Omer Abduhasan
Salam manga kalasahan namu kaguruhan, maapa niyu aku aun ini pangasubu ku.Unu in hukuman bang saupama aun nagda kaku kimaun sa' in siya ini in usaha niya RIBA. Unu baha in pagkaun kiyaun ku yadtu dida mahinang sabab di ika tayma sin ibadat ku pasal aun diyungug ku nag iyan ka'patan adlaw( 40 days ) bang kita makakaun harap di' taymaun in ibadat ta iban dihilan niya pa aku sin unu in sin yadtu manjari ku usalun ipami pagkaun?
Jawab:Kay Sayfuddin
Wa alaykum mussalam tuwan bang ta kiya-ingatan in usaha niya yaun bat luggiya'(RIBA) ha wayruun usaha niya dugaing HALAL. Na, di' kaw manjari magad mangaun kaniya, damikyan di' manjari kaw kumawa sin sein hdhel kymu. Sabab bang kaw miyagad kumaun atawa tumayma' sin sein, na, alamat sin in ikaw nag rida' sin kakahinang niya.
Ampa in magrida' ha hinang ma'siyat in yadtu ma'siyat da isab. Subay mu siya nasihatan ha tungud sin hinang niya yaun limanggal shara'.
Iban unu-unu na usaha HARAM lamud siya duun.
Biya' na sin hadith nasabbut;
".أي لحم نبتت من حرام فالنار أولى به"
"In unu-unu na unud simulig dain ha haram, na! narka' in patut paghulaan nya"
Damikyan in Abubakar Siddiq: Aun daraakun niya diyahan siya pagkaun, sarta' kimaun na n Abubakar, ha waktu siya biyaytaan sin daraakun niya yaun bat in pagkaun kiyaun niya yaun bayad sin pagputika'- putikaan niya nakauna.
Duun haini kiyuut sin Abubakar in laum simud niya ampa niya siyuka katan in nakaun niya sarta siyabbut niya in hadith yan.
Bang laung ta in yaun pagputika' ubus in yari pag Riba', sibu' da yadtu daing ha HARAM da karuwa.
Adapun laung sin manga ULAMA' , apabila aun da usaha niya dugaing HALAL, na, manjari kaw magad kumaun iban tumabuk sin cein dihil niya kaymu. Unless bang hibayta' niya kaymu in hipangaun ta ini iban cein hidihil ku kaymu daing ha RIBA'. Na, di' manjari magad iban tumabuk.
Adapun ha pangasubu unu di' ka baha matayma' in sambahayang ka'patan(40) adlaw?
Amura in ma'siyat nasabbut ha hadith bang makahinang kaniya di' taymaun in sambahyang ka'patan(40) adlaw amuna in;
1.) Mangasubu ha magkikita'-kita' iban magbunnal kaniya.
2.) Mag-inum alak(makahilu).
Adapun in dugaing niya Allahu A'lam bang aun ka hadith sahih namayta.
Wallahu A'lam
