Aryam Alpasain
Assalamu alaykum warahmatullahi ta'ala wabarakatuhu..
Aun sual ku mabayah aku hatihun bang aun ba pangdaakan pagbassahun ha pagpaygu', amun dahan sin kamaasan sambil bhaun pag-usalun ha hula, iban aun ba pandaakan atawa dalil sin mga tawbat ini: tawbat kupul, tawbat 7 gawta, tawbat nasuha, unu hati ini mga tuwan. Maaf ha pangasubo ko bng dh umamu..magsukol...
Jawab:
Rida' Mutahabba
Assalamu alaykum warakhmatullah wabarakatuhu...
In pagpaygu' Tawbat pitu(7) anggawtah, Tawbat kufur ibn Tawbat nasuha', wayruun kabakan dalil ha qur-an iban ha hadith, sartah wala' nahinang bakas sin manga sahabat sin rasul iban na sin manga tau nakaurul kanila..
In dusa pagkufur pa tuhan, sarta' in dusa sin katan anggawta' baran, amu in iyusal ha pagma'siyat pa "ALLAH" di' siya makawa' payguan. Sabab in dusa, bukun siya biya' sin najis, magniyat sadja kaw maygu' dain kaniya magtuy in dusa mu maig, biya' sin manga pagpaygu' hadas dakula'.
Sumagawa' in dusa, in siya najis ha lawm pangatayan iban ha niyawalihan, amu in di' mu siya makawa' lanuan labay dain ha pagpaygu' malaingkat masutsi sadja in pangatayan mu iban niyawalihan mu apabila kw nagtawbat pa "ALLAH" sin sampurna' pagtawbat.
Adapun in Tawbat nasuha', in siya nakalukis ha lawm Qur-an yan ha surah tahreem. Sarta' ha Tawbat nasuha yan, yan na duun nakalamud in ginis sin dusa pagtawbatan mu, duun na ka nagtawbat kaw sabab nakapagkufur kaw pa "ALLAH", atawa nagtawbat kaw sabab nausal mu in anggawta' baran mu pa pagma'siyat pa "ALLAH". In kahawpuan niya, in katan ginisan panimayhuan dusa, yan na nakasud pa tawbat nasuha.
"YA AYYUHAL LAZEENA AMANUW TUWBUW ILALLAAHI TAWBATAN NASUHA".
"ya kamu mga bar-iman pgtawbat kamu pa allah sin tawbat nasuha".
In tawbat nasuha pag-iyanun laung sin mga ulama' amu in nalangkum niya in sharat sin hikasampurna' sin pagtawbat.
In mga sharat niya amu na in mga ini;
1.)Subay siya umukat dain ha hinang niya dusa.
2.)Subay pagsusunan niya toud in mga dusa nahinang niya, bang aun dapat hitangis niya tuud tanda' sin pagsusun niya.
3.)Subay pakusugun niya tuud ha laum angan-angan niya amu in di' na siya magbalik pa hinang niya dusa salama-lama.
In 3 sharat ini apabila in dusa ta direct pa "ALLAH".
Adapun apabila in dusa nahnang ta awn lamud sin pgkahi ta manussiyah, byah sin awn limut ta, nkakullih kta altah sin pgkahi,atawa nkabinasa kta.
In sharat niya Upat(4);
In 3 sharat amuna in biya' ha taas yadtu,sarta' in hika upat(4), Subay kita mangayu' kamaapan dain ha tau amu in kiyapasakitan ta, atawa bang nakakulli' kita alta' subay ta hibalik kania sarta' mangayu' kaampunan.
Adapun apabila aun sadja hambuuk matanak dain ha manga sharat ini laung sin mga ulama', di taymaun in pagtawbat niya.
Amu ini in pagtawagun tawbat nasuha' sarta' di siya hipamaygu';
Wallahu a'lam...
