Pangasubu:
Erlwin T. Asaali
Salam manga kataimanghuran. Mabaya' akuu mangasubu iban humati bang unu in puunan sin sambahayang? Magsukul kaniyu katan bat malaingkan pahatiya niyu tuud kita.
Jawab:
Tadjuk Lawihan
Wa alaykum mussalam...Landu' tuud in lingkat sin pangasubu mu ini hambuuk taimanghud. Misan bihadtu yari in jawab namuh..
In puunan sin Samabahayang, Zakat, Pagnaik Hadjih iban sin katan Ibadat pa ALLAHU TA'ALA amun in "TAWHEED".
Bang in manusiya' Magsambahayang na sadja, Magpuasa na sadja, MagHadjih na sadja iban sin katan ibadat hinangun niya, na, apabila in Aqeedah niya bukun sahi(bunnal) tantu di' taymaun sin Allahu Ta'ala in katan ibadat niya. Laung sin manga Ulamah gagandilan ha Aqeedah,
"AL-AQEEDATUS SAHIHAH ASASU KULLIL IBADAT",
"in Aqeedah Sahi (sabunnal) amuna in puunan sin katan Ibadat".
Hatiniya bang in puunan niya larak tantu in katan sin sanga niya larakda isab. Parman sin Allahu Ta'ala:
{ لَئِنْ أَشْرَكْتَ لَيَحْبَطَنَّ عَمَلُكَ وَلَتَكُونَنَّ مِنَ الْخَاسِرِينَ} (65) سورة الزمر
"Tantu bang kaw nagshirik pa Allahu Ta'ala (Ya Muhammad) nah sabunnal tuud malarak in katan Ibadat mu iban maitung nakaw dain ha manga tau lussung ha adlaw ahirat "(Surah Az-Zumar:65) In parman yan tarsampay pa nabi Muhammad (sallallahu alayhi wa sallam), na, bang malarak in Ibadat sin Nabi Muhammad(sallallahu alayhi wa sallam), sabab sin pagshirik, na, biyadiin na baha' in Ummat niya? Ampa in Aqeedah bukun sahi hatiniya in yan Aqeedah lawung, na in lawan sin Aqeedah sahi amuna in Shirik..
wallahu a'lam...
