Pangasubu:
Assalamu alaykum warahmatullahi wabarakatuhu..
Mangasubu ako ha mga kaguruhan namu,,, Parkala QURBAN.
In kyasakupan iban matampal ha sharah in pagSumbaih Qurban ha Bulan Hajji sajja.
Jari, aun bihaun mga tumpukan bahgo magQURBAN ha bulan dugaing dain ha Bulan HAJJI biya na sin bulan shahban,, bulan Rajab iban na sin kaibanan bulan.
pangasubu ko, unu in hukuman sin MagQurban bukun ha bulan Hajji?
jazakumullahu khayran jazaa,,,
Mangasubu ako ha mga kaguruhan namu,,, Parkala QURBAN.
In kyasakupan iban matampal ha sharah in pagSumbaih Qurban ha Bulan Hajji sajja.
Jari, aun bihaun mga tumpukan bahgo magQURBAN ha bulan dugaing dain ha Bulan HAJJI biya na sin bulan shahban,, bulan Rajab iban na sin kaibanan bulan.
pangasubu ko, unu in hukuman sin MagQurban bukun ha bulan Hajji?
jazakumullahu khayran jazaa,,,
Jawab:
Shukran ha pangasubu tuan sartah mlingkat..
Muna2x in qurban pgbhasahun ta, in kariyasali niya ha luga arab amu in pgtawagun AL-ADHIYYAH, amu na in myahnahan siya sin mga ulamah sin in pgsumbayih binatang am...u in susumbay-un ha adlaw haylaya karnah pgtaqarrub pa allah, atawa karnah hnangun ta in gnis sin ibadat yaun amu na in mgqurban hasupaya hkasuok ta pa allah..
Hadapun in pgqurban, in siya hambuok siya dain ha mga ibadat amu in nkalagguh in pahalah niya..
Dain na man ha mga hadith namytah, sabda rin rasul s.a.w. Ha riwayat dain kan ibnu majah ibn tirmiziy, MA AMILA IBNU ADAM YAWMAN NAHRI AMALAN AHABBA ILALLAH MIN IRAQATID DAM..
Uwayruon na laung sin rasul ammal ibadat amu in mahnang siya sin anak apuh adam ha adlaw haylaya amu in landuh kabayaan sin allah mkalabi dain ha mgpatuh duguh.. Bimahna amu na in mgqurban..
Sartah hadith pa sin rasul s.a.w. Ha waktu siya iyasubu sin mga sahabat bang tungud sin pgqurban, in jawab niya, SUNNATU ABIKUM IBRAHIM, in pgqurban laung sin rasul siya na in sunnah kakahnang sin apuh niu hi ibrahim.. Laung sin mga sahaba, unu in makawa namuh dain knia? Jawab sin rasul, BIKULLI SHA'RATIN HASANATIN,
in mkawah niu dain kania laung sin rasul,ha tiyap2x buhuk dain ha binatang pyagkurbanan niu, awn hambuok karayawan madawhat niu..
Hadith hasan, riwayat dain kan ibn majah sartah dain kan tirmiziy..
Hadapun in pgqurban awn aturan niya sartah awn waktu niya..
Amu paka amu in mgqurban siya ha dugaing bulan puas dain ha bulan hadji, sah misan pa siya ngqurban ha adlaw haylaya apabila in pgsumbayih niya nkauna dain ha pgsambhayang eid, in siya dh nia madawhat in tungbas pahala sin pgqurban sartah dh kanganan in pgsumbayih nia sin binatang bat in yd2 qurban..
Hadith sin rasul s.a.w. Ha riwayat dain kan tirmiziy, sabda sin rasul, MAN KANA ZABAHA QABLAS SALATA FALYU-ID..
hisiyu2x laung sin rasul in ngsumbayih nkauna dain ha sambhayang subay nia balikan in pgsumbayih niya puas sambhayang sin dugaing binatang..
Sah byah na sin agi in pgqurban awn waktu kyasharah knia, hadapun in waktu pg2nay knia, farman sin allah ha surah kawthar, FASALLI LIRABBIKA WANHAR, pgsambhayang kw pa tuhan mu ya muhammad amu na in sambhayang haylaya mahuli ampa kw pgsumbayih sin ququrbanun mu..
