Nurshaima Muslimah
Assalamualaykum warakhmatullahi wabarakatua...Manga kaguruhan sin kami katan ha tumpukan sin ini. Aun aku pangasubu hal sin upat pag-iyanun, Upat(4) hinasil, Lupa', Hangin, Tubig iban kayu, Bang way raka nakasulang ha agama islam atawa aun ka dalil niya daing ha Qur'an?
Magmaap man manga kaguruhan bang in pangasubu way imamu....jazakallahu khair, salam kasilasa pa katan ha tumpukan ini. Magsukul...
Jawab:
A
ssalamu alaykum warakhmatullahi wabarakatuhu.. In iyan inda' agad siya ha pali-palihan sin kamaasan nakauna sarta' agad siya ha pagbahasahun pagtalus-talus. In upat inasil yan amu na in pagbahasahun nila hinasil sin dunya. Naawun laung niya in dunya ha dain ha HANGIN, TUBIG, LUPA' iban KAYU, sarta' amu yan in pagsukud nila sin manga panyap nila biya' sin pakukus nila utak. |Iban laung nila in duwa tau nagbanta nagbak, ubus in sukuran sin utak sin hambuuk kayu, ubus in hambuuk isab tubig, daugun kunu' in nagdara sin utak sukuran kayu, sabab laung nila in makapung sin tubig amu ra in kayu, sarta' ginisan na unu-unu in hipamali-palihan nila tungud sin upat(4) hinasil yan. Duun na ka ha pag-usaha iban dugang dain kaniya. Adapun in yan PIYANGLANGAN SIN AGAMA. Wayrun pagpali-palihan ha agama islam, malaingkan pali-palihan sin jungjungan natu' muhammad (s.a.w) iban na sin Qur'an diyara niya. Allahu a'lam.
Wa
alaykumus salam warakmatullahi wabarakatuhu...In Agama Islam biyaytaan kita sin hinasil kapapanjari katu' sin Allahu Ta'ala. In apu' ta Adam piyapanjari sin Allahu Ta'ala dain ha lupa'. In kita panubu' niya piyapanjari sin Allahu Ta'ala dain ha tubig mapit magpangsut dain ha sulbi sin usug iban taraib sin babai. Ampa in Jinn piyapanjari sin Allahu Ta'ala dain ha kayu, in malaikat piyapanjari niya dain ha Sahaya.
In umingat ha manga nasabbut yan way ra salla' niya gamnamayan kahatihan sin manusiya' in kariasali nila dain ha wayruun gaus, wayruun upaya, hatiniya in siya malamma. Duun ha ini katumtuman niya wayruun taga upaya iban gaus tuput in Allahu Ta'ala amuin nagpapanjari kaniya.
Adapun in ingatun mu in upat(4) hinasil ubus ampa mu utungun pa baran mu biyah kaagi hinangun na ilmu' sakaula-ula ilmu' kabugtuan, ubus ampa niya hipagdunya sampay di' na siya magsambahayang, sabab sin kiyahatihan niya na in kabugtuan sin Agama Islam atawa panawheed, na' in ini malaggu' kalaungan. Sagawa' bang niya ingatun sadja in kariasali sin manusiya' dain ha lupa' amuna in Apuh Adam ubus in siya dain ha tubig, na in ini wayra salla' niya. Wallahu a'lam..
.