Abdulsakor Ahajan Juhan
Salam manjari magasubu ha mga kaguruhan ha tiranan..in kawin duwa ruwa awn ha shara' sin islam? Awn nakahindu kamu biya' d' makaun sin pikilan namu hankan naabut ku magangasubu. Allahu alam. Mgsukul..
Jawab:
Kas Sayfuddin
Wa alaykum mussalam tuwan in hati sin kawin duwa-ruwa, amuna in kawinan sin usug in hambouk babai yaun ha wayruun WALI iban way SAKSI'.
In Hukuman niya ini ZINA. HARAM siya sabab wala' naagad in manga Sharat ha pagtiyaun. In ini umagad da siya pa NIKAHUL MUT'AH. Sabab in mga kamaasan natu' nakauna nakakawa' sila panghindu' dain ha mga SHI'AH.
In ini subay natu' hallian hasupaya di' malummu in kamaruan sin kitaniyu muslim. Bang aun naghindu' sin bihaini, na in yan kalaungan subay niyu butanan in pangadji yan sabab matampal in hukuman niya HARAM iban ZINA.
Wallahu a'lam...
Assalamu alaykum warakhamat ALLAH wa barakatuhu..
In rukun sin NIKAnikah, 4 in taud niya..
Muna2x ingatun ta in tiyap2x unu2x parkala pg-ibadat, awn na sdja sharat ibn rukun niya byutang sin shara' hasupaya in hnang yn mataymah siya..
Damikyan niya in pgtawagun nikah, amu na in pgkawin laung ta, in siya awn da isb mga rukun niya supaya masah, (maVALID) in pgkawin..
1.)Subay aun WALI, amuna in ama' sin babai, bang way na ama', tymanghud sin amah sin babai usug,bng yrun na amaun apuh niya,bng y na apuh,mawn na isb pa tymanghud sin babai usug, ampa lumatun ampa lumatun pa lasyah bng yrun na in mga nasabbut ini,bng y na 2d, shara' na in mgwali ha babai.
2.)Subay aun duwa(2) saksi', muslim adil sarta' bukun fasiq..
3.)Suby maawun in pgtawagun SIGATUL UQUD..Amuna in umiyan in amah sin babai,atawa hisiyu2x na in kyawakilan sin kabtangan, pyapagbana ku na kymu in anak ku, atawa pyapagbana ku na kymu in babai ini, sartah jumawab in usug tyaunun, tyaymah ku na dain ha gnhawa bran ku in pgasawa knia.
.
4.)Subay awn mahar, amu na in ungsud.. Yrun limit pa taas, y isb limit pa baba ha gantah kgausan sin usug..
Jari niya, hambuok sdja dain ha 4 ini in maIG, dih tymaun sartah dh masah, invalid in pgkawin knla..
Ampa in kawin 2 ruwa, yrun unu2x mlaingkan usug da mraeh ibn babai in ngkawin pa baran nila..
Hisiyu-siyu in nakawin sin bhaini ha yrun duon knia in upat rukun sin nikah, wajib ha sharah in butasun sila, sartah in hukuman sin pgsuok sin usug pa babai in hukuman niya jina.
Apabila in babai iyungsuran siya sin usug pila2x na ha waktu sila ngkawin duwa ruwa ampa sila byutas sin shara' suby hbalik pa usug in ungsud niya ha babai apabila wala siya nkasouk pa babai, hadapun bng niya kasuokan yrun na hkabalik pa usug unu2x dain ha kyaungsud niya..
In kawin duwa ruwa byah da sin nikahul mut-ah, in siya wala siya nkalamud ha shara' sin islam.
Wallahu a'lam.
Ibn Shaakir
Assalamu alaykum warahmatullahi wa barakaatuhu...
Yari in dayin ha mga dalaa-el (evidences) mama'tali sin pagkawin Duwa-ruwa (Mut-'ah):
عن أبي هريرة رضي الله عنه قال قال رسول الله صلى الله عليه وسلم) : لا تنكح البكر حتى تستأذن ولا تنكح الأيم حتى
تستأمر قالوا:
يا رسول الله وكيف إذنها؟ قال : أن تصمت…( البخاري و مسلم.
