Pangadjian:
Abu Abdirahmaan
Mahalga’ ha Zakat Al-Fitr
Bismillaahi walhamdulillaah wassalaatu wassalaamu ‘alaa Rasulillah...
Ma’na sin zakat ha bahasa iban ha sara’:
Daing ha manga ma’na sin zakat, nasabbut ha Lisaanul ‘Arab ha baab zakaa: Iban in kariasali sin Az-Zakaat ha bahasa At-Tahara(Pagsutsi),, An-Namaa’(Pagtubu’), Al-Baraka(Pagta’ud sin karayawan) iban Al-Madh(Pagsanglit) iban in katan yan tantu na’usal ha Al-Qur’an iban hadith.
Adapun in ma’na zakat ha sara’ - Pagtag-iypun pa Allah labay daing ha pagpaguwa’ sin unu-unu na piyawajib sin Allah, daing naman ha alta’ siyara' Niya in subay zakatan, hitukbal ha tumpukan/ ginisan sin manusiya’ tartantu ha waktu piyawajib sin Allah atawa Rasul Niya (sallallaahu ‘alayhi wa sallam).
In hati sin Al-Fitr ha bahasa nasabbut ha Taaj Al-‘Aruws: In Al-Fitr, biyarisan in “faa’” sin baris ha baba’, (in hati niya) Pagba’tal sin puasa, (in upamahan sin jumla biya’ na) Fatara As-Saa’imu (Nagbuka’ in ta’u nagpupu’asa)…, (in hati niya; fatara) kima’un iban minum.
Adaapun in ma’ana sin Al-Fitr ha aagama Islaam biya’ na kabiyaksahan sin mga muslimeen dayng ha jaman pa sin rasuwlullaah sallallaahu ‘alayhi wa sallam, bang in agi sin hangka-ta’u “eid al-fitr”manunjuki pa paglami-lami ha pagbuka’(pag-inum/makan) sin mga muslimeen puwas sin bulan ramadhaan, hangkan ha adlaw eid (Al-Fitr/Al-Adha) hiyaram sin sara’ in pagpuasa.
Dayng ha sabab sin mga nasabbut, In ma’ana sin zakaatul fitr siya na in zakaat hitukbal dayng ha pagsadlup sin suga ha hinapusan sin bulan ramadhaan sampay di’ pa tumindug in sambahayang eid al-fitr, in daleel:
عن ابن عمر – رضى الله عنهما – قال فرض رسول الله – صلى الله عليه وسلم – زكاة الفطر صاعا من تمر ، أو صاعا من شعير على العبد والحر ، والذكر والأنثى ، والصغير والكبير من المسلمين ، وأمر بها أن تؤدى قبل خروج الناس إلى الصلاة
Bayta’ dayng kan (Abdullaah) Ibn ‘Umar radiallaahu ‘anhumaa, in agi niya: Fiyardu’ sin rasuwlullaah sallallaahu ‘alayhi wa sallam in zakaat al-fitr hangka-saa’ dayng ha tamar(hulma’) atawa hangka-saa’ dayng ha sha’eer(barley/dayng ha mga ginisan sin pay) ha iypun iban limaya, ha usug iban baba’i, ha bata’-bata’ iban mala’as, dayng ha mga muslimeen, iban nangda’ak (in rasuwlullaah) hitukbal siya ha di’ pa makaguwa’ in mga maanusiya’ pa sambahayang (eid’l fitr) [Saheeh Al-Bukhaariy]
Hisiyu in kiyawaajiban magzakat?
In tiyap-tiyap muslim makaga’us dumihil zakaat naa’ nawaajib kaniya, biya’ na sin hadeeth hi Abdullaah bin ‘Umar radiallaahu ‘anhu amu’in nasabbut natu’ ha ta’as, kiyawaajiban in kataan sampay bata’-bata’, na’asubu in tumpukan sin mga ulamaa’ ha Saudi Arabia, in agi sin nangasubu:
هل الطفل الذي ببطن أمه تدفع عنه زكاة الفطر أم لا
Unu in bata’-bata’ amuy’in ha laum tiyan sin ina’ niya, paguwa’an/bayawan siya zakaat al-fitr atawa di’?
In jawab nila:
يستحب إخراجها عنه لفعل عثمان رضي الله عنه ولا تجب عليه لعدم الدليل على ذلك.
Miyarayaw in pagpaguwa’ sin zakaat niya ha karna’ sin hinang hi ‘Uthmaan radiallaahu ‘anhu, iban bukun waajib kaniya ha karna’ wayru’un daleel manunjuki ha damikkiyan. [su’aal umbul 1474, fataawaa Al-Lajna Ad-Daa’ima Lilbuhuwth Al-‘Ilmiyya, piyag-uwhanan hi Sheikh AbdulAzeez bin Abdillaah bin Baaz rahimahullaah]
In labi afdal, in tiyap-tiyap muslim makaga’us magnapaka zakatan niya in baran niya iban zakatan niya in hsiyu-siyu na niyanapakahan niya, biya’ na asawa iban anak niya.
