Pangasubu:
Sharpiepox E. Hanapi
Assalamu alaykum wa rahmatullahi ta'ala wabarakatuhu... Ya kamu manga kah tuan Ustadz guru sin kami katan. Aun ini hambuuk pangasubu ku ha pasalan sin Shi'ah iban Sunni, Unu in piyagbiddaan sin duwa ini? Iban maita' in Shi'ah bang magwudu'(mag-ayil) di' paghugasan in siki? Unu hati sin bihadtu Sara'? Maap tuud ha pangasubu ku. InshaALLAH tumagad aku sin jawab niyu manga guru namu' kalasahan. Salam kasilasa pa katan.
Jawab:
Abu AbdirRahmaan
Wa alaykum mussalam wa rakhmatullahi wa barakatuhu...
Bismillaahi walhamdulillaah was salaatu was salaamu 'alaa rasuwlillaah.
Hambu'uk daing ha manga parsababan bang mayta' di' manjari kita niyu sumambahayang ha taykud sin shi'ah ha sabab sin ini, bukun sampurna' in pagwudu' nila, aun kita' sin Rasulullah (sallallahu 'alayhi wa sallam) nagwudu' sarta' way niya nabasa in tikud-tikud niya, na, diya'ak siya sin Rasulullah (sallallahu 'alayhi wa sallam) magwudu' magbalik, sabda sin rasuwlullaah sallallaahu 'alayhi wa sallam:
وَيْلٌ لِلأَعْقَابِ مِنَ النَّارِ
Siksa'/Kabinsa'anan (ha tagdapu) sin mga tikud-tikud dayng ha narka' (amu'in way nabasa sin tubig ha pagwudu' niya) [Saheeh Muslim]
In hadith ini dalil(suntuan) manunjuki pa kawajib sin paghugas sin duwa siki tubtub buku-buku lapay na in tikud-tikud, iban mata'ud pa hadeeth duga'ing mutawaatir.
Adapun in pagsapu sin duwa siki bang in hangka-ta'u nagsusu'lug sin khuffain(leather socks) atawa midyas/ sapatus /etc.
Bihan in sunnat sin Rasulullaah sallallaahu 'alayhi wa sallam nagpatarrang sin pagwudu, piyatarrang niya sin hadeeth niya in aayat sin Allaah ha suwra Al-Maa'ida:6
يَا أَيُّهَا الَّذِينَ آَمَنُوا إِذَا قُمْتُمْ إِلَى الصَّلَاةِ فَاغْسِلُوا وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُوا بِرُءُوسِكُمْ وَأَرْجُلَكُمْ إِلَى الْكَعْبَيْنِ
Yaa kamu mga bar-eeman apabila kamu timindug magsambahayang naa' hugasi niyu in bayhu' niyu iban sin mga lima niyu tubtub siku, iban sapuhi niyu in mga uw niyu iban (hugasi niyu) in siki niyu tubtub duwa buku-buku (atawa sapuhi niyu bang kamu nagsusu'lug khuffain)
Nasabbut ha tuhfatu alahwadhiy sharh sin sunan at-tirmidhiy, in agi hi AbdurRahmaan bin Abiy Laylaa:
قَالَ عَبْدُ الرَّحْمَنِ بْنُ أَبِي لَيْلَى : أَجْمَعَ أَصْحَابُ رَسُولِ اللَّهِ صَلَّى اللَّهُ عَلَيْهِ وَسَلَّمَ عَلَى غَسْلِ الْقَدَمَيْنِ ، رَوَاهُ سَعِيدُ بْنُ مَنْصُورٍ وَادَّعَى الطَّحَاوِيُّ وَابْنُ حَزْمٍ أَنَّ الْمَسْحَ مَنْسُوخٌ وَاللَّهُ أَعْلَمُ ، كَذَا فِي فَتْحِ الْبَارِي .
Nag-ijmaa' in mga sahabah sin rasuwlullaah sallallaahu 'alayhi wa sallam ha paghugas sin duwa siki, kiyariwaayat hi Sa'eed bin Mansuwr, iban in agi hi At-Tahawiy iban hi Ibn Hazm in pagsapu sin duwa siki (ha wayru'un nagsusu'lug sin khuffain) mansukh(napasaw na in sara' niya) wallaahu a'lam, bihan in nasabbut ha Fathul Baariy (hi Ibn Hajar Al-Asqalaaniy rahimahullaah)
Bihan in kahawpu'an sin parkala' ini, subay kita niyu daran umatud ha daleel atawa hadeeth sin rasuwlullaah sallallaahu 'alayhi wa sallam iban kakahinang sin mga sahabah niya radiallaahu 'anhum, du'un tumampal kaatu' in kasabunnalan.
