assalamualaikum mga kaguruhan.. Aun sana pangasubuhun ku regarding sin pagkubul.. Biyayni kasi situation: in tao ksi ini miyatay just yesterday, tao ini nabalik islam sin father ku.. He find out kasi na ikubul kunu in balik islam ini ha daig sin kubul sin ama nia, ha kubul sin mga kristiyano.. Nag insist in father ku subay kunu ha pamamaraan sin mga muslim kasi nag muslim in tao yadtu.. Pero in family parin cn balik islam in na-agad.. So in sual ku: bang in balik islam kyubul ha pagkubulan sin bakas nia religion, unu maghapen kania? Ijudge kya siya as xtian? Malamud kya in papz ku ha dusa sin family sin balik islam yadtu? magsukul advance ha pagjawab...
Jawab:
Tadjuk Lawihan
Bang mapatay in Hambuuk Muslim wajib siya liguun, saputun iban sambahayangun ampa hikubul.
Bang upama kiyakubul ha walah pa naliguh nah naruwa in kaul sin manga fuqaha', laung sin kaibanan fuqaha' dih na manjari ukayun magbalik bang ubus na ...tiyabunan sin lupah, amuyan in baytah sin manga Ulama' Hanafiyyah iban sin kaibanan Ulama' Shafi'iyyah sartah piyagdalil nila in hadith ha Sahihul bukhari tungud ha panglangi sin Rasul sallallahu alayhi wasallam ha panghinang-hinang ha tau mayat.
Ampa in kaibanan Fuqaha' biyah na sin shafi'iyyah iban Hanabila ha katampalan sin papanaw nila apabila hikakubul in Muslim ha walah naliguh atawa kiyatayammuman nah wajib siya ukayun magbalik ubus ampa liguun, malaingkan bang in patay (mayat) ini najagjag na in baran atawa nahaluh na halaum kubul dih na manjari ukayun balik.
Bang isab hikakubul ha walah pa nasaput, nah in jumhoor (kamatauran ulama') laung nila dih na manjari ukayun magbalik bang ubus na kiyakubul, sabab in ma'ana sin saput amuna in tamingan in mayat dain ha pangatud sin tau buhih nah nahasil na kaniya in pagtaming.
Bang isab kiyakubul ha walah pa nasambahayang laung sin kaibanan ulama' dih na manjari ukayun sah sambahayangun na sadja ha kubul niya, in dalil nila amuna in nahinang sin Rasul sallallahu alayhi wasallam ha hambuuk tau amuin nawapat ha wayruun panghati sin Nabi Muhammad sallallahu alayhi wasallam sakali pag ingat niya siyambahayang niya ha kubul (Bukhari).
Laung sin kaibanan Ulama', bang in mayat yan walah pa napinda in baran niya nah subay siya ukayun sambahayangun, sagawah bang napinda na in baran niya sambahayangun na sadja ha kubul niya..
Source:
Hashiyat Ibn Abideen 1/602, Mughnil Muhtaz 1/366-367, Al-Mughni 2/553-554, Tuhfatul Muhtaz 3/-204-205,
Ha hal sin balik Islam ini (muramurahan iyampun siya sin Allah), bang siya walah naliguh, nasaput iban nasambahayang, ha biyah sin kahalan nasabbut mu nah in kawajiban dakuman ha manga Muslimin in sambahayangun siya ha kubul bang siya walah pa nasambahayang. adapun bang in kawajiban kaniya biyah sin pagliguh, iban pagsambahayang, pagsaput nahinang na kaniya hatiniya hat dakuman siya kiyubul ha pangubulan sin manga Kristiyan nah in yattu ha kiyapag hambuukan sin manga Ulama' haram hikubul in hambuuk Muslim ha pangungubulan sin manga dugaing Agama sabab sin matanhud siya sin siksah sin manga kapir halaum kubul nila.
Ampa in hal hi amah mu bang siya nagmatuyuh hikubul in balik Islam ini ha pangungubulan sin manga Muslim sakali dih mabayah in family sin balik Islam ini subayra ha pangungubulan sin Kristiyan nah napuas na sin kawajiban niya hi amah mu sabab in palman sin Allahu Ta'ala "Pagmabugah kamu ha diin diin na in kagausan niyu" ..
wallahu a'lam
Bang upama kiyakubul ha walah pa naliguh nah naruwa in kaul sin manga fuqaha', laung sin kaibanan fuqaha' dih na manjari ukayun magbalik bang ubus na ...tiyabunan sin lupah, amuyan in baytah sin manga Ulama' Hanafiyyah iban sin kaibanan Ulama' Shafi'iyyah sartah piyagdalil nila in hadith ha Sahihul bukhari tungud ha panglangi sin Rasul sallallahu alayhi wasallam ha panghinang-hinang ha tau mayat.
Ampa in kaibanan Fuqaha' biyah na sin shafi'iyyah iban Hanabila ha katampalan sin papanaw nila apabila hikakubul in Muslim ha walah naliguh atawa kiyatayammuman nah wajib siya ukayun magbalik ubus ampa liguun, malaingkan bang in patay (mayat) ini najagjag na in baran atawa nahaluh na halaum kubul dih na manjari ukayun balik.
Bang isab hikakubul ha walah pa nasaput, nah in jumhoor (kamatauran ulama') laung nila dih na manjari ukayun magbalik bang ubus na kiyakubul, sabab in ma'ana sin saput amuna in tamingan in mayat dain ha pangatud sin tau buhih nah nahasil na kaniya in pagtaming.
Bang isab kiyakubul ha walah pa nasambahayang laung sin kaibanan ulama' dih na manjari ukayun sah sambahayangun na sadja ha kubul niya, in dalil nila amuna in nahinang sin Rasul sallallahu alayhi wasallam ha hambuuk tau amuin nawapat ha wayruun panghati sin Nabi Muhammad sallallahu alayhi wasallam sakali pag ingat niya siyambahayang niya ha kubul (Bukhari).
Laung sin kaibanan Ulama', bang in mayat yan walah pa napinda in baran niya nah subay siya ukayun sambahayangun, sagawah bang napinda na in baran niya sambahayangun na sadja ha kubul niya..
Source:
Hashiyat Ibn Abideen 1/602, Mughnil Muhtaz 1/366-367, Al-Mughni 2/553-554, Tuhfatul Muhtaz 3/-204-205,
Ha hal sin balik Islam ini (muramurahan iyampun siya sin Allah), bang siya walah naliguh, nasaput iban nasambahayang, ha biyah sin kahalan nasabbut mu nah in kawajiban dakuman ha manga Muslimin in sambahayangun siya ha kubul bang siya walah pa nasambahayang. adapun bang in kawajiban kaniya biyah sin pagliguh, iban pagsambahayang, pagsaput nahinang na kaniya hatiniya hat dakuman siya kiyubul ha pangubulan sin manga Kristiyan nah in yattu ha kiyapag hambuukan sin manga Ulama' haram hikubul in hambuuk Muslim ha pangungubulan sin manga dugaing Agama sabab sin matanhud siya sin siksah sin manga kapir halaum kubul nila.
Ampa in hal hi amah mu bang siya nagmatuyuh hikubul in balik Islam ini ha pangungubulan sin manga Muslim sakali dih mabayah in family sin balik Islam ini subayra ha pangungubulan sin Kristiyan nah napuas na sin kawajiban niya hi amah mu sabab in palman sin Allahu Ta'ala "Pagmabugah kamu ha diin diin na in kagausan niyu" ..
wallahu a'lam