Hadapun laung sin mga ulamah, sabab sin bytah sin kaibnan hadith, hisiyu2x in ngsumbayi nkauna dain sin sambhayang ampa niya byahagi pa miskin, wala nia nkawa in pahala sin pgqurban mlaingkan nkawah niya in pahala sin pgsarakka..
Jari niya, apabila in pangasubu bng unu in hukuman sin bhad2 hantang pgqurban ha bqun waktu pgququrban?
In jawab nmuh, nkaagad in hnang niya dain ha bahagian amu in mahulug siya pa pgbahasahun bid-ah.. In bid-ah upat in bahagian niya laung sin mga ulamah, sartah in hambuok dain dd2, amu in kyaawnan sin sipat atawa waktu sin ibadat hitunay ha waktu nia,sumagawah in siya tyunay niya in ibadat ha bkun sifat atawa bukun waktu kyasharah knia..
Mahuli bng man simawa kymu msan da qman tiyuh2x in pkadrajaan iyasubu mu, ganapan man sin kaibnan kaguruhan amu in kyapgwakilan jumawab sin mga pangasubu,
wallahu a'lam bissawab, salam sartah kasilasa mawn kniu ktan.
Muna-muna hatihun ta bang unu in hati atawa ma'ana sin kalimah "QURBAN".
In kalimah ini bahasa arab kiyawah dain ha puunan sin fi'il "QARUBA" hatiniya simuuk (lawan ...sin limayuh).
Bang laung mu "QURBAH" magma'ana siya: Unu-unu na hinang hikasuuk mu pa Allahu Ta'ala, nah in Jamah (plural) niya QURUBAAT atawa QURABUN.
Dihilan kasawahan sin manga Ulama' in ma'ana sin Qurbah, laung hi Ibn Abideen dain ha manga Fuqaha' Hanafiyyah: " In Qurbah amuna in unu-unu na sadja ammal hikasuuk pa Allahu Ta'ala, atawa sartah pagmarayaw pa manusiya'…. Ubus ampa niya dihilan upama biyah sin magbangun Masjid. (Hashiyah Ibn Abideen 2/237)
Ampa in kalimah Qurban amuna in unu-unu tiyuwk mu pa Allahu Ta'ala karnah umangut mikisuuk kaniya iban dumaut parsugpatan kaniya.
Nah, in Kalimah Qurban iban Qurbah in duwa ini maluag in ma'ana niya, hatiniya sasukuh sin hinang amuin palsababan hikasuuk mu pa Allahu Ta'ala dain ha manga Ibadat biyah sin Sambahayang, Zakat, Sadakkah Jariyah iban pa sin kaibanan niya nah in yan kanganan Qurban atawa Qurbah.
Tungud ha pangasubu mu in yan amuna in pagtawagun Udhiyyah, in jamah (plural) niya Adaahiy. Laung sin manga Ulama' mapantuk ha bahasa arab in ma'ana sin Udhiyyah amuna in kambing atawa kibas atawa bili-bili pagsumbay-un ha mahinaat sin hangpuh kasubangan sin bulan Hadjih.
Laung sin manga Fuqaha' in ma'ana sin Udhiyyah amuna in unu-unu na susumbay-un karnah pag-ibadat pa Allahu Ta'ala ha waktu adlaw haylaya hadjih ha Sharat niya tartantu (Sharhul Manhaj bi Hashiyaat Al-Bujairami 4/294 – Hashiyaat Ibn Abideen 5/111).
Ha ma'ana nasabbut dih kanganan Udhiyyah bang in niyat sin pagsumbayih sin susumbay-un karnah hipagdagang atawa karnah sin Jinn iban sin kaibanan niya, damikkiyan dih da isab mabilang Udhiyyah bang sumbay-un bukun ha waktu niya biyah na sin sumbay-un ha bulan Muharram, Safar, Rajab, Sha'ban misan pa in niyat mu karnah Ibadat pa Allahu Ta'ala sabab in Udhiyyah awn waktu niya tartantu iban Sharat niya tartantu..