In di’ makaga’us dumihil zakaat ha karna’ wayru’un hikapangdihil niya atawa hikamudaarat kaniya atawa ha ahli niya bang siya magpaguwa’ zakaat, naa’ way siya/sila kiyawaajiban.
Ka’nu nawaajib in zakaat al-fitr?
Nawaajib in zakaat al-fitr ha bulan nawaajib in ramadhaan ha hikaruwa tahun dayng ha paghijra sin rasuwlullaah sallallaahu ‘alayhi wa sallam iban sin mga sahabah niya, in agi hi Imaam An-Nawawiy rahimahullaah:
وفي السّنة الثانية حُوِّلت القبلةُ إلى الكعبة، وفيها فُرض صوم رمضان, وفيها فُرضت صدقة الفطر
Iban ha tahun hikaruwa (sin hijra) panda in qibla pa ka’ba (dayng ha baytal maqdis ha Palestine) iban ha laum niya nafardu’ in pagpuasa ha ramadhaan, iban ha laum niya nafardu’ in sadaqatul fitr [Tahdheeb Al-Asmaa’ wa Al-Lughaat 1/20]
In agi hi Ibn Muflih:
والظاهر أنّ فرضَها مع رمضان من السّنة الثانيّة من الهجرة
Iban in matampal sin bunnal tu’ud nafardu’ siya sarta’ sin ramadhaan ha tahun hikaruwa dayng ha paghijra. [Kitaab Al-Mubdi’ Sharh Al-Muqni’ 2/384]
Ku’nu mawaajib in zakaat al-fitr:
Nagkhilaaf in mga ulamaa’ ha parkala’ ini:
In agi sin kamata’uran/jumhuwr sin ulamaa’ “dayng ha pagsadlup sin suga’ ha hinapusan adlaw sin ramadhaan atawa dum sin eid’l fitr”
In agi sin ka’ibanan “puwas sin pagguwa’ sin fajr ha adlaw eid’l fitr”, amu ini in madhhab hi Imaam Abu Haneefa, hambu’uk riwaayat dayng kan Imaam Maalik iban amu ini in panindug hi Ibn Hazm.
Kaniya-kaniya iban daleel niya in mga ulamaa’ malaingkan qawl makusug amuna in kiyabayta’ ha umbul 1 sarta’ amu’ini in pini’ hi Sheikh Al-‘Uthaymeen rahimahullaah, in agi niya ha Sharh Al-Mumti’ ‘alaa Zaad Al-Mustaqni’:
قوله: «بغروب الشمس ليلة الفطر» هذا هو وقت الوجوب، أي الوقت الذي يوجه فيه الخطاب إلى الإنسان بإخراجها هو وقت غروب الشمس ليلة الفطر، والدليل حديث ابن عمر ـ رضي الله عنهما ـ: «فرض رسول الله صلّى الله عليه وسلّم صدقة الفطر من رمضان» [(148)]؛ ولأنها تسمى صدقة الفطر فتضاف إليه، والفطر من رمضان يتحقق بغروب الشمس ليلة عيد الفطر.
In himumungan niya(Abu An-Najaa Al-Hijaawiy rahimahullaah) “ha pagsadlup sin suga dum sin (eid) al-fitr”, in ini siya na in waktu sin kawaajib (sin pagpaguwa’ sin zakaat al-fitr), in hati niya waktu amu’in biyayta’an in maanusiya’ sin pagpaguwa’ kaniya, siya na in waktu pagsadlup sin suga ha dum sin eid al-fitr, iban in daleel amuna in hadeeth hi Ibn ‘Umar radiallaahu ‘anhumaa “fiyardu’ sin rasuwlullaah sallallaahu ‘alayhi wa sallam in zakaatul fitr dayng ha ramadhaan”, iban ha karna’ in siya ngiyaanan sadaqatul fitr naa’ siyugpat madtu kaniya(al-fitr), iban in Al-Fitr(pagbuka’ atawa pag-inum-makan) dayng ha ramadhaan masabunnal ha pagsadlup sin suga ha dum sin eid al-fitr.
Unu manjari tumukbal sin zakaatul fitr misan maka’una dayng ha waktu sin kawaajib kaniya?
In jawab manjari, ha karna’ nahinang sin mga kiyada’an sin Allaah, mga sahabah sin rasuwlullaah sallallahau ‘alayhi wa sallam, nasabbut hi Imaam Al-Bukhaariy ha kitaab niya Saheeh Al-Bukhaariy:
وكانوا يعطون قبل الفطر بيوم أو يومين
Iban in ka’awnan nila (mga sahabah radiallaahu ‘anhum) hitukbal nila (in zakaat al-fitr) maka’una dayng ha eid hangka-adlaw atawa duwa adlaw.
In agi hi Sheikh Al-‘Uthaymeen rahimahullaah:
وقال بعض العلماء: يجوز إخراجها من أول الشهر، وهذا ضعيف؛ لأنها لا تسمى صدقة رمضان، وإنما تسمى صدقة الفطر من رمضان.
