Pangasubu:
Therma Darah
Assalamu alaykum...Biyadiin baha' bang sawpama daran di' kita makasambahayang fajr? Unu in hinangun ta? Manjari magfajr misan manga lisag walu na(8.00am) atawa (until what time) sambil pa ku'nu in waktu niya? Bang sawpama way kita nakasambahayang fajr(subu) taima' baha in upat(4) waktu? Magsukur..
Jawab:
Tadjuk Lawihan
Wa alaykum mussalam...Bang kaw way nakabati' ha waktu fajar(subu) manjari kaw magsambahayang misan kimuguwa' na in suga. Sa' in sambahayang mu bukun na tunay malaingkan mahinang na siya QADAH(ganti') sabab sin gimuwa' na in waktu niya.
Bang kaw way nakapag fajar sabab sin nagjaga kaw sin dum biya' sin nagkita' sadja kaw TV atawa nagmeeting iban bagay,na!, in yan magdusa kaw, atawa diyungug mu in bang ha waktu fajar sah way kaw nag-asip, nagtugtug sa sadja kaw, Na!, in yadtu dusa dakula' pa Allahu Ta'ala...
Wallahu a'alam
Jawab:
Ibn Shaakir
Wa alaykum mussalam wa rahmatullahi wa barakatuhu tuan Therm Darah. Magmaap man kaw tuan bang wayruun magtuy kiyajawaban in pangasubu mu.
Bang sawpama nakahaluk in pagtug mu ha wayruun mu piyagtuuran, sambil gimuwa' na sadja in mata Suga, manjari kaw magqada (magganti') sin Sambahayang Subuh. Bang sawpama piyagtuuranm sawpama nakabati' nakaw sin Subuh atawa diyungug mu na in Bang, sakali natug kaw balik sambil gimuwa' in Suga,,Na!, nakahinang nakaw dusa dakula', sabab sin pamahil-pahil mu sin Sambahayang, subay yadtu pagtaubatan.
In waktu sin Subuh tumagna' ha Fajr Assaadiq (ha waktu gumuwa' na in sahaya panagnaan ha langit, alamat sin umadlaw na siya), sambil ha di' pa gumuwa' in mata Suga. Amu yan in waktu sin Subuh.
Ba'gu(Before) kaw matug pag-alarm kaw, hasupaya kaw makabati bi-idznillah, hinanga katan in sabab. Atawa bassaha in upat(4) ayat hinapusan sin Suwrah Al-kahfi sarta' niyatun mu makabati' kaw ha lisag 3 sawpama, bang magkahandak in Allahu ta'aala, makabati' kaw ha time niyat mu.
Bang sawpama nakahaluk in pagtug mu ha wayruun mu piyagtuuran, sambil gimuwa' na sadja in mata Suga, manjari kaw magqada (magganti') sin Sambahayang Subuh. Bang sawpama piyagtuuranm sawpama nakabati' nakaw sin Subuh atawa diyungug mu na in Bang, sakali natug kaw balik sambil gimuwa' in Suga,,Na!, nakahinang nakaw dusa dakula', sabab sin pamahil-pahil mu sin Sambahayang, subay yadtu pagtaubatan.
In waktu sin Subuh tumagna' ha Fajr Assaadiq (ha waktu gumuwa' na in sahaya panagnaan ha langit, alamat sin umadlaw na siya), sambil ha di' pa gumuwa' in mata Suga. Amu yan in waktu sin Subuh.
Ba'gu(Before) kaw matug pag-alarm kaw, hasupaya kaw makabati bi-idznillah, hinanga katan in sabab. Atawa bassaha in upat(4) ayat hinapusan sin Suwrah Al-kahfi sarta' niyatun mu makabati' kaw ha lisag 3 sawpama, bang magkahandak in Allahu ta'aala, makabati' kaw ha time niyat mu.
