Amah Maas
Assalamu alaykium manga taymanghud iban manga guru namu' kakasihan. Mabaya' aku mangasubu iban humati sin halan paglanu'-lanu' sin jasad iban sin nyawa. Manjari in pangasubu mabilang( consider ) baha Halal in kakaun amu in tiyugna' iban liyutu' sin sila manga bukun Muslim amun sila way paglanu'-lanu biya' na sin Junub iban Istinjah?
Jawab:
Tadjuk Lawihan
Wa alaykum mussalam Amah maas, magmaap kaw sin natahalah in sual mu, in jawab namuh ha pangasubu mu bihaini.. makajari kaw kumaun adjalan sin ahlul kitab (Kristiyan iban Yahudi), Palman sin Allahu Ta'ala :
{الْيَوْمَ أُحِلَّ لَكُمُ الطَّيِّبَاتُ وَطَعَامُ الَّذِينَ أُوتُواْ الْكِتَابَ حِلٌّ لَّكُمْ وَطَعَامُكُمْ حِلُّ لَّهُمْ
"Ha adlaw ini hiyalal na kaniyu in kakaun malanu'( amuin siyumbai' ha ngan sin ALLAHU TA'ALA), Iban hiyalal da isab kaniyu in kakaun sin manga Ahlul Kitab( Kristiyan iban Yahudi)".
In parman ini nagpatarrang sin halal katu' in kakaun sin manga Ahlul kitab, sumagawa' bang in iyadjal nila HARAM biyah sin Baboy, Iru' iban sin kaibanan haram, na! di' kita manjari kumaun. Upama biya' sin ha pangaunan( restaurant ) bang ha panghati ta in pangaunan(restaurant) yaun awn hipaglamud nila ha iyadjalan nila HARAM, na! tantu di' kita manjari kumaun, sumagawa' bang in iyadjalan nila wayruun da haram hipaglamud, na, manjari kita kumaun. wallahu a'alam...