In agi sin ka’ibanan ulamaa’: manjari in magpaguwa’ kaniya ha panagna’an sin bulan, in (bissara) ini malamma, ha karna’ way ngiyanan (in zakaat al-fitr) sadaqa/zakaat ramadhaan, buwat malaingkan ngiyanan siya sadaqa/zakaat al-fitr dayng ha ramadhaan.
In agi pa hi Sheikh Al-‘Uthaymeen rahimahullaah:
مسألة: لو أخرج زكاة الفطر يوم سبع وعشرين وتم الشهر فهل يجزئ؟
الجواب: لا يجزئ، فهو كمن صلى قبل الوقت ظاناً أن الوقت قد دخل.
Hambu’uk pangasubu: Bang saupama nagpaguwa’ zakaat al-fitr ha adlaw 27 (3 adlaw naka’una dayng ha eid) iban jukup in bulan (30 adlaw), unu tayma’un/manjari?
In jawaab: Di’ tayma’un/manjari, in siya biya’ sin hangka-ta’u simambahayang ha way pa simud in waktu (kawaajib ha sambahayang) naghuna’-huna’ siya sin in waktu (kawaajib) simud na. [Sharh Al-Mumti’ ‘alaa Zaad Al-Mustaqni’]
Unu in hipaguwa’/hipangdihil/hipa
In zakaatul fitr ibaadat, dayng ha sabab yan di’ tayma’un sin Allaah in ibaadat ini malaingkan subay ima’atap ha sunnat sin rasuwl Niya sallallaahu ‘alayhi wa sallam, biya’ na sin hadeeth nasabbut, balikan natu’, in agi hi Abdullaah bin ‘Umar radiallaahu:
فرض رسول الله – صلى الله عليه وسلم – زكاة الفطر صاعا من تمر أو صاعا من شعير….
Fiyardu’ sin rasuwlullaah sallallaahu ‘alayhi wa sallam in zakaat al-fitr hangka-saa’ dayng ha tamar(hulma’) atawa hangka-saa’ dayng ha sha’eer(barley/dayng ha mga ginisan sin pay)….
Iban bayta’ dayng kan Abuw Sa’eed Al-Khudriy radiallaahu ‘anhu, in agi niya:
كنا نعطيها فى زمان النبى – صلى الله عليه وسلم – صاعا من طعام ، أو صاعا من تمر ، أو صاعا من شعير ، أو صاعا من زبيب….
In ka’awnan namu’ hitukbal namu’ siya(zakaatul fitr) ha jaman sin nabiy sallallaahu ‘alayhi wa sallam hangkan-saa’ dayng ha pagka’un(Al-Burr/trigu) atawa hangka-saa’ dayng ha tamar(hulma’) atawa hangka-saa’ dayng ka sha’eer(barley/dayng ha mga ginisan sin pay) atawa hangka-saa’ dayng ha zabeeb(raisins/pasas)…. [Saheeh Al-Bukhaariy]
Matampal ha hadeeth nasabbut sin in hipagzakat sin mga sahabah pagka’un ha qawman nila, damikkiyan ha jaman ini, in agi sin mga ulamaa’ unu-unu na in pagka’un sin qawman yan amu yadtu in subay hipagzakat nila; Bang saupama in pagka’un sin qawman bugas naa’ bugas in hitukbal, bang saupama pansit in pagka’un nila naa’ in hitukbal subay bihon/sotanghon/etc, bang isab tinapay in pagka’un nila naa’ tukbalan ta trigu, etc….
Pila kilo in tupungan sin hangka-saaa’?
In hangka-saa’ sin rasuwlullaah sallallaahu ‘alayhi wa sallam 2 kilo labi, in agi hi Sheikh Al-‘Uthaymeen rahimahullaah:
…ومقدار الصاع كيلوان وأربعون غراماً من البُر الجيِّد ، هذا هو مقدار الصاع النبوي الذي قدر به النبي صلى الله عليه وسلّم الفطرة.
…Iban in timbangan sin hangka-saa’ 2 kilo iban 40 gram (2.04 kg) dayng ha Al-Burr marayaw, ini in timbangan sin hangka-saa’ sin nabiy amu’in giyanta’ siya sin nabiy sallallaahu ‘alayhi wa sallam ha pagpitla’. [Fusool fiy As-Siyaam wa At-Taraaweeh wa Az-Zakaat]
in agi hi Sheikh Bin Baaz rahimahullaah:
فإذا أخرج ثلاثة كيلو عن الصاع للفطرة زكاة الفطر فقد أخرج شيئًا كافيًا
Naa’ apabila nagpaguwa’/nagzakat siya tuw kilo tungbas sin hangka-saa’ hipagpitla’ sin zakaat al-fitr tantu tu’ud mamarahi na in kiyatukbal niya. [Fataawaa Nuwrun ‘alaa Ad-Darb 15/286]
Hisiyu in tukbalan sin zakaat al-fitr?
