Pagsalawat ha Tarawe

Pangasubu:
Abdel Hassan

assalamu alaikum mga guru namu kalasahan, pangasubu sin ako AUN BAHA NAKA BUTANG HA LAUM QUR'AN ATAWA HADITHS NAMAYTA BIDAA IN MAGSALAWAT HA SAMBAHAYANG TARAWEE HA UBUS NA KITA SIMA SALAM? PASAWAHA KUNU TUAN GURU KAMU.. MAGSUKUL..



Jawab:

Tadjuk Lawihan

 وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ} (7) سورة الحشر

IBAN UNU-UNUNA IN NAPARATUNG KANIYU (KIYAPANGHINDUH) SIN RASUL (MUHAMMAD sallallahu alayhi wasallam) NAH KAWAA NIYU (baugbugi), IBAN UNU-UNUNA IN PIYANGLANGAN NIYA KANIYU NAH TAHGAHI NIYU, IBAN PAGMABUGAH KAMU PA ALLAHU TA'ALA SABUNNAL TUUD IN ALLAHU TA'ALA SANGAT MAPANGSAN IN PANIKSA' NIYA (Surah Al-Hashr :7)

In pangasubu; unu nahinang bahah sin Rasul (sallallahu alayhi wasallam) iban kiyapanghinduh bahah niya in magsalawat puas sin Tarawih biyah sin kakahinang sin manga Muslim ha masa bihayaun.???

Bang niya nahinang atawa kiyapangdaak, nah subay natuh hinangun sabab siya in suntuan natuh ha pag ibadat..

Bang isab walah niya nahinang nah subay natuh tinggalan, sabab in Rasul (sallallahu alayhi wasallam) wayruun dain ha manga ibadat manahut maaslag in tinggalan niya, duun ha ini manunjuki in pagtinggal niya ha hambuuk unu-unu tandah sin bukun ibadat..

Adakalah awn pa magfollow-up question biyah sin ini:

Unu awn ka isab dalil namaytah piyanglangan niya in kakahinang ini..???

In sambag: Hadith sin Rasul (sallallahu alayhi wasallam)
من عمل عملا فليس عليه أمرنا فهو رد

HISIYU SIYU IN HUMINANG SIN KAKAHINANG HA BUKUN DAIN HA PIYANGDAAKAN NAMUH NAH DIH TAYMAUN KANIYA


Follow up Question:

Abdel Hassan follow up question guru namu kalasahan, pagka way nahinang sin rasul s.a.w in mag salawat ha tarawee ha amu in ubus na sima salam sa kahaba duwa ruwa rakaat,bkun ba aun hadiths sin rasul s.a.w hi syo2x in mka salawat kaku mka 1 salawatan sya sin allah mka 10, hi syo2x in mka salawat kaku mka 10 salawatan sya sin allah mka 100 hi syo2x in mka salawat kaku mka 100 salawatan sya sin allah mka 1000, hi syo2x in kasalawatan sin allah mka 1000, di na sya duklatan sin kayo ha apin narka jahannam, pangasubu way baha naka sud di haini in pagsalawat ha tarawee amun puas na kta simalam?

Jawab:

Tadjuk Lawihan ‎Abdel Hassan, hangkan ngiyanan TARAWEH sabab in ma'ana niya PAGHALI-HALI, nah in manga sahabat iban tabi'in ha ubus nila sumambahayang duwa raka'at atawa upat raka'at in sila humali-hali atawa tumawaf ha ka'bah, ha paghali-hali mu duun naka massa kaw Qur'an atawa jumikir kaw pa Allahu Ta'ala atawa sumalawat kaw pa Rasul (sallallahu alayhi wasallam), sah in jikir ini individual bukun biyah sin duun ha hulah bang hitilahak sin bilal in salawat UMULAK PA TAAS IN JAMA'AH iban agi ALLAHUMMA SALLI WA SALLI MUALAYYYYYYYYYYYYYYYYYYYYYYYYYYYYYYY..!!!!!!!!! nah tantu tuud in ini Bid'ah... walah nahinang sin Rasul (saw) iban sahabat niya iban walah da isab piyangdaakan niya..


Follow up Question:

Abdulkadil Isaac salam tuan magmaaf mangasubo in hambouk taymanghud mo ini mahlum na kato in salawat ini wala siya na hinag sin rasul hangkanna piyanglan na sin mga kaguruhan ta in hal ini, in asubo ko na hinag sin rasul pag ijaja pag ubus sin upat rakaat sambahayang tarawebi biya na sin pag hinangun di ha hulah ta.?


Jawab:

Tadjuk Lawihan ‎Abdulkadil Isaac.. biyah na sin agi in yan himali-hali sila, nah pagka naghali-hali misan dakuman hambuuk hadith atawa duwa in pasawahun ha manga jama'ah .. adapun bang in pagnasihat mahinang na biyah kahantang wajib subay tuud hinangun sakahabah upat raka'at nah in yan bukun na ha panghinduh sin Rasul (saw).. ... wallahu a'alam... pangasubu kamu ha kaibanan guru