya amuyadtu in pagbahagian. Aun waktu mataud, aun isab matiyu'. Adapun bang magtutat(fix) laung ta subay 5,000.00 bulan-bulan, na in ini di' manjari sabab adakala in untung sin sein mu mataud dain hayan atawa matiyu. upama(ex.); bang piyagsulutan niyu upama niya 50% in suku' mu bulan-bulan dain ha untung upama niya bang in nausaha halaum hankabulan manga 20,000.00, na in suku' mu 10,000.00, bang isab in na usaha 30,000.00 na in kaymu 15,000.00, biyadtu.

2.) Bang sila nalugi', na lugi' da isab sila karuwa. Hatiniya di' siya manjari kumawa' untung ha waktu yaun, sabab way untung niya ha waktu yaun, sa' gamman nalugi sila. 

Wallahu A'lam...