Hatiniya:
Biya' na sin agi sin hambuuk manghud guru natu' mulliya hi Kas Sayfuddin, in " Kawin duwa-ruwa " Haram Mutlaqan (samata-mata). Amu na yan in kakahinang sin mga Shee-ah Rawaafidh, amuna in pagtawagun nila AN-NIKAHUL-MUT'AH (temporary marriage). Sabab wayruun na pagsaksi(witness) kanila iban di' na kagunahan in Waliy. Matarrang bang sawpama in pagkawin yan wayruun Waliy iban Saksi'(Witnesses) (sakurang-kurang duwa(2) tau Adil pa taas) dayin ha mga shurut sin Nikah, in pagkawin ba'tal, sarta' in pag-ukum nila ZINAH. (Wl-iyaadzubillah)
Yari in dayin ha mga dalaa-el (evidences) mama'tali sin pagkawin Duwa-ruwa (Mut-'ah):
عن أبي هريرة رضي الله عنه قال قال رسول الله صلى الله عليه وسلم) : لا تنكح البكر حتى تستأذن ولا تنكح الأيم حتى
تستأمر قالوا:
يا رسول الله وكيف إذنها؟ قال : أن تصمت…( البخاري و مسلم.
Hatiniya:
'' Ayaw niyu pabanaha in anak niyu budjang sahingga' mapangayu' niyu in pag malilla' niya (panugut niya). Iban ayaw niyu pabanaha in anak niyu labay na paghula' sahingga' hikapamung niya in baya' niya. Laung sin manga sahabat, biyaddiin in pag malilla' sin budjang? Sabda sin Nabiy (sallallahu alayhi wasallam): " Amuna in hundung niya ". (kiyariwayat hi Al-Bukhariy iban hi Muslim).
In panugut pagmalilla' sin babai labay na paghula' biya' na sin hipamung niya banahun ku na in usug yaun… (kiya riwayat hi Imam Bukhariy:5137… iban hi Muslim. :1419).
Hati niya, manunjuki sin subay tu'ud magrida' in babai ha usug banahun niya, iban daying ha kug-baya' sin pangatayan niya sin mag lilla' siya ha usug amuin mahinang niya bana.
قال النبي صلى الله عليه وسلم :( لا نكاح إلا بولي ) رواه أحمد و أبو داود الترمذي و ابن حبان و غيرهم قال أحمد صحيح من حديث
أبي موسى الأشعري رضي الله عنه.
Hatiniya :
'' Di' masa/ atawa kan taymaun in pag-tiyaun buwat malaingkan subay aun WALI ''… (Kiya riwayat hi Imam Ahmad :394 :4… Iban hi Abu Dawud : Babu fil Wali :2085… Iban hi At-Tirmidhiy, iban hi Ibnu Hibban, iban na sin dugaing dayng kanila. Laung hi Imam Ahmad in hadith sahih/bunnal… Hadith dayng kan Abu Musa Al-Ashriy kiyarida'an siya sin Tuhan).
Hatiniya,
Hisiyu-siyu in nagtiyaun wayruun Waliy nila, in hukuman sin pagtiyaun nila ba'tal, di' taymaun sin sara' iban in sila nakahinang dusa dakula' pa Allahu ta'ala, amuna in Zinah, salugay nila nag-uukum, in sila halaum pag-zinahan. (Na-uwdzubillahi min dzaalik)
Sabda pa sin Nabiy Muhammad (sallallahu 'alayhi wa sallam):
قال رسول الله صلى الله عليه وسلم :( أيما امرأة نكحت بغير إذن وليها فنكاحها باطل فنكاحها باطل فنكاحها باطل ): رواه أحمد و أبو داود و الترمذي و ابن ماجه من
حديث عائشة رضي الله عنها.