Nabahagi’ nagduwa in qawl sin ulamaa’ ha tungud sin parkala’ ini,
In tukbalan sin zakaat al-fitr biya’ da sin zakaat al-maal (8 sinip)
In tukbalan sin zakaat al-fitr ha fuqaraa’ (mga miskin sadja dayng ha mga muslim)
In qawl mattan amuna in umbul duwa, hitukbal in zakaat al-fitr ha mga miskin, in daleel tartantu ha qawl ini amuna in hadeeth kiyabayta’ hi Abdullaah bin Al-‘Abbaas radiallaahu ‘anhu, in agi niya:
فرض رسول الله -صلى الله عليه وسلم- زكاة الفطر طهرة للصائم من اللغو والرفث وطعمة للمساكين من أداها قبل الصلاة فهى زكاة مقبولة ومن أداها بعد الصلاة فهى صدقة من الصدقات
Fiyardu’ sin rasuwlullaah sallallaahu ‘alayhi wa sallam in zakaat al-fitr hipagsutsi ha magpupu’asa dayng ha bissara way pus-paa’idda niya iban bissara mangi’ iban pagka’un ha mga miskin, hisiyu-siyu in timukbal kaniya ha way pa (timindug) in sambahayang (‘eid al-fitr) naa’ in siya zakaat tiyayma’ (sin Allaah), iban hisiyu-siyu in timukbal kaniya puwas sin sambahayang naa’ in siya (mabilang) sadaqqa (ra kuman) dayng ha mga kasadaqqa-sadaqqahan [Abiy Daawud, Ibn Maajah, Ad-Daaraqutniy, Al-Bayhaqiy, Al-Haakim miyaraw hi Imaam Al-Albaaniy rahimahullaah]
Amu’ini in madhab hi Imaam Maalik, sarta’ pini’ hi Ibn Taymiyyah iban sin murid niya hi Ibn Al-Qayyim, damikkiyan amu ini in pini’ hi Sheikh Bin Baaz, Sheikh Al-‘Uthaymeen iban na sin ka’ibanan…. [http://www.islamqa.info/ar
Unu manjari mata sin in hikatukbal ganti’ sin pagka’un/bugas?
In jawab mattan ha pangasubu ini di’ manjari, amu’ini in panindug sin kamata’uran sin ulamaa’ biya’ na kan Imaam Ahmad, Imaam Maalik, Imaam Ash-Shaafi’iy, Ibn Hazm Adh-Dhaahiriy, Ash-Shawkaaniy, iban na sin mga ulamaa’ ha jaman ini: Sheikh Bin Baaz, Sheikh Al-‘Uthaymeen, Sheikh Al-Albaaniy iban na sin ka’ibanan rahimahullaah.
In nag-iyan isab manjari magpaguwa’ qeema(price atawa sin) tungbas/ganti’ sin pagka’un amuna in madh-hab hi Abu Haneefa rahimahullaah.
Tima’ud na in bissara ha antara’ sin nag-iyan di’ manjari iban manjari ha parkala’ ini, ha kahawpu’an niya in nag-iyan di’ manjari naa’ landu’ makusug in daleel nila ha karna’, yari in pagsababan bang mayta’:
In zakaatul fitr ibaadat, in tiyap-tiyap ibaadat tawqifiyya, hati niya di’ kita manjari huminang sin unu-unu na ibaadat malaingkan subay awn daleel iban ma’agad in kabaya’an sin daleel, naa’ in siyabbut sin rasuwlullaah sallallaahu ‘alayhi wa sallam pagka’un bukun sin.
Awn na sin/pilak ha jaman sin rasuwlullaah sallallaahu ‘alayhi wa sallam iban sin mga sahabah niya, malaingkan wayru’un in rasuwlullaah sallallaahu ‘alayhi wa sallam nangda’ak magpaguwa’/tumukbal sin hipagzakaat.
Bang saupama awn mag-iyan in miskin barhaajat ha sin atawa tamungun naa’ mayta’ di’ kahatihan sin Allaah iban rasuwl Niya in haajat sin miskin hangkan in siyara’ hitukbal subay pagka’un?
Di’ natu’ manjari kawa’un in bissara sin hisiyu-siyu sin yari matampal in bissara sin rasuwlullaah sallallaahu ‘alayhi wa sallam ha parkala’ ini, bukun ka rasuwlullaah sallallaahu ‘alayhi wa sallam in sintu’an natu’?
Ku’nu manjari tumukbal sin ganti’ sin pagka’un?
Manjari tumukbal sin/pilak bang in pagka’un biya’ na bugas upamahan di’ hikamunfa’at ha miskin, biya’ na saupama hambu’uk miskeen nakalandu’ wayru’un misan kusina niya, unu pa ka kusina in awn misan in bay wayru’un, naa’ bang mu dihilan bugas di’ ra niya malutu’, MALAINGKAN nagpahalli’ in mga ulamaa’ sin ayaw magpalu’ag dayng ha ini, ha sabab sin pagpalu’ag sin ka’ibanan naa’ naguwa’ na sila dayng ha daleel.
Bang awn saupama kasa’an naa’ magma’ap kamu iban pasawaha niyu ha karna’ waajib in magpasawa sin kasa’an, in katan imamu in yan tawfeeq/rahmat dayng ha Allaah katu’ taniyu kataan, wa billaahi at-tawfeeq wal hidaayah, wallaahu a’lam bissawaab.
