Pangasubu:
Assalamu alaykum mga tuan guruh, awn aq maniyu-tiyu pangasubu...bang sawpama bya kamuh budjang makabana ha way namuh kiya-ingatan di tuwi magsasambahayang in usug, minjari baha mga tuan guru mahinang sabab magpabugit(divorce) in babae?
Wa alaykumus salam.... muna-muna ha dih pa kamu matiyaun iban sin usug subay ra isab ingatun mu bang in usug yan nag-aagama ra, iban subay in maas mu pinian niya kaw sin usug pati Agama iban marayaw addat biyah sin Hadith sin Rasul (saw)Apabila gumaban in hambuuk usug marayaw in pag agama niya iban sin piiil palangay niya nah taymaa niyu siya, bang niyu dih taymaun maawn in pitnah salagguh lagguh (Tirmidhi), ha sabab ini bang mu in usug kiyahahatihan sin dih siya magsasambahayang ha dih pa kamu matiyaun kaawwalan muna sin dih kaw mabayah kaniya, tungud ha pangasubu mu yan bang in usug yan bukun Muslim (Kristiyan) nah wajib kaw lumayuh kaniya, adapun bang in usug yan Muslim sakali dih siya mag Ibadat pa Allahu Ta'ala lawag kaw labayan amuin hikapag ibadat niya biyah sin hipara mu siya magbissara ha manga kaguruhan atawa amah mu atawa unu-ununa tiranan sin makapag ibadat siya... bang kaw napuspus na kumaagi kaniya dih na mayan siya mag ibadat nah wayruun na dugaing source niya dain sin dahun mu magbissara in maas mu iban magsumbung nakaw pa sarah sin parakalah mu.... wallahu a'alam