Hatiniya:
'' Hisiyu-siyu in babai nagbana ( sibu' da budjang iban labay na paghula') wayru'un panugut sin Waliy (guardian) niya, na! in pagbana niya di' masa/ taymaun, in pagbana niya di' masa/taymaun, in pagbana niya di' masa/taymaun''…. (kiyariwayat hi Imam Ahmad iban hi Abu Dawud iban Ibnu Majah, hadith daing kan A'isha kiya rida'an siya sin Allahu ta'ala).
Ha hadith yan manunjuki sin di' tu'ud masa/taymaun in pag tiyaun sin hisiyu-siyu na sadja daying ha manga kababaihan mabaya' mag bana sibu' da budjang iban nakalabay na paghula'. Sabab matarrang ha hadtih sin Nabiy Muhammad (sallallahu 'alayhi wa sallam), salta' nakatu (3x) niya piyag balik-balikan in kabtangan niya, karna' hipagpakusug sin bissara, sin in pagtiyaun wayruun Waliy di' taymaun sin sara', sarta' Zinah in hukuman sin pag-ukum nila. ( "na! in pagbana niya di' masa/taymaun''.)
Dayng ha sabab yan subay mag mabuga' in tiyap-tiyap siyulagan sin manga muslimin, amuin maka langgal sila sara' piyang langan sin agama islam, iban subay sila mag mabuga' pa Allahu ta'ala ha makahinang sila dusa salaggu'-laggu' pa Allahu Ta'aala.
قال النبي صلى الله عليه وسلم :( و لا تزوج المرأة نفسها ) : من حديث أبي هريرة رضي الله عنه.
Hatiniya:
'' Di' maharus ha babai magbana siya baran-baran niya '' (Daying kan Abu Hurayra kiya rida'an siya sin Allahu Ta'aala).
Magpatilibun kita niyu pa Allahu Ta'aala, ha mga kalaungan sin mga tumpukan nalalaung ha sarah sin Allahu Ta'aala sarta' ha pamanduh sin Rasulullahi (Sallallahu alayhi wasallam), biya' na sin mga Shee-ah Raafidah.
Wallahu Ta'aala a'lam. Wassalamu Alaykum Warahmatullah
Assalamu alaykum... masawa na in jajawaban sin kaguruhan sa' aun sadja hipahati ku maniyu'-tiyu' tungud ha kawin duwa-ruwa pagbahasahun sin kamaasan, in kawin duwa-ruwa amuna in sumalam in usug pa babai ubus sambagun isab sin babai in salamsin usug.
In ini bang sila papaghambuukun na ha puas sin tuw adlaw, adapun in kawin nila biya' sin sumalam in Usug ha asawa niya "ASSALAMU ALAYKUM YA BABUR RAHMAH" in sambag isab sin babai ha usug "WA ALAYKUMUS SALAM YA SAYYIDAL AMEN" ubus yattu ampa sila magsuuk na, in kaibanan kamaasan mataud pa in sugsugun salamun iban ingatun ha anggawtah sin babai, nah in ini ubus na kitaniyu hinduan sin Rasul sallallahu alayhi wasallam apabila in hangkatau sumuuk pa asawa niya bassahun niya in lapal ini "BISMILLAH, ALLAHUMMA JANNIBNASH SHAYTAN WAJANNIBISH SHAYTANA MA RAZAKTANA" in baytah sin Nabi Sallallahu alayhi wasallam bang kamu anugharaan sin Allahu Ta'ala anak ha pag suuk niyu tantu paliharaun sin Allahu Ta'ala dain ha Shaytan..
In susugsugun sin kamaasan malingkat gantian taniyu pa susugsugun amuin piyanghinduh katuh sin Rasul sallallahu alyhi wasallam sabab in katan sin duwaa niya anud dain ha dilah niya sutsi iban in yan mustajab...
In kawin duwaruwa pagbahasahun amura in sugsugan nasabbut ku ha taas, sah biyah na sin agi bukun yan panghinduh sin agama islam sah labi apdal in gantian ta sin pagpakayun sin Nabi Muhammad sallallahu alayhi wasallam..
wallahu a'lam...
