Fahad Haris
Mga kakahinang makru' ha laum sambahayang;
• Makru' in maglingi'- lingi' halaum sin samabahayang sabab daing ha manga panasat sin shaytan, malaingkan bang aun ujul biya' na sin aun kabugaan niya daing ha manga kuntara niya atawa ha sa'bu siya ha pag-bunuaan, duun ha kahalan yan wayruun da sa' niya misan siya maglingi' lingi'
.
• Bang sawpama simiha' katan in baran niya daing ha kibla ha wayruun ujul niya, maba'tal in samabahayang niya.
• Damikkiyan niya miyakru' in umutud pa taas halaum sambahayang.
• Damikkiyan niya miyakru' in pirungun in duwa mata halaum samabahayang ha wayruun ujul iban hajat, malaingkan bang sawpama niya aun makasasat ha unahan niya, bukun makru in pirungun niya in duwa mata.
• Damikkiyan niya miyakru in sumandig pa ding-ding ha sa'bu nagtitindug ha wayruun ujul sin baran niya. Bang sawpama niya in siya nasasakit wayruun sa' niya minsan siya sumandig.
• Miyakru' in maglangug ha laum sambahayang, biya' na sin kumpitan niya in pungut niya atawa kan badju' niya, iban mag-kumpit sin ilung niya iban na sin dugaing niya ha wayruun ujul.
• Damikkiya niya, miyakru' in mag-pakulitik sin lima ha laum sambahayang.
• Damikkiyan niya, miyakru' in sumambahayang siya aun ha unahan niya amu in makasasat kaniya.
• Damikkiya niya, miyakru' in sumabahayang siya ha tampat aun patta'.
• Damikkiyan niya, makru' sumambahayang nagsasandal siya sin ihi' niya atawa kan tai' niya , atawa nagsasandal siya sin uhaw iban hapdi'.
• Damikkiyan niya, miyakru' in sumambahayang siya bang in pag-kaun biyutang na.
• Miyakru daisab in kumawa' siya daing ha manga unu-unu hibutang niya pa tampat pag-sujuran sin tuk-tuk niya, biya' sin pag-hinangun sin manga rafida / shia. Sabab bang mu hinang in yan paningud-singud kanila .
In maputut tuud subay parihalaun sin muslim in kasampurnaan sin pag-sambahayang niya, subay paunun niya in khusuh iban tumahninah duun ha samabayang sabab in khusuh iban tumahninah, laung sin manga ulama' nyawa sin samabahayang.
Bang mayan kitaniyu tawpikan katan sin tuhan.
