Tungud ha adlaw juma'at

Pangasubu:

Ummu Sulaym Bintu Abderrauf 

      Assalamualaykum warahmatullahi wa barakatuhu..mangasubu aku manga kaguruhan sin kami ha tungud sin kalabbiyan sin adlaw juma'at iban sin ha dum niya.

     Unu in sarayaw-rayaw hinangun sin kami ha adlaw yan amun khassa sadja siya ha adlaw yan, bat tuan aun kami kiyadungugan nagkabtangan daing ha manga sila magnanasihat, in agi nila bang laungna in suratul kahfi bat bassahun ta sadja ha adlaw juma'at BID'ah kunu'. Hangkan mabaya' aku tumarrang kaku in bihayni, iban kuhnu magtagna' maharam in pagdagang ha adlaw yan ? SHUKRAN..JUMUAH MUBARAK..

 

Jawab:

 

Kas Sayfuddin 

     Wa alaykum mussalam inda', In adlaw juma'at siya na in sa labi maraw(afdal) adlaw silakan sin mata suga. Duun haini piyapanjari in Adam, iban ha adlw da sab yan piyasud siya surga, iban piyaguwa, iban duun da sab siya nagtawbat, iban duun siya nawafat, duun haini jumatu  in adlaw qiyamat, kiyabayta' ha hadith way dain ha manga binatang ha waktu similak in mata suga ha adlaw juma'at buwat malaingkan magsilawak sin buga(adakala ma qiyamat na) amura in anak apu' adam in di' umulak, lagi aun duun ha juma'at hanka saat mustajab in duwa'a sin tau apabila kiyugdan niya.

 

     Lagi ha adlaw juma'at duun haini nasampurna' in kashara'-sharaan sin agama Islam ha katurun sin ayat "al yawma akmalto lakum dinakum". Didtu ha arafa't Iban nabilang siya paghari-raya sin manga muslim.

 

 Adapun in mga kakahinang nakabidda in karayawan ha adlaw juma'at amuna in mga ini;

1.) Massa suratul kahf - mustahab in hukuman niya biya' na sin hadith dain kan abi said laung sin rasul:

من قرأ سورة الكهف في يوم الجمعة أضاء له من النور ما بين الجمعتين.
رواه الحاكم و البيهقي حديث صحيح
hisiyu-siyu makabssa SURATUL KAHF ha adlaw juma'at dIhIlan sIya sahaya ha ut sIn duwa(2) juma'at. In pagbassa yan sibu da dum juma'at atawa adlaw juma'at. Amu yan in dalil matarrang.

 

     Unu baha in dalil san nag-iyan bid'a bang bassahun siya ha juma'at hadja? In hadith matarrang siyabbut in adlaw juma'at manunjuki sin nakabidda' in karayawan niya dain sin dugaing adlaw. Na bang sawpama sibu-'sibu da in karayawan ha katan adlaw, mayta' siyabbut pa in adlaw jumaat?
     Dain ha sabab yan in pagbassa sin Qur'an lamud na in suratol kahf misan dugaing adlaw diyaakan siya, amuna hadja labi in karayawan bang mabassa niya ha adlaw jumaat sabab sin dalil yan.

2.) Pagpataud SALAWAT pa nabi.

3.) Pagpataud sin duwa'a kalu-kalu kasabtanan niya in waktu tataymaun sin "ALLLAH", hisiyu-siyu in manginduwa'a duun ha adlaw juma'at.

     Adapun ha tungud pagdagang maharam siya ha puas sin pagbang hikaruwa ha waktu sambahayang juma'at.

Wallahu A'lam