Pangasubu:
Hanie Castiri
Assalamu alaykum... Sual, jiyari baha magbutang aya't halaum sin cellphone?
Jawab:
Abu AbdirRahmaan
Bismillaahi walhamdulillaah was salaatu was salaamu 'alaa Rasuwlillaah
Wayru'un sa' niya in magbutang aayat/ suwra't/ al-Qur'an ha cellphone atawa PC iban na ka'ibanan electronic devices, ayaw sadja bakay-bakayun, biya' na hi save mu in aaya't sin Allaah naglalamud iban music.
Tumtumun natu' in aya't sin Allah labi mahalga' daing ha dunya ini iban na sin lu'un niya sampay in bud amuna in sapagun-pagun piyapanjari sin Allah, lansang sin kalupa'-lupa'an nagmamabuga' da ha kallam sin Allah, parman sin Allah:
لَوْ أَنْزَلْنَا هَذَا الْقُرْآَنَ عَلَى جَبَلٍ لَرَأَيْتَهُ خَاشِعًا مُتَصَدِّعًا مِنْ خَشْيَةِ اللَّهِ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ (21)
Bang piyana'ug namu' in Al-Qur'an ini ha hambu'uk bud tantu tu'ud kakita'an mu siya nagpapatikuwpu' iban masipak ha sabab sin kabuga' niya ha Allah, iban in damikkiyan manga upamahan hipagpasawa' (ha manga maanusiya') mura-murahan in sila makatali' (sin kabassaran/ kalaggu'an sin Allah) [Al-Hashr:21]
Iban in pagmartabbat ha manga alaamat sin agama sin Allaah, biya' na Al Qur'an, kamasjid-masjiran iban na ka'ibanan dalil sin taqwa(pagmamuga) sin pangatayan, farman sin Allaah:
ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ
Damikkiyan (in pagtawheed pag-ibaadat ha Allah tulus Ikhlas Kaniya) iban na sin panglaggu'i/ pagmartabbat ha manga alaamat sin Allah, na, bunnal tu'ud in siya daing ha taqwa(pagmamuga) sin pangatayan [Al-Hajj:32]
Adapun in hinangun in aya't ringtone? Na, in ini lamud daing ha pagbakay-bakay ha aya't sin Allah ha karna' tabiya' ra kuman sampay ha lugal bukun mapatut karungugan mu kumatingug, biya' na ha laum pangjambanan(CR) iban na sin kaibanan( etc...).
Wallaahu a'lam bissawaab
Wayru'un sa' niya in magbutang aayat/ suwra't/ al-Qur'an ha cellphone atawa PC iban na ka'ibanan electronic devices, ayaw sadja bakay-bakayun, biya' na hi save mu in aaya't sin Allaah naglalamud iban music.
Tumtumun natu' in aya't sin Allah labi mahalga' daing ha dunya ini iban na sin lu'un niya sampay in bud amuna in sapagun-pagun piyapanjari sin Allah, lansang sin kalupa'-lupa'an nagmamabuga' da ha kallam sin Allah, parman sin Allah:
لَوْ أَنْزَلْنَا هَذَا الْقُرْآَنَ عَلَى جَبَلٍ لَرَأَيْتَهُ خَاشِعًا مُتَصَدِّعًا مِنْ خَشْيَةِ اللَّهِ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ (21)
Bang piyana'ug namu' in Al-Qur'an ini ha hambu'uk bud tantu tu'ud kakita'an mu siya nagpapatikuwpu' iban masipak ha sabab sin kabuga' niya ha Allah, iban in damikkiyan manga upamahan hipagpasawa' (ha manga maanusiya') mura-murahan in sila makatali' (sin kabassaran/ kalaggu'an sin Allah) [Al-Hashr:21]
Iban in pagmartabbat ha manga alaamat sin agama sin Allaah, biya' na Al Qur'an, kamasjid-masjiran iban na ka'ibanan dalil sin taqwa(pagmamuga) sin pangatayan, farman sin Allaah:
ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ
Damikkiyan (in pagtawheed pag-ibaadat ha Allah tulus Ikhlas Kaniya) iban na sin panglaggu'i/ pagmartabbat ha manga alaamat sin Allah, na, bunnal tu'ud in siya daing ha taqwa(pagmamuga) sin pangatayan [Al-Hajj:32]
Adapun in hinangun in aya't ringtone? Na, in ini lamud daing ha pagbakay-bakay ha aya't sin Allah ha karna' tabiya' ra kuman sampay ha lugal bukun mapatut karungugan mu kumatingug, biya' na ha laum pangjambanan(CR) iban na sin kaibanan( etc...).
Wallaahu a'lam bissawaab
