Jhers K. Jadjuli
Assalamu alaykum manga kaguruhan ku mulliya Iban na sin kataimanghuran sin aku...
Aun ini pangasubu sin aku ha parkala sin PAG-DUWA'A, biya' na sin Pag-duwa'a ha Katampat-tampatan?Iban sin bang aun nasakit sin mga kaanakan magpakita' ha tau mangu-ngubat, ubus aun kitaan wayruun sila hati niya wayruun siya nakapagduwaa, Hati niya
papagduwa'ahun sila sin mga mangubat, ubus makahagari na ha supaya kaulian in nasasakit? Iban na sin pagduwaa ha pakil ha adlaw jumaat kah tuwan?Unu tuud in kasabunnalan ha supaya kaingatan sin aku iban na pa kaibanan kataimanghuran amuin nagduru-ruwa.
Magsukul....Jawab:
RiDah Mutahabba
Wa alaykum mussalam wa rakhmatullah wabarakatuhu......
Jari niya in maksud niya bya' na sin mgpajamu.In katan unu-unu hangkan ta siya hinangun, sabab aun maksud niya iban niyat ta.
Muna-muna, in kamawmuhan magpajamu biya' ha manga adlaw juma'at amu in sila manga taga gaus-gaus atawa taga alta'-alta' amu in mabya' magpahampit sin alta'-alta nila tanda sin pagma-shukur nila pa ALLAH.
In ini bilang siya sarakka.
In pagma-shukur pa "ALLAH" atas siya 3 parkala.
1.) As-shukru bil qalb (pgmashukur pa allah labay ha pangatayan)
2.) As-shukru bil lisan (pgmashukur pa allah labay dain ha dilah)
3.) As-shukru bil-a'mal (pgmashukur labay dain ha hnang sin anggawtah).
In pagsarakka, pagtabang mu ha manga taymanghud mu, pagkahi mu, in siya tanda' pagma-shukur mu pa "ALLAH", labay dain ha hinang. Amu na in as-shukru bil a'mal.
2.) As-shukru bil lisan (pgmashukur pa allah labay dain ha dilah)
3.) As-shukru bil-a'mal (pgmashukur labay dain ha hnang sin anggawtah).
In pagsarakka, pagtabang mu ha manga taymanghud mu, pagkahi mu, in siya tanda' pagma-shukur mu pa "ALLAH", labay dain ha hinang. Amu na in as-shukru bil a'mal.
Sarta' in farman isab namayta' ha surah duha';
"FA AMMA BINI'MATI RABBIKA FAHADDITH".
"Adapun in mga ni'mat sin tuhan mu duun kaymu ya muhammad, pamahalayaka, panuysuya".
Bang ha tafsir, in ayat ini, sibu' da in nagpahampit kaw sin ni'mat duun kaymu bang inkiyaawnan niya alta' atawa nanuysuy kaw, biya' sin tungud karayawan, pag-iman, kaislam iban na sin kaibanan. Sumud da yan maun pa ayat yan..
Sumagawa', bang kaw magpajamu karna' pagma-shukur mu pa tuhan, in ini misan kaw di' na magpaduwaa laung niya salamat(pagsukur), sabab in hinang niya pagpajamu yaun. Amu na yan in tanda' sin pagma-shukur niya pa tuhan.
Bukun biya' sin nahinang ta addat, kawaun in pakil, hi apa' Imam, sakali bang dumuwaa na, in duwaa niya lilmufrad katan, para ha baran niya sadja, ubus in nagpajamu, ameen ampa mag ameen sadja, pagkita' hati' yaun in siya wala' nakaagad ha duwa'a, isa-isa ra hi apa' Imam sabab bukun jama' in duwaa niya..
Adapun bang siya kumawa' magduwa'a, kawaun niya hinda pa' tuan, hinda ustadz, hinda Sheikh. Sabab in sila ini muna-muna tiyatayma' in duwa'a nila sarta' kaingatan nila bang unu in siyugsug nila ha laum duwa'a..
Ha tungud isab ha magduwa'a manga kaja, pa tampat, pa kubul, pa poun kahuy, pa mga jin,pa mga nunuk, magpajamu sila ubus mangayuh barakat ibn hajat nla pa mga tampat yn, in ini WALA' JIYARI SIN SHARA'.
Labi luba' na bang siya madtu magda kakaun, mag-offer sin pagkaun nila ha mga tampat ini, mahuli ampa sila nangayu' barakat iban hajat, ibn na sin unu-unu pangayuun nila, sabunnal tuud nahulug sila pa SHIRKUL AKBAR,(shirik dakulah) sarta' maba'tal in kaislam nila in mapapas in katan sin bakas nahinang nila ibadat.
"WA LAW ASHRAKUW LAHABITA MA KANUW YA'MALUUN".
"Bang sadja sila nagshirik laung sin ALLAH, tantu mapapas, matanak in katan sin mga ammal ibadat bakas nahnang nila".
In magduwa'a dugaing dain ha ALLAH, in siya dain ha shirik akbar, amu in pagtawagun SHIRKUD DA'WAH, shirik ha pgduwaa, hambuuk ginis dain ha mga shirik dakulah.
Farman sin ALLAH ha surah zariyat;
" WA LAA TAD-UW MA'ALLAHI ILAHAN AAKHAR".
"Iban ayaw kamu mangayu' ha dugaing dain ha ALLAH amu in hInangun niyu tuhan dugaing".
Iban dugaing pa mga ayat mataud di' ta na mataki-taki. Sarta' in shirik, siya na in salaggu'-laggu' dusa, iban haram ha tau nagshi-shirik in surga' sarta' narka' in hulaan niya.
Sartah pasihlu'lutun ku na in tungud sin pag-ubat labay ha magkita-kita'.
In mag-ubat iban tawal duwa(2) da in jiyari sin shara'.
1.) Tawal iban ubat amu in nasabbut ha laum qur-an iban bakas nahinang sin rasul s.a.w.
2.) Ubat amu in ubat dain tuud ha duktur sabab in sila yan piyangadjian nila tuud in pag-ubat nila sarta' way pagtukud-tukud.
Adapun, in pga-ubat ha magkikita'-kita' in iyan wala' tiyugut katu' sin shara'. In pag-usalun nila yan manga jinn. Ampa in jinn di' sila tumabang kaymu malaingkan subay aun ganti' niya, biya' na sin pagsumbai' manuk, iban na ginisan hantang amu in hi dihil(offer) pa mga jinn.
Ganapan man sarta' sahawihun sin mga kaguruhan natu'. Wallahu a'lam.. Salamduwa'a kaniyu katan...