Ma’na sin zakat ha bahasa iban ha sara’:
Daing ha manga ma’na sin zakat, nasabbut ha Lisaanul ‘Arab ha baab zakaa: Iban in kariasali sin Az-Zakaat ha bahasa At-Tahara(Pagsutsi),, An-Namaa’(Pagtubu’), Al-Baraka(Pagta’ud sin karayawan) iban Al-Madh(Pagsanglit) iban in katan yan tantu na’usal ha Al-Qur’an iban hadith.
Adapun in ma’na zakat ha sara’ - Pagtag-iypun pa Allah labay daing ha pagpaguwa’ sin unu-unu na piyawajib sin Allah, daing naman ha alta’ siyara' Niya in subay zakatan, hitukbal ha tumpukan/ ginisan sin manusiya’ tartantu ha waktu piyawajib sin Allah atawa Rasul Niya (sallallaahu ‘alayhi wa sallam).
In hati sin Al-Fitr ha bahasa nasabbut ha Taaj Al-‘Aruws: In Al-Fitr, biyarisan in “faa’” sin baris ha baba’, (in hati niya) Pagba’tal sin puasa, (in upamahan sin jumla biya’ na) Fatara As-Saa’imu (Nagbuka’ in ta’u nagpupu’asa)…, (in hati niya; fatara) kima’un iban minum.
Adaapun in ma’ana sin Al-Fitr ha aagama Islaam biya’ na kabiyaksahan sin mga muslimeen dayng ha jaman pa sin rasuwlullaah sallallaahu ‘alayhi wa sallam, bang in agi sin hangka-ta’u “eid al-fitr”manunjuki pa paglami-lami ha pagbuka’(pag-inum/makan) sin mga muslimeen puwas sin bulan ramadhaan, hangkan ha adlaw eid (Al-Fitr/Al-Adha) hiyaram sin sara’ in pagpuasa.
Dayng ha sabab sin mga nasabbut, In ma’ana sin zakaatul fitr siya na in zakaat hitukbal dayng ha pagsadlup sin suga ha hinapusan sin bulan ramadhaan sampay di’ pa tumindug in sambahayang eid al-fitr, in daleel:
عن ابن عمر – رضى الله عنهما – قال فرض رسول الله – صلى الله عليه وسلم – زكاة الفطر صاعا من تمر ، أو صاعا من شعير على العبد والحر ، والذكر والأنثى ، والصغير والكبير من المسلمين ، وأمر بها أن تؤدى قبل خروج الناس إلى الصلاة
Bayta’ dayng kan (Abdullaah) Ibn ‘Umar radiallaahu ‘anhumaa, in agi niya: Fiyardu’ sin rasuwlullaah sallallaahu ‘alayhi wa sallam in zakaat al-fitr hangka-saa’ dayng ha tamar(hulma’) atawa hangka-saa’ dayng ha sha’eer(barley/dayng ha mga ginisan sin pay) ha iypun iban limaya, ha usug iban baba’i, ha bata’-bata’ iban mala’as, dayng ha mga muslimeen, iban nangda’ak (in rasuwlullaah) hitukbal siya ha di’ pa makaguwa’ in mga maanusiya’ pa sambahayang (eid’l fitr) [Saheeh Al-Bukhaariy]
Hisiyu in kiyawaajiban magzakat?
In tiyap-tiyap muslim makaga’us dumihil zakaat naa’ nawaajib kaniya, biya’ na sin hadeeth hi Abdullaah bin ‘Umar radiallaahu ‘anhu amu’in nasabbut natu’ ha ta’as, kiyawaajiban in kataan sampay bata’-bata’, na’asubu in tumpukan sin mga ulamaa’ ha Saudi Arabia, in agi sin nangasubu:
هل الطفل الذي ببطن أمه تدفع عنه زكاة الفطر أم لا
Unu in bata’-bata’ amuy’in ha laum tiyan sin ina’ niya, paguwa’an/bayawan siya zakaat al-fitr atawa di’?
In jawab nila:
يستحب إخراجها عنه لفعل عثمان رضي الله عنه ولا تجب عليه لعدم الدليل على ذلك.
Miyarayaw in pagpaguwa’ sin zakaat niya ha karna’ sin hinang hi ‘Uthmaan radiallaahu ‘anhu, iban bukun waajib kaniya ha karna’ wayru’un daleel manunjuki ha damikkiyan. [su’aal umbul 1474, fataawaa Al-Lajna Ad-Daa’ima Lilbuhuwth Al-‘Ilmiyya, piyag-uwhanan hi Sheikh AbdulAzeez bin Abdillaah bin Baaz rahimahullaah]
In labi afdal, in tiyap-tiyap muslim makaga’us magnapaka zakatan niya in baran niya iban zakatan niya in hsiyu-siyu na niyanapakahan niya, biya’ na asawa iban anak niya.
In di’ makaga’us dumihil zakaat ha karna’ wayru’un hikapangdihil niya atawa hikamudaarat kaniya atawa ha ahli niya bang siya magpaguwa’ zakaat, naa’ way siya/sila kiyawaajiban.
