Nurjannah Askali G
Assalamu alaykum.. Aun hadja pangasubuhun ku manga kaguruhan namu', In aku ini nagmamasturat(nagniniqab) sa' kabayaan sin Ina' ku igun ku. Pasal in kabayaan nila subay na aku aun bana ha susungun. Sa' mabuga' aku mafitnah hangkan aku tiyutus ku magpakay niqab atawa nagmasturat. Manga hangka tahun(1year) na biyaun ha susungun bulan(coming) Ramadan ini insha'allah. Mangayu' aku patumtum (advice) bang unu in saraw-raw hinangun sabab kaingatan ku subay ku sila pgataatan, pasalan sila in surlga' ku di ha dunya ini, baba aku budjang. Magsukul (shukran)..
Jawab:
Tadjuk Lawihan
Wa alaykum mussalam...In pagnikab naruwa(2) in papanaw sin manga Ulamah,
- Laung sin kaibanan wajib
- Laung sin kaibanan bukun wajib,
Bang in pagnikab/ mastura't hasupaya di' makadihil fitnah hakausugan, na, subay mu di' agarun in Ina' mu sabab in yan wajib pardaakan sin Allahu Ta'ala,
Hadith sin Rasul (sallallahu alayhi wasallamaw):
LA TA'ATA LI MAKHLUQIN FI MA'SIATIL KHALIQ"
"Wayruun pagtaat pa piyapanjari bang in pangdaak niya hikapag ma'asiyat pa nagpapanjari".
Subay mu pasawahun marayaw ha Ina' mu in parkala' yan atawa manglawag kaw kaguruhan makanasihat ha Ina' mu ha hal sin pagnikab hasupaya mahamparu(maparihala') mu in awrat mu daing ha makadihil fitna.
Wallahu a'alam..
