Pangasubu:
Sweetie Mhayskie
Assalamualaykum...Bang way ta najukup in puasa, biyadiin in hantang sin pagbayad(ganti') kaniya? Iban aun kulang sin puasa ha nakalabay ramadan ubus way tapa kiyabaran(gantian) biyadiin baha' yadtu kaagi?
Iban way ra baha' sa' niya bang mabassa ta magbalik in ayat bakas na nabassa ta halaum sin sambahayang? Magsukur....
Bismilllaahi walhamdulillaah was salaatu was salaamu 'alaa rasuwlillaah.
Bang aun daingg ha manga adlaw ha ramadan kiyabuka'an ha karna' aun ujur shar'iy,, biya' na sin biyulan atawa nasakit atawa nagtutulak-tulak, iban na sin kaibanan ( etc..).., na, bayaran niya ha unu-unu adlaw duga'ing katanaman niya ha di' pa mabut in ramadan sumunu'.
Bang siya iyabutan sin ramadhaan simunu' ha aun pa qada' niya ha ramadan naka'una, na, pagtawbatan niya ha karna' piyahil-pahil niya in pagbayad(ganti) niya ha haq sin nagpapanjari kaniya sarta' bayaran(gantian) niya, bang saupama in sabab sin way siya nakabayad sarta' iyabutan sin ramadhan simunu' ha karna' nasakit siya ha laum sin hangkatahun atawa naburus /nagpapaduru' mabuga' siya adakala hikamudarat in pagpuasa niya ha anak niya, na, magfidya siya.
Ha tungud isab sin aayat/ suwra bakas na nabassa sarta' balikan bassahun ha dugaing raka'at, na, wayru'un sa' niya.
Wallaahu a'lam bissawaab.
Bang aun daingg ha manga adlaw ha ramadan kiyabuka'an ha karna' aun ujur shar'iy,, biya' na sin biyulan atawa nasakit atawa nagtutulak-tulak, iban na sin kaibanan ( etc..).., na, bayaran niya ha unu-unu adlaw duga'ing katanaman niya ha di' pa mabut in ramadan sumunu'.
Bang siya iyabutan sin ramadhaan simunu' ha aun pa qada' niya ha ramadan naka'una, na, pagtawbatan niya ha karna' piyahil-pahil niya in pagbayad(ganti) niya ha haq sin nagpapanjari kaniya sarta' bayaran(gantian) niya, bang saupama in sabab sin way siya nakabayad sarta' iyabutan sin ramadhan simunu' ha karna' nasakit siya ha laum sin hangkatahun atawa naburus /nagpapaduru' mabuga' siya adakala hikamudarat in pagpuasa niya ha anak niya, na, magfidya siya.
Ha tungud isab sin aayat/ suwra bakas na nabassa sarta' balikan bassahun ha dugaing raka'at, na, wayru'un sa' niya.
Wallaahu a'lam bissawaab.