Wallaahu a'lam bissawaab.
Hambu'uk daing ha manga parsababan bang mayta' di' manjari kita niyu sumambahayang ha taykud sin shi'ah ha sabab sin ini, bukun sampurna' in pagwudu' nila, aun kita' sin Rasulullah (sallallahu 'alayhi wa sallam) nagwudu' sarta' way niya nabasa in tikud-tikud niya, na, diya'ak siya sin Rasulullah (sallallahu 'alayhi wa sallam) magwudu' magbalik, sabda sin rasuwlullaah sallallaahu 'alayhi wa sallam:
وَيْلٌ لِلأَعْقَابِ مِنَ النَّارِ
Siksa'/Kabinsa'anan (ha tagdapu) sin mga tikud-tikud dayng ha narka' (amu'in way nabasa sin tubig ha pagwudu' niya) [Saheeh Muslim]
In hadith ini dalil(suntuan) manunjuki pa kawajib sin paghugas sin duwa siki tubtub buku-buku lapay na in tikud-tikud, iban mata'ud pa hadeeth duga'ing mutawaatir.
Adapun in pagsapu sin duwa siki bang in hangka-ta'u nagsusu'lug sin khuffain(leather socks) atawa midyas/ sapatus /etc.
Bihan in sunnat sin Rasulullaah sallallaahu 'alayhi wa sallam nagpatarrang sin pagwudu, piyatarrang niya sin hadeeth niya in aayat sin Allaah ha suwra Al-Maa'ida:6
يَا أَيُّهَا الَّذِينَ آَمَنُوا إِذَا قُمْتُمْ إِلَى الصَّلَاةِ فَاغْسِلُوا وُجُوهَكُمْ وَأَيْدِيَكُمْ إِلَى الْمَرَافِقِ وَامْسَحُوا بِرُءُوسِكُمْ وَأَرْجُلَكُمْ إِلَى الْكَعْبَيْنِ
Yaa kamu mga bar-eeman apabila kamu timindug magsambahayang naa' hugasi niyu in bayhu' niyu iban sin mga lima niyu tubtub siku, iban sapuhi niyu in mga uw niyu iban (hugasi niyu) in siki niyu tubtub duwa buku-buku (atawa sapuhi niyu bang kamu nagsusu'lug khuffain)
Nasabbut ha tuhfatu alahwadhiy sharh sin sunan at-tirmidhiy, in agi hi AbdurRahmaan bin Abiy Laylaa:
قَالَ عَبْدُ الرَّحْمَنِ بْنُ أَبِي لَيْلَى : أَجْمَعَ أَصْحَابُ رَسُولِ اللَّهِ صَلَّى اللَّهُ عَلَيْهِ وَسَلَّمَ عَلَى غَسْلِ الْقَدَمَيْنِ ، رَوَاهُ سَعِيدُ بْنُ مَنْصُورٍ وَادَّعَى الطَّحَاوِيُّ وَابْنُ حَزْمٍ أَنَّ الْمَسْحَ مَنْسُوخٌ وَاللَّهُ أَعْلَمُ ، كَذَا فِي فَتْحِ الْبَارِي .
Nag-ijmaa' in mga sahabah sin rasuwlullaah sallallaahu 'alayhi wa sallam ha paghugas sin duwa siki, kiyariwaayat hi Sa'eed bin Mansuwr, iban in agi hi At-Tahawiy iban hi Ibn Hazm in pagsapu sin duwa siki (ha wayru'un nagsusu'lug sin khuffain) mansukh(napasaw na in sara' niya) wallaahu a'lam, bihan in nasabbut ha Fathul Baariy (hi Ibn Hajar Al-Asqalaaniy rahimahullaah)
Bihan in kahawpu'an sin parkala' ini, subay kita niyu daran umatud ha daleel atawa hadeeth sin rasuwlullaah sallallaahu 'alayhi wa sallam iban kakahinang sin mga sahabah niya radiallaahu 'anhum, du'un tumampal kaatu' in kasabunnalan.
Wallaahu a'lam bissawaab.
.