Ka’nu nawaajib in zakaat al-fitr?
Nawaajib in zakaat al-fitr ha bulan nawaajib in ramadhaan ha hikaruwa tahun dayng ha paghijra sin rasuwlullaah sallallaahu ‘alayhi wa sallam iban sin mga sahabah niya, in agi hi Imaam An-Nawawiy rahimahullaah:
وفي السّنة الثانية حُوِّلت القبلةُ إلى الكعبة، وفيها فُرض صوم رمضان, وفيها فُرضت صدقة الفطر
Iban ha tahun hikaruwa (sin hijra) panda in qibla pa ka’ba (dayng ha baytal maqdis ha Palestine) iban ha laum niya nafardu’ in pagpuasa ha ramadhaan, iban ha laum niya nafardu’ in sadaqatul fitr [Tahdheeb Al-Asmaa’ wa Al-Lughaat 1/20]
In agi hi Ibn Muflih:
والظاهر أنّ فرضَها مع رمضان من السّنة الثانيّة من الهجرة
Iban in matampal sin bunnal tu’ud nafardu’ siya sarta’ sin ramadhaan ha tahun hikaruwa dayng ha paghijra. [Kitaab Al-Mubdi’ Sharh Al-Muqni’ 2/384]
Ku’nu mawaajib in zakaat al-fitr:
Nagkhilaaf in mga ulamaa’ ha parkala’ ini:
In agi sin kamata’uran/jumhuwr sin ulamaa’ “dayng ha pagsadlup sin suga’ ha hinapusan adlaw sin ramadhaan atawa dum sin eid’l fitr”
In agi sin ka’ibanan “puwas sin pagguwa’ sin fajr ha adlaw eid’l fitr”, amu ini in madhhab hi Imaam Abu Haneefa, hambu’uk riwaayat dayng kan Imaam Maalik iban amu ini in panindug hi Ibn Hazm.
Kaniya-kaniya iban daleel niya in mga ulamaa’ malaingkan qawl makusug amuna in kiyabayta’ ha umbul 1 sarta’ amu’ini in pini’ hi Sheikh Al-‘Uthaymeen rahimahullaah, in agi niya ha Sharh Al-Mumti’ ‘alaa Zaad Al-Mustaqni’:
قوله: «بغروب الشمس ليلة الفطر» هذا هو وقت الوجوب، أي الوقت الذي يوجه فيه الخطاب إلى الإنسان بإخراجها هو وقت غروب الشمس ليلة الفطر، والدليل حديث ابن عمر ـ رضي الله عنهما ـ: «فرض رسول الله صلّى الله عليه وسلّم صدقة الفطر من رمضان» [(148)]؛ ولأنها تسمى صدقة الفطر فتضاف إليه، والفطر من رمضان يتحقق بغروب الشمس ليلة عيد الفطر.
In himumungan niya(Abu An-Najaa Al-Hijaawiy rahimahullaah) “ha pagsadlup sin suga dum sin (eid) al-fitr”, in ini siya na in waktu sin kawaajib (sin pagpaguwa’ sin zakaat al-fitr), in hati niya waktu amu’in biyayta’an in maanusiya’ sin pagpaguwa’ kaniya, siya na in waktu pagsadlup sin suga ha dum sin eid al-fitr, iban in daleel amuna in hadeeth hi Ibn ‘Umar radiallaahu ‘anhumaa “fiyardu’ sin rasuwlullaah sallallaahu ‘alayhi wa sallam in zakaatul fitr dayng ha ramadhaan”, iban ha karna’ in siya ngiyaanan sadaqatul fitr naa’ siyugpat madtu kaniya(al-fitr), iban in Al-Fitr(pagbuka’ atawa pag-inum-makan) dayng ha ramadhaan masabunnal ha pagsadlup sin suga ha dum sin eid al-fitr.
Unu manjari tumukbal sin zakaatul fitr misan maka’una dayng ha waktu sin kawaajib kaniya?
In jawab manjari, ha karna’ nahinang sin mga kiyada’an sin Allaah, mga sahabah sin rasuwlullaah sallallahau ‘alayhi wa sallam, nasabbut hi Imaam Al-Bukhaariy ha kitaab niya Saheeh Al-Bukhaariy:
وكانوا يعطون قبل الفطر بيوم أو يومين
Iban in ka’awnan nila (mga sahabah radiallaahu ‘anhum) hitukbal nila (in zakaat al-fitr) maka’una dayng ha eid hangka-adlaw atawa duwa adlaw.
In agi hi Sheikh Al-‘Uthaymeen rahimahullaah:
وقال بعض العلماء: يجوز إخراجها من أول الشهر، وهذا ضعيف؛ لأنها لا تسمى صدقة رمضان، وإنما تسمى صدقة الفطر من رمضان.
In agi sin ka’ibanan ulamaa’: manjari in magpaguwa’ kaniya ha panagna’an sin bulan, in (bissara) ini malamma, ha karna’ way ngiyanan (in zakaat al-fitr) sadaqa/zakaat ramadhaan, buwat malaingkan ngiyanan siya sadaqa/zakaat al-fitr dayng ha ramadhaan.
