Ibn Jaripin
Assalamu alaykum tuan. Pangasubu sin taimanghud niyu pasawaha kamu in hukuman sin pagtahakkim. Iban unu in sharat hisah sin magtahakkim.? Pasal mataud na kiyasakupan namu' ha hula' natu' in kabaihan bang sila madtu pa guwa pa mga mujahidin magbana in pagtag nila tahakkim.Shukran, wa jajakumullaho khairan.
Jawab:
W
a alaykum mussalam wa rakhamatullahi wabrakatuhu....
Paamuhun ma yan sin mga kaguruhan ta kalasahan.
In pagtahakkim ini, bang di katu' biya' hi-ungsud sin babai in ginhawa baran niya pa usug karna' mangayu' siya miki-asawa ha usug yaun sabab duun na ka in usug guru, mujahid, bar-iman, atawa unu-unu na sabab amu in biyaya' sin babai ha usug. In ini jiyari siya sin shara' sabab nagbakkas ini ha jaman sin rasul nakauna, awn miyadtu kaniya maksud magtahakim kanyia.
Adapun in tahakim pgatawagun, in ini bahasa arab. In kabuntulan niya, "TAHKEEM". Adapun in kabtangan tahkeem, atawa tahakim, subay bukun ini in word usalun ta ha bahasa. Sabab maytah? In "tahkeem" pagbhasahun, in ini "TARTANTU PA RASUL". Mayta' baha isab? Sabab in aturan sin magtahkim pa rasul s.a.w., apabila aun maun kaniya babai umiyan hipagtahakim niya na in ginhawa baran niya parasul. Mahuli TiYAYMA' SIN RASUL, ha pag-iyan sadja sin rasul tiyayma' niya na, magtuy sarunduun asawa niya na in babai yaun. Bima'na, way na pag-ungsud, way na pagwali, wayruun na pagsaksi' iban sin sigatul uqud.
Hangkan laung ku in pagtahkeen sunnatul khassah, tartantu pa Rasul s.a.w. Ha sabab sin nasabbut ini, sarta' amu yan in pagtawagun pagtahakim atawa tahkeem..
Sumagawa', mapuas dain ha rasul s.a.w, apabila aun maun kaniya babai maksud magtahakim kaniya, bukun jukup in umiyan sadja in usug tiyayma' kuna kaw ubus mahalal na kaniya magtuy in babai. Masi-masi subay da ma-aun kanila in upat(4) rukun sin nikah supaya sila mahalal karuwa.
Paamuhun ma yan sin mga kaguruhan ta kalasahan.
Wallahu a'lam.
