Pangasubu:
Dainty Dame
Assalamu Alaykum Wa rahmatullahi Ta'ala Wa Barakatu...Magsukul tuud aku ha pagtaima (accept) niyu kaku' manga tuan di ha tiranan ini. Alhamdulillah!.Amusadtu manga tuan mabaya' aku humati atawa umasabu kaniyu ha supaya kaganapan pa in maniyu'-tiyu' panghati sin taymanghud niyu ini.
In pangasubu ku tuan, Unu baha' in hukuman sin manga pagkahi natuh Muslim mabunu' atawa mag-atubang iban sin pagkahi natu' Muslimin? Maap dakuman kamu na in magpabuntul sin pangasasubu ku yan manga tuan. Magsukul in advance, Ramadan mubarak saplag!!!
Jawab:
Ibn Shaakir
Ibn Shaakir
Wa alaykumussalam wa rahmatullahi wa barakatuhu...
In pagbunu' sin Muslim pa pagkahi niya Muslim, in yan Haram. Ha hadeeth sin Rasulullahi (Sallallah alayhi wasallam):
عن ابن مسعود رضي الله عنه، قال : قال رسول الله صلى الله عليه و سلّم : (( لا يحلّ دم امرئ مسلم الاّ باءحدى ثلاث : الثيب الزّّني، و النفس بالنفس، و التّارك لدينه المفارق للجماعة )). رواه البخاري و مسلم
Daing kan Ibn Mas-'uwd (Kiyaridaan siya sin Allah Ta'aala), laung niya: Nagsabda in Rasuwlullahi (Sallallahu Alayhi Wasallam):
" Di' mahalal hi asag in dugu' sin hambuuk Muslim, malaingkan ha Tuw (3) parkala' ini:
In pagbunu' sin Muslim pa pagkahi niya Muslim, in yan Haram. Ha hadeeth sin Rasulullahi (Sallallah alayhi wasallam):
عن ابن مسعود رضي الله عنه، قال : قال رسول الله صلى الله عليه و سلّم : (( لا يحلّ دم امرئ مسلم الاّ باءحدى ثلاث : الثيب الزّّني، و النفس بالنفس، و التّارك لدينه المفارق للجماعة )). رواه البخاري و مسلم
Daing kan Ibn Mas-'uwd (Kiyaridaan siya sin Allah Ta'aala), laung niya: Nagsabda in Rasuwlullahi (Sallallahu Alayhi Wasallam):
" Di' mahalal hi asag in dugu' sin hambuuk Muslim, malaingkan ha Tuw (3) parkala' ini:
- Tau tagapaghula' (nakalabay paghula') nakapag ZINAH,
- Iban ginhawa pa ginhawa (Nakabunu' tau ha piyagtuuran, kiyabantangan sin hukuman Qisaas),
- Iban Tau gimuwa' (Nagmurtad) daying ha agama niya, nagmufariq (minig) daying ha Jama'ah. "(Kiyariwayat hi Imam Bukhariy iban hi Muslim Rahimahumallah).
Sarta' sumud siya pa hambuuk Hadith pa sin Rasulullahi (sallallahu alayhi wasallam), tungud pa duwa Muslim nagbunu':
الفاتل و المقتول في النّار
"In Namunu' iban sin Biyunu', halaum Narka' (karuwa)"
Nangasubu in mga Sahabah, "Biya'diin na laung niya in Nabunu' yadtu?" Bang biyah katu', in Namunu' asal matampal na, mayta' laung niya sambil Nabunu' halaum Narka'? In agi sin Rasulullahi (Sallallahu alayhi wasallam): "Innahu kaana hariysan 'ala qatli akhiyhi" (aw kamaa qala), kiya-unahan sadja siya nabunu', sa' in halaum niyat sin nabunu' yadtu, patayun niya ra isab in taymanghud niya muslim yaun. (Wal-iyaadzubillahi min dzaalik).
Wallahu a'lam bissawab.