In agi pa hi Sheikh Al-‘Uthaymeen rahimahullaah:
مسألة: لو أخرج زكاة الفطر يوم سبع وعشرين وتم الشهر فهل يجزئ؟
الجواب: لا يجزئ، فهو كمن صلى قبل الوقت ظاناً أن الوقت قد دخل.
Hambu’uk pangasubu: Bang saupama nagpaguwa’ zakaat al-fitr ha adlaw 27 (3 adlaw naka’una dayng ha eid) iban jukup in bulan (30 adlaw), unu tayma’un/manjari?
In jawaab: Di’ tayma’un/manjari, in siya biya’ sin hangka-ta’u simambahayang ha way pa simud in waktu (kawaajib ha sambahayang) naghuna’-huna’ siya sin in waktu (kawaajib) simud na. [Sharh Al-Mumti’ ‘alaa Zaad Al-Mustaqni’]
Unu in hipaguwa’/hipangdihil/hipa
In zakaatul fitr ibaadat, dayng ha sabab yan di’ tayma’un sin Allaah in ibaadat ini malaingkan subay ima’atap ha sunnat sin rasuwl Niya sallallaahu ‘alayhi wa sallam, biya’ na sin hadeeth nasabbut, balikan natu’, in agi hi Abdullaah bin ‘Umar radiallaahu:
فرض رسول الله – صلى الله عليه وسلم – زكاة الفطر صاعا من تمر أو صاعا من شعير….
Fiyardu’ sin rasuwlullaah sallallaahu ‘alayhi wa sallam in zakaat al-fitr hangka-saa’ dayng ha tamar(hulma’) atawa hangka-saa’ dayng ha sha’eer(barley/dayng ha mga ginisan sin pay)….
Iban bayta’ dayng kan Abuw Sa’eed Al-Khudriy radiallaahu ‘anhu, in agi niya:
كنا نعطيها فى زمان النبى – صلى الله عليه وسلم – صاعا من طعام ، أو صاعا من تمر ، أو صاعا من شعير ، أو صاعا من زبيب….
In ka’awnan namu’ hitukbal namu’ siya(zakaatul fitr) ha jaman sin nabiy sallallaahu ‘alayhi wa sallam hangkan-saa’ dayng ha pagka’un(Al-Burr/trigu) atawa hangka-saa’ dayng ha tamar(hulma’) atawa hangka-saa’ dayng ka sha’eer(barley/dayng ha mga ginisan sin pay) atawa hangka-saa’ dayng ha zabeeb(raisins/pasas)…. [Saheeh Al-Bukhaariy]
Matampal ha hadeeth nasabbut sin in hipagzakat sin mga sahabah pagka’un ha qawman nila, damikkiyan ha jaman ini, in agi sin mga ulamaa’ unu-unu na in pagka’un sin qawman yan amu yadtu in subay hipagzakat nila; Bang saupama in pagka’un sin qawman bugas naa’ bugas in hitukbal, bang saupama pansit in pagka’un nila naa’ in hitukbal subay bihon/sotanghon/etc, bang isab tinapay in pagka’un nila naa’ tukbalan ta trigu, etc….
Pila kilo in tupungan sin hangka-saaa’?
In hangka-saa’ sin rasuwlullaah sallallaahu ‘alayhi wa sallam 2 kilo labi, in agi hi Sheikh Al-‘Uthaymeen rahimahullaah:
…ومقدار الصاع كيلوان وأربعون غراماً من البُر الجيِّد ، هذا هو مقدار الصاع النبوي الذي قدر به النبي صلى الله عليه وسلّم الفطرة.
…Iban in timbangan sin hangka-saa’ 2 kilo iban 40 gram (2.04 kg) dayng ha Al-Burr marayaw, ini in timbangan sin hangka-saa’ sin nabiy amu’in giyanta’ siya sin nabiy sallallaahu ‘alayhi wa sallam ha pagpitla’. [Fusool fiy As-Siyaam wa At-Taraaweeh wa Az-Zakaat]
in agi hi Sheikh Bin Baaz rahimahullaah:
فإذا أخرج ثلاثة كيلو عن الصاع للفطرة زكاة الفطر فقد أخرج شيئًا كافيًا
Naa’ apabila nagpaguwa’/nagzakat siya tuw kilo tungbas sin hangka-saa’ hipagpitla’ sin zakaat al-fitr tantu tu’ud mamarahi na in kiyatukbal niya. [Fataawaa Nuwrun ‘alaa Ad-Darb 15/286]
Hisiyu in tukbalan sin zakaat al-fitr?
Nabahagi’ nagduwa in qawl sin ulamaa’ ha tungud sin parkala’ ini,
In tukbalan sin zakaat al-fitr biya’ da sin zakaat al-maal (8 sinip)
In tukbalan sin zakaat al-fitr ha fuqaraa’ (mga miskin sadja dayng ha mga muslim)
In qawl mattan amuna in umbul duwa, hitukbal in zakaat al-fitr ha mga miskin, in daleel tartantu ha qawl ini amuna in hadeeth kiyabayta’ hi Abdullaah bin Al-‘Abbaas radiallaahu ‘anhu, in agi niya:
فرض رسول الله -صلى الله عليه وسلم- زكاة الفطر طهرة للصائم من اللغو والرفث وطعمة للمساكين من أداها قبل الصلاة فهى زكاة مقبولة ومن أداها بعد الصلاة فهى صدقة من الصدقات
Fiyardu’ sin rasuwlullaah sallallaahu ‘alayhi wa sallam in zakaat al-fitr hipagsutsi ha magpupu’asa dayng ha bissara way pus-paa’idda niya iban bissara mangi’ iban pagka’un ha mga miskin, hisiyu-siyu in timukbal kaniya ha way pa (timindug) in sambahayang (‘eid al-fitr) naa’ in siya zakaat tiyayma’ (sin Allaah), iban hisiyu-siyu in timukbal kaniya puwas sin sambahayang naa’ in siya (mabilang) sadaqqa (ra kuman) dayng ha mga kasadaqqa-sadaqqahan [Abiy Daawud, Ibn Maajah, Ad-Daaraqutniy, Al-Bayhaqiy, Al-Haakim miyaraw hi Imaam Al-Albaaniy rahimahullaah]
Amu’ini in madhab hi Imaam Maalik, sarta’ pini’ hi Ibn Taymiyyah iban sin murid niya hi Ibn Al-Qayyim, damikkiyan amu ini in pini’ hi Sheikh Bin Baaz, Sheikh Al-‘Uthaymeen iban na sin ka’ibanan…. [http://www.islamqa.info/ar
Unu manjari mata sin in hikatukbal ganti’ sin pagka’un/bugas?
In jawab mattan ha pangasubu ini di’ manjari, amu’ini in panindug sin kamata’uran sin ulamaa’ biya’ na kan Imaam Ahmad, Imaam Maalik, Imaam Ash-Shaafi’iy, Ibn Hazm Adh-Dhaahiriy, Ash-Shawkaaniy, iban na sin mga ulamaa’ ha jaman ini: Sheikh Bin Baaz, Sheikh Al-‘Uthaymeen, Sheikh Al-Albaaniy iban na sin ka’ibanan rahimahullaah.
In nag-iyan isab manjari magpaguwa’ qeema(price atawa sin) tungbas/ganti’ sin pagka’un amuna in madh-hab hi Abu Haneefa rahimahullaah.
Tima’ud na in bissara ha antara’ sin nag-iyan di’ manjari iban manjari ha parkala’ ini, ha kahawpu’an niya in nag-iyan di’ manjari naa’ landu’ makusug in daleel nila ha karna’, yari in pagsababan bang mayta’:
In zakaatul fitr ibaadat, in tiyap-tiyap ibaadat tawqifiyya, hati niya di’ kita manjari huminang sin unu-unu na ibaadat malaingkan subay awn daleel iban ma’agad in kabaya’an sin daleel, naa’ in siyabbut sin rasuwlullaah sallallaahu ‘alayhi wa sallam pagka’un bukun sin.
Awn na sin/pilak ha jaman sin rasuwlullaah sallallaahu ‘alayhi wa sallam iban sin mga sahabah niya, malaingkan wayru’un in rasuwlullaah sallallaahu ‘alayhi wa sallam nangda’ak magpaguwa’/tumukbal sin hipagzakaat.
Bang saupama awn mag-iyan in miskin barhaajat ha sin atawa tamungun naa’ mayta’ di’ kahatihan sin Allaah iban rasuwl Niya in haajat sin miskin hangkan in siyara’ hitukbal subay pagka’un?
Di’ natu’ manjari kawa’un in bissara sin hisiyu-siyu sin yari matampal in bissara sin rasuwlullaah sallallaahu ‘alayhi wa sallam ha parkala’ ini, bukun ka rasuwlullaah sallallaahu ‘alayhi wa sallam in sintu’an natu’?
Ku’nu manjari tumukbal sin ganti’ sin pagka’un?
Manjari tumukbal sin/pilak bang in pagka’un biya’ na bugas upamahan di’ hikamunfa’at ha miskin, biya’ na saupama hambu’uk miskeen nakalandu’ wayru’un misan kusina niya, unu pa ka kusina in awn misan in bay wayru’un, naa’ bang mu dihilan bugas di’ ra niya malutu’, MALAINGKAN nagpahalli’ in mga ulamaa’ sin ayaw magpalu’ag dayng ha ini, ha sabab sin pagpalu’ag sin ka’ibanan naa’ naguwa’ na sila dayng ha daleel.
Bang awn saupama kasa’an naa’ magma’ap kamu iban pasawaha niyu ha karna’ waajib in magpasawa sin kasa’an, in katan imamu in yan tawfeeq/rahmat dayng ha Allaah katu’ taniyu kataan, wa billaahi at-tawfeeq wal hidaayah, wallaahu a’lam bissawaab.
