Parkala' Pagsud pa kuta' sin tuhan

Pangasubu:
Benhamer Tandico Sahidulla

     Assalamu alaykum warahmatullahi wa barakatuhu pa manga kaguruhan ta di ha site ini. Aun aku pangasubu, mabaya' ku ingatun iban hatihun;

1. Biyadiin baha' in kasud ta pa kuta' sin tuhan ta Rabbul Alameen?
2. Ha waktu kita limahil pa dunya, unu baha in kiyalupahan ta ha waktu ta kiya biyuklad na in duwa lima ta?
3. Biyadiin baha' in katunggal sin Tuhan?

Amura yan in pangasubu ku manga tuan ku kalasahan..Inshaallah tagaran ku in lilayan. Magsukul.

Jawab:
Tadjuk Lawihan

Wa alaykumus salam warakhamatullahi wabarakatuhu... 

1. Di' kaw makasud pa kuta' sin Tuhan ( bang in maksud sin kuta' amuna in panglappasi niya ha kabinsanaan ha ahirat ) apabila di' magad in tibuwsan ginhawa mu, pangatayan mu, pamaratsaya mu pa sharah sin Allahu Ta'ala iban bang kaw dih manunggali kaniya. Hatiniya bang masi aun pa kasirik halaum atay mu di' kaw makasud pa kuta' niya, sabab in sirik in yan lummi' ( najis ) halaum pangatayan, di' kaw pasurun palaum kuta bang kaw malummi'. 
2. Laung nila in kiyukum-kum mu amuna in paljanjian mu iban sin Tuhan ha waktu kaw sung na gumuwa' pa dunya, ubus in manga paljanjian yan dahun kaw magbak sin Tuhan ha sakahaba' dumatung in lima waktu. Sa' in manga ini wayruun dalil niya hangkan wayra paidda niya ingatun.
3. In katunggal sin Tuhan apabila lumanu' na in pangatayan mu ha shirik ( pagsakutu kaniya)..Wallahu a'alam...