Es Dawami
Salam manga kaguruhan. Unu-unu naman in bahagian sin shi'ah? iban hawnu daing ha manga tumpukan nila ini in kafir in hukuman iban amun wala' miyabut in hukuman pa kafir? atawa kafir katan sila? Magsukul..
Jawab:
Tadjuk Lawihan
Wa alaykumus salam... In Shi'ah mataud in tumpukan nila;
- Aun Zaydiyyah,
- Ismailiyyah,
- Imamiyyah (Ja'fariyyah, ithna ashariyyah),
- duruz,
- Iban pa sin kaibanan( etc.)
In kamatauran kanila nangupur ha Sahabat sin Rasul(sallallahu alayhi wassalam) iban namung-mung ha kaasawahan sin Rasul
(sallallahu alayhi wassalam). In shi'ah pagkahi naglala'nat-liya'nati ra isab sibu'-sibu', sabab sin di' sila magsulut ha aqeedah (pagtayma'). In Shi'ah amuin masuuk pa ahlus sunnah amuna in Zaydiyyah sabab in aqeedah nila wala' nila kiyupur in manga sahabat iban tiyayma' nila in pagnakurah sin tuw(3) khalifa (abubakar, Umar iban Uthman) sumagawa' labi kanila in baginda Alih (Radiyallahu anhum ajmain).
Ampa in mahukum kufur amuna in manga nangla'nati ha tuw(3) khalifa(nakura') iban namungmung ha kaasawahan sin Rasul(sallallahu alayhi wassalam) iban sin nag-ihtikad in Qur'an bukun jukup, in manga nasabbut yan kakitaan mu ha Madzhab Imamiyyah (Ja'fariyyah, ithna ashariyyah) amuin iyaagaran bihaun sin Iran.
Ampa in Shi'ah amuin tarbilang(member) nila kulang da in panghati ha aqeedah nila biya' sin kabataan ha hula'. Hatiniya, hat sadja sila miyagad ha shi'ah sa' way panghati / bulung bahalul sila ha aqeedah sin shi'ah in yattu di' ta maitung kafir.
Ampa in kaguruhan nila amuin kiyahahatihan nilana in aqeedah yan sampay amuna in biyabaugbugan nila, na! in sila yadtu kafir in hukuman nila. wallahu a'alam..
