Dearest Yush'Agony
Assalamu alaykum warahmatullahi wabarakatuhu..Yari na sab aun pangasubu ku manga taymanaghud labi-labi na pa manga kaguruhan natu' ha bilik-bilik ini.. Gatus-ibu TABIYA', MAAP iban AMPUN pa hal sin pangasubo ku ini.
Unu in hukuman ha sila piyaganak babai, sa' in pangatayn nila usog sila (lesbian)?, Iban sin sila usog sa' in ha pangatayan nila babai sila (gay)? Maap bang aun biya' sensitive in pangasubu ku in. mabaya' sadja aku humati ha hal sin ini.
Maap ma yan.. INSHAALLAH kjawaban niyu maraw manga ka' tuwan guru in pangasubu ku ini.. tagaran ku, wassalam..
Jawab:
Falman sin Allahu Ta'ala.
{وَأَنَّهُ خَلَقَ الزَّوْجَيْنِ الذَّكَرَ وَالْأُنثَى} (45) سورة النجم
"IBAN SABUNNAL TUUD SIYA (ALLAHU TA'ALA) IN NAGPAPANJARI HA DUWA MAGLAWAN USUG IBAN BABAI" (Surah An-Najm: 48).
لَعَنَ اللَّهُ الْمُتَشَبِّهِينَ مِنْ الرِّجَالِ بِالنِّسَاءِ وَالْمُتَشَبِّهَاتِ مِنْ النِّسَاءِ بِالرِّجَالِ
"LIYA'NAT SIN ALLAHU TA'ALA IN KAUSUGAN MAGPASALUPA (MANINGUD SINGUD) HA KABABAIHAN, IBAN LIYA'NAT SIN ALLAHU TA'ALA IN KABABAIHAN MAGPASALUPA KALAKKUWAN SIN KAUSUGAN" (Riwayat hi Ahmad)
{وَأَنَّهُ خَلَقَ الزَّوْجَيْنِ الذَّكَرَ وَالْأُنثَى} (45) سورة النجم
"IBAN SABUNNAL TUUD SIYA (ALLAHU TA'ALA) IN NAGPAPANJARI HA DUWA MAGLAWAN USUG IBAN BABAI" (Surah An-Najm: 48).
Ha Agama Islam duwara in jinisan sin manusiya' piyapanjari sin Allahu Ta'ala, Usug iban Babai, aun isab hikatu amuna in ngiyanan sin Sharah "AL-KHUNTHA", In hati sin khuntha amuin bata'-bata' piyag anak duwa in private part niya, panyap sin usug iban panyap sin babai, sa' in ini laung sin manga Ulama' apabila in bata'-bata' ini mangihi' ubus makusug in guwa' sin ihi' niya ha panyap sin babai na' in siya maitung babai, adapun bang makusug in ihi' niya ha panyap sin usug na' maitung siya usug, adapun bang magsibu' in kusug sin ihi' niya gumuwa' ha duwa panyap na' bang siya lumaggu' kitaun isab bang hawnu makusug in shahwat niya.
Ampa in kamatauran ha masa bihayaun in sila usug sa' nagbabai-babai (bantut laung sin bahasa), atawa babai sah nag-usug-usug (tumbuy laung nila), na!, in hukuman niya ha Hadith sin Rasul (saw):
لَعَنَ اللَّهُ الْمُتَشَبِّهِينَ مِنْ الرِّجَالِ بِالنِّسَاءِ وَالْمُتَشَبِّهَاتِ مِنْ النِّسَاءِ بِالرِّجَالِ
"LIYA'NAT SIN ALLAHU TA'ALA IN KAUSUGAN MAGPASALUPA (MANINGUD SINGUD) HA KABABAIHAN, IBAN LIYA'NAT SIN ALLAHU TA'ALA IN KABABAIHAN MAGPASALUPA KALAKKUWAN SIN KAUSUGAN" (Riwayat hi Ahmad)
In ma'ana sin Hadith amuna in kausugan magkalakkuwan iban magnapsu biyah si' napsu babai, amuna in manga BANTUT ha masa bihayaun, damikkiyan babai magkalakkuwan iban magnapsu usug amuna in TUMBUY".
Adapun bang aun usug in pang gaway niya atawa pamanaw-panaw niya malunuk mattu bihayan sa' in napsu niya napsu da. In ini wayruun dusa niya sabab amuna in pagpapanjari kaniya sin Allahu Ta'ala, biya' dasab hayan bang awn babai in pang gaway niya iban pamanaw panaw niya biyah usug ha bukun niya tuurun.
Bang aun anak atawa taymanghud mu biya' sin nasabbut mu yan subay tuud pinturuun dain hakasibi'-sibi' sambil lumaggu' pasalan biya' na sin Nasabbut in manga biya' hayan LIYA'NAT sin Allahu Ta'ala.
Wallahu a'lam..